Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Dita e zgjedhjeve në Serbi përfundoi të dielën (02.06.2024) me shpalljen e fitores në qytetin e tretë më të madh në Serbi, në Nish, si nga opoziita ashtu edhe nga Partia Përparimtare Serbe, e presidentit Aleksandar Vuçiç
SERBI- Në Nish flitet për një “barazim”, por SNS fitoi pothuajse në të gjitha vendet e tjera të mëdha. Opozita dështoi edhe në Beograd. Dita e zgjedhjeve në Serbi përfundoi të dielën (02.06.2024) me shpalljen e fitores në qytetin e tretë më të madh në Serbi, në Nish, si nga opoziita ashtu edhe nga Partia Përparimtare Serbe, e presidentit Aleksandar Vuçiç. Kjo do të thotë se në këtë qytet nuk do të dihet edhe ca kohë se kush do të marrë pushtetin lokal. Por situata është shumë e qartë në shumë qytete dhe bashki të tjera.
Në Nish, sipas rezultateve preliminare ka fituar lista me emrin e Aleksandër Vuçiqit 30 nga 61 mandate. Thuhet se një mandat, i cili mund të jetë edhe vendimtar, ka fituar Partia Ruse, që do të thotë se Vuçiqi prapë mund të mbajë pushtetin atje.
SNS ka shpallur fitoren në 85 nga 89 qeveritë e zgjedhura lokale - të gjitha, përveç tre komunave me shumicë hungareze në Vojvodinë, si dhe në Tutin me shumicë boshnjake. Nga ana tjetër, opozita humbi zgjedhjet në qytetin e Beogradit, por ka fituar në disa bashki të kryeqytetit, siç është bashkia Stari grad. Sipas rezultateve të deritanishme, opozita ka fituar edhe në disa bashki të vogla të kryeqytetit.
Qendra misterioze e thirrjeve
Dita e votimit, duket se ka kaluar më e qetë se ajo e dhjetorit të vitit të kaluar, ku ka pasur parregullësi masive, edhe pse edhe dje janë denoncuar një sërë incidentesh, janë regjistruar parregullësi të shumta me kamerat e celularëve. Aktivistët e opozitës kanë vërejtur një lloj "selie” zgjedhore të SNS-së në SPENS të Novi Sadit ose në qendrën sportive Banjica në Beograd. Por në rrjetet sociale ka dhe shumë e shumë inçizime të tjera, të cilat akoma nuk mund të verifikohen në tërësi, nëse janë të sakta. Sipas këtyre regjistrimeve ka pasur edhe parregullësi të tjera të shumta si dhe blerje të votave.
Presidenti i Serbisë, Aleksandar Vuçiq, i cili edhe një herë ua dha emrin e tij të gjitha listave të partisë SNS,pohoi se ato janë "qendra telefonike” si të gjithë të tjerët dhe se aty nuk ka asgjë të paligjshme. Policia dhe prokuroria gjithashtu nuk panë asgjë të kundërshtueshme.
Sipas aktivistëve të opozitës, aty mbaheshin lista të dyfishta të votuesve, ndërsa aktivistët e SNS u larguan nga vendvotimet me kuti misterioze. Sipas opozitës, parregullsitë kryesore në zgjedhje ishin shkelja e fshehtësisë së votës, si dhe blerja e votave, e në disa vendvotime janë vërejtur vetura me targa të huaja, kryesisht nga Bosnjë-Hercegovina.
E gjithë kjo të kujton parregullsitë që u shënuan edhe në zgjedhjet e dhjetorit, që rezultoi me ndarjen e opozitës dhe bojkotimin e zgjedhjeve nga disa prej tyre.
Rezultati i dobët i opozitës
Një pjesë e opozitës i ka bojkotuar këto zgjedhje. Ndërsa opozita që mori pjesë, gjen tani justifikime të ndryshme për rezultatin e dobët zgjedhor, veçanërisht në Beograd, ku lista e SNS fitoi një shumicë komode në asamblenë e qytetit. Ndërkohë që në zgjedhjet e kaluara që u anuluan, SNS nuk e kishte shumicën e duhur për qeverisje.
Lideri i Lëvizjes "Nise Ndryshimin”, Savo Manojloviq, tha se këto janë zgjedhjet më të parregullta deri më tani në Beograd. Ai bëri të ditur se i kishte udhëzuar kontrollorët e tij që të mos i nënshkruajnë procesverbalet në vendvotime, për shkak të parregullsive.
Manojloviq mendon se opozita duhet të refuzojë të gjitha mandatet e fituara në nivelin lokal dhe se duhet të vazhdojë luftën për demokraci me mjete jashtëparlamentare.
Radomir Lazoviq, nga "Fronti i Gjelbër-Majtas", beson se "fushata e bojkotit megjithatë ndikoi në rezultatin përfundimtar të zgjedhjeve".
"Luftuam kundër dy kundërshtarëve, partisë në pushtet dhe atyre që bojkotuan zgjedhjet", theksoi Lazoviq. Opozita gjatë mbrëmjes së kaluar megjithatë dërgoi disa mesazhe inkurajuese për votuesit e saj dhe pretendoi se fitoi Nishin, komunën e Vraçarit në Beograd si dhe komunën Stari Grad në Beograd.
Por kur të shpallen rezultatet përfundimtare, do të shihet nëse ato ishin vetëm fjalë ngushëllimi, apo opozita vërtet arriti diku ndonjë rezultat serioz karshi SNS, e cila dominoi gati në të gjithë vendin.
"Do të vazhdojmë të kemi një periudhë të paqëndrueshmërisë së madhe politike"
Politologu Dushko Radosavljeviq i vlerëson rezultatet e zgjedhjeve lokale si një situatë të favorshme për të gjithë pjesëmarrësit në skenën politike. "Ata që bojkotuan zgjedhjet tani do të thonë ‘mirë ju thamë që nuk ia vlen të shkojmë në këto zgjedhje'. Ata që morën pjesë në zgjedhje mund të thonë 'po të dilnit edhe ju në zgjedhje, rezultatet do të ishin krejtësisht të tjera'. Ndërsa Aleksandar Vuçiq mund të thotë se tani është vërtetuar se ata janë forca më e fuqishme politike në Serbi”, tha Radosavljeviq për DW.
Rezultati, duke pasur parasysh marifetet e regjimit, mund të ishte edhe më i keq, shton Radosavljeviq.
“Prandaj edhe pas këtyre zgjedhjeve do të vazhdojmë të kemi një periudhë të paqëndrueshmërisë së madhe politike në Serbi. Ne kemi një gjendje të jashtëzakonshme që kur SNS ka ardhur në pushtet, e kjo parti nuk fsheh dëshirën për të kaluar nga një regjim autoritar në një regjim totalitar. Tashmë është evidente se asnjë sistem në vend nuk funksionon siç duhet. Prandaj nuk jam aspak optimist”, thekson Radosavljeviq.
Marrë nga DW
Donald Trump SHBA- Brenda pak orësh, ish-presidenti i SHBA-së, Donald Trump numëron më shumë se tre milion&eum...
foto ilustruese KABUL- Afganistani nisi një tjetër fushatë të vaksinimit kundër poliomielitit, e cila synon mbrojtjen e rreth 11.2...
millorad dodik BOSNJE HERCEGOVINË- Për disa është “retorikë boshe” dhe “asgjë e re”, por pë...
claudia sheinbaum MEKSIKË- Claudia Sheinbaum u zgjodh presidentja e parë e Meksikës. Autoriteti zyrtar zgjedhor i Meksikë...
foto ilustruese INDI- Më shumë se 50 njerëz vdiqën në Indi gjatë tri ditëve të fundit, si pasojë e një va...
GJERMANI- Mungesë mjekësh, krizë financiare në spitale, standarde të dobëta digjitalizimi. Ministri gjerman i Shëndetë...
Darka SERBI- Presidenti i Serbisë, Aleksandar Vuçiç pas fitores së regjistruar ditën e djeshme në zgjedhjet lojale ka pos...
Ardita Sinani PRESHEVË- Ardita Sinani nga PVD ka shpallur fitoren në Preshevë ndërsa “Fronti për Ndryshim” del t&...
Policia GJERMANI- Ndërroi jetë polici i lënduar, i sulmuar të premten në Manhaim. Policia po ruante një miting të lë...
Foto ilustruese GJEORGJI- Kryetari i Parlamentit të Gjeorgjisë, Shalva Papuashvili, tha se ka nënshkruar ligjin kontrovers për “a...
