Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Demokratët tradicionalisht mbizotërojnë në qytetin e Erie-t. Megjithatë, këtë herë ata nuk po marrin asgjë si të mirëqenë, duke nxitur pjesëmarrjen maksimale si në qytet ashtu edhe në qark, thotë kryetari i degës lokale të demokratëve, Sam Talarico.
SHBA- Në zgjedhjet presidenciale amerikane, një vëmendje e posaçme i kushtohet qarkut Erie, në Pensilvani. Arsyeja për këtë është se në katër garat e fundit presidenciale, kandidati që fitoi këtë qark ishte dhe fitues i garës zgjedhore në Shtetet e Bashkuara duke fituar statusin si parashikues i garës për Shtëpinë e Bardhë. Mirëpo, siç njofton korrespondenti i Zërit të Amerikës, Steve Herman gjatë dekadës së fundit, diferenca midis fituesit dhe humbësit është zvogëluar.
“Qarku Erie, ju keni rëndësi të veçantë. Vota juaj shpesh parashikon fituesin e zgjedhjeve presidenciale”, thotë Kamala Harris, kandidate demokrate për president.
Ajo iu drejtua mbështetësve të saj disa javë pasi rivali republikan Donald Trump mbajti tubimin e tij në këtë qytet.
“Nëse ajo fiton, nuk do të ishte një situatë e këndshme për mua, por nuk shqetësohem shumë për këtë. Kemi punë për të bërë. Nuk mund ta lejojmë atë të fitojë”, thotë zoti Trump.
Demokratët tradicionalisht mbizotërojnë në qytetin e Erie-t. Megjithatë, këtë herë ata nuk po marrin asgjë si të mirëqenë, duke nxitur pjesëmarrjen maksimale si në qytet ashtu edhe në qark, thotë kryetari i degës lokale të demokratëve, Sam Talarico.
“Nuk ka më kohë për të bindur njerëzit se për kë të votojnë. Tani po punojmë që të nxisim mbështetësit tanë të rregullt të dalin për të votuar. Për këtë asgjë tjetër nuk funksionon më mirë se sa të shkosh derë më derë dhe të kontaktosh drejtpërdrejt me njerëzit”, Talarico.
Ndërkaq, republikanët mbizotërojnë në zonat periferike. Linda Pezzino udhëheq zyrën e ekipit të fushatës së ish Presidentit Trump, në qytetin Corry, në këtë qark. Ajo thotë se ka kaluar netë të tëra pa gjumë nga shqetësimi për fatin e kandidatit republikan në këto zgjedhje.
“Megjithatë, papritmas fillova të mendoj; ‘Ai po fiton. Ai do të fitojë Pensilvaninë”, thotë zonja Pezzino.
Qarku Erie ka një kohë të gjatë që përballet me vështirësi ekonomike, pavarësisht se cila parti është në pushtet. Jo pak fabrika u mbyllën, vendet e punës humbën dhe njerëzit u larguan prej aty.
Megjithatë, një ringjallje ekonomike së fundmi po tërheq turistët për aktivitete të ndryshme, nga udhëtimet me anije e deri te shëtitjet nëpër vreshta për të provuar lloje të ndryshme vere.
Mario Mazza menaxhon vreshtën e cila prej dy gjeneratash është pronë e familjes së tij. Ai thotë se gjuha e ashpër që përdorin kandidatët nuk e ndihmon industrinë e tij e cila mbështetët tek punëtorët e huaj që vijnë si emigrantë.
“Pa punëtorë, bujqësia në këtë vend do të ngecë. Unë mendoj se të gjithë ata që janë të përfshirë në industrinë e ushqimit e dinë dhe e kuptojnë këtë”, thotë ai.
Një pjesë të popullsisë që qarku Erie e humbi është zëvendësuar nga ardhjet e shumta të portorikanëve dhe emigrantëve hispanikë. Leida Rodriguez, pronare e restaurantit ‘La Cocina Coqui’ thotë se konsumatorët e saj duan një president që do t’i jap fund inflacionit.
“Kostoja e ushqimit dhe qiratë janë rritur. Votuesit po kërkojnë për një zgjidhje dhe kush i ndihmon ata”, thotë zonja Rodriguez.
Kandidatja demokrate Harris duket se përfiton nga shtimi banorëve që janë regjistruar për të votuar dhe nga organizimi i demokratëve në këtë zonë. Megjithatë, profesori i historisë në Universitetin Gannon thotë se ky vlerësim nuk qëndron më.
“Para futjes së Trumpit në politikë, vlerësimi ishte se ‘demokratët do të fitojnë pasi janë të organizuar. Ata kanë mbi dhjetë punonjës në një zonë që ka vetëm 200 mijë banorë. Ky angazhim padyshim se do të shpaguhet’. Por, ky vlerësim bie poshtë kur merret parasysh se rivali është Donald Trumpi i cili ka ndryshuar rregullat e politikës amerikane”, thotë Profesori Bloodworth.
Demokratët dhe republikanët pajtohen për një gjë, ata janë të shqetësuar për fatin e këtyre zgjedhjeve që të dyja palët thonë se duhet t’i fitojnë patjetër./ VOA
Foto ilustruese SHBA- Karolina e Veriut është një nga shtatë të ashtuquajturat shtete të pavendosura që mund të jet...
Vullkani në Indonezi INDONEZI- Të paktën 10 persona janë vrarë pasi një vullkan shpërtheu në Indonezi. Shp&eum...
Donald Trump dhe Kamala Harris SHBA- Amerikanët do të votojnë të martën për të zgjedhur se kush do të drejtojë...
Kamala Harris SHBA- Kamala Harris do të shkojë në shtetin vendimtar të Pensilvanisë për ditën e fundit të fushat&eu...
Përmbytjet në Spanjë BARCELONA- Përmbytje të rënda kanë goditur Barcelonën, me një alarm të kuq që p...
Donald Trump SHBA- Kandidati republikan, Donald Trump, ka pranuar se ekziston mundësia që ai të humbasë zgjedhjet presidenciale. Turum...
Foto ilustruese RUSIA- Rusia ua ka dhënë shtetësinë 3.344 të huajve prej fillimit të këtij viti, në bazë t&eum...
foto ilustruese SHBA- Zyrat zgjedhore në SHBA kanë forcuar masat e sigurisë këtë vit, duke parashikuar dhunën e mundshme bazu...
Donald Trump SHBA- Kandidati republikan për president, Donald Trump është zotuar të hetojë ose ndjekë penalisht rivalët ...
Ish-presidenti i SHBA, Donald Trump SHBA- Kandidati republikan për president, Donald Trump është zotuar të hetojë ose ndjekë ...
