Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Aktualitet
‘BROTHERS’/ Arrestohen dy vëllezër në Përmet!Sekuestrohet cannabis, armë dhe fishekë
4 Shkurt 2022, 10:12Nga DOSJA
PËRMET– Dy vëllezër janë arrestuar pas finalizimit të operacionit policor të koduar ‘Brothers’ në Përmet. Fredi dhe Aleksandër Zhaka, 39 dhe 36-vjeç pasi në vendin e quajtur “Vinja”, iu gjetën nga policia 1.4 kg lëndë e dyshuar narkotike cannabis sattiva, armë zjarri dhe një sasi fishekësh. I ati i dy të arrestuarve është proceduar nga policia.
Dy vëllezërit do të akuzohen për veprat penale “Prodhimi dhe shitja e narkotikëve” dhe “Mbajtja pa leje e armëve, armëve shpërthyese dhe municionit”.
NJOFTIMI I POLICISË:
Finalizohet me sukses operacioni policor i koduar “BROTHERS”. Operacioni nga Seksioni për Hetimin e Trafiqeve dhe Narkotikëve, në bashkëpunim me Komisariatin e Policisë Përmet. Skuestrohen 1.4 kg lëndë e dyshuar narkotike cannabis sativa, një armë zjarri dhe fishekë. Vihen në pranga 2 vëllezërit që i posedonin, procedohet penalisht babai i tyre. Në vijim të punës së pandërprerë për parandalimin dhe goditjen e paligjshmërisë në fushën e prodhimit dhe shitjes së lëndëve narkotike, kapjen dhe vënien përpara përgjegjësisë ligjore, të personave që mbajnë armë zjarri pa leje, Seksioni për Hetimin e Trafiqeve të Paligjshme dhe Narkotikëve në DVP Gjirokastër, në bashkëpunim me Komisariatin e Policisë Përmet, mbi bazën e informacioneve të siguruara në rrugë policore, ka organizuar dhe finalizuar me sukses operacionin policor të koduar “BROTHERS”, si rezultat i të cilit u arrestuan në flagrancë shtetasit F. Zh., 39 vjeç dhe A. Zh., 36 vjeç (vëllezër) banues në fshatin Bodar, Përmet, si dhe u procedua penalisht shtetasi Ll. Zh., 69 vjeç (babai i tyre). Gjatë kontrollit të ushtruar nga shërbimet e Policisë, në një ambient në përdorim nga këta shtetas, në vendin e quajtur “Vinja”, fshati Bënjë, Përmet, u gjetën 1.4 kg lëndë e dyshuar narkotike cannabis sattiva, një armë zjarri dhe një sasi fishekësh. Në cilësinë e provës materiale u sekuestruan lënda e dyshuar narkotike, arma e zjarrit, fishekët dhe 2 aparate celulare. Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Përmet, për veprat penale “Prodhimi dhe shitja e narkotikëve” dhe “Mbajtja pa leje e armëve, armëve shpërthyese dhe municionit”.
(A.B)/Dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
KUKËS– Udhëtimet nga Kukësi do të kushtojnë 19 euro. Kështu deklaroi ditën e sotme kryeministri Edi Rama nga Kukësi, pasi zbriti me një avion të komp...
TIRANË– Konfindustria ka kërkuar ngritjen e një komisioni parlametnar për hetimin e shkaqeve dhe rolin e munguar të institucioneve ekzekutive e rregu...
ELBASAN– Dosja.al ju sjell pamjet brenda sallës së gjyqit që po mbahet ndaj zyrtarëve të burgjeve që u prangosën në kuadër të operacionit “Trinomi”. Në vi...
TIRANË– Partia Demokratike e ka akuzuar si mashtrues kryeministrin Edi Rama në lidhje me ndërtimet që janë parashikuar të bëhen në lagjen “5 M,aji”. ...
DURRËS– Tre adoleshentë terrorizonin qytetarët në Durrës duke shtënë me armë zjarri në ajër. Policia informon se janë arrestuar një 17 dhe 18-vje&cce...