Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Vdekja e katër turistëve rusë në një hotel në Qerret thuajse një javë më parë është kthyer në ngjarjen më të bujshme të muajve të fundit në vend. Kjo për shkak të misterit dhe hijeve të dyshimit për histori me spiunazh. Dosja.al do të sjellë të gjithë dinamikën e lëvizjeve të tyre nëpër Shqipëri dhe detajet nga dosja hetimore në Prokurorisë së Kavajës lidhur me çështjen.
Bazuar edhe në dëshmitë e guidës turistike që kishin marrë rusët në Shqipëri, por edhe tek të dhënat e sistemit TIMS, mësohet se turistët kanë hyrë në Shqipëri më datë 10 tetor, e janë vendosur në hotel rreth orës 22:00 të mbrëmjes. Hotelin në zonën e Qerretit, Hotel “Gloria”, e kishin zgjedhur vetë nga lista e hoteleve të propozuar. Pasi janë akomoduar kanë lëvizur nëpër Shqipëri pasi kishin marrë vetë që nga Tirana një makinë me qera. Pas 5 ditësh duke eksploruar Shqipërinë, në datë 15 tetor ata janë nisur drejt Maqedonisë së Veriut, së bashku me 4 miqtë e tyre tusë. Gjatë rrugës kanë ndaluar për të ngrënë në zonën e Librazhdit.
Turistët kishin konsumuar ushqime që i kishin me vete, por kishin porositur edhe të tjera në restorant. Të njëjtën ditë, rreth orës 13:00, kishin ngrënë drekë në një restorant në Ohër. Në lokal kishin porositur 3 peskavica dhe njëri prej tyre peshk, ushqim që e kishin shoqëruar me nga një gotë raki. Gjatë rrugës në kthim kishin ndaluar sërish në zonën e Librazhdit, ndërkohë që telefonuan edhe në hotel për t’i bërë gati dhomën e pishinës dimërore, pasi dëshironin që ta frekuentonin.
Por pikërisht aty u gjetën pa shenja jete. Ndihma e parë iu dha nga recepsionisti i hotelit, një student mjekësie, por nuk ia doli që t’i kthente në jetë. Por ajo që bën përshtypje nga vdekja e tyre është fakti se ka qenë e menjëherëshme, e madje asnjë prej tyre nuk ka tentuar që të kërkojnë ndihmë për të shpëtuar. Si ka mundësi që trupat e katër personave të ndryshëm, të moshave të ndryshme, të reagojnë njëjtë ndaj çfarëdolloj agjenti të jashtën.
Sergei Burenkoc, u gjet i shtrirë përdhe në mënyrë të çrregullt, në cepin verilindor të pishinës pranë shezlongut të parë në radhë. Në anën lindore të pishinës në mesin e gjatësisë së saj u gjendën Natalia Burenkova dhe Nikita Belousov, edhe këta në gjendje të çrregullt. Ndërsa më anën perëndimore të pishinës në shezllonin e mesit u gjet Ekaterina Burenkova. Veçoria e përbashkët që kishin të gjithë, ishte fakti se janë gjetur me rroba të lagura banje, ç’ka do të thotë se të gjithë ishin futur në pishinë.
Me zbulimin e trupave, këtu nis edhe saga për zbardhjen e ngjarjes, e cila po hetohet si vrasje në rrethana cilësuese. Por ndërkohë që Rusia nuk ka sjellë asnjë ndihmë për hetuesit shqiptarë, autoritetet vendase përplasen me njëri-tjetrin. Instituti i Shëndetit Publik akuzohen OPGJ-të e Kavajës se nuk i kanë marrë siç duhet kampionët e ujit dhe të klorit nga pishina. Ndërkohë që kanë shkuar vetë për të marrë kampione të reja.
Gjithashtu nga dhomat në të cilat ishin akomoduar viktimat u morën për ekzanimime të mëtejshme produktet ushqimore dhe mbetje të tyre me qëllim ekzanimimet. Ndërsa nga pamjet filmike të kamerave të sigurisë rezulton se viktimat deri në momentin e futjes në ambjentet e SPA-së kanë qenë në gjendje të rregullt fizike. Po ashtu, autoritetet shqiptare kanë bërë edhe një “gafë” tjetër. 4 rusët e tjerë janë marrë në pyetje vetëm me ndihmën e guidës së tyre, e më pas janë lënë të largohen, pa iu kontrolluar për asnjë moment sendet personale.
Me gabime e gafa misteri vazhdon! Trupat e katër turistëve rusë pritet të tërhiqen nga djali i familjes, i vetmi i mbijetuar, i cili ndodhej në Rusi në momentin që ndodhi tragjedia. Por pritet që më parë të dalin rezultatet e autopsisë mjeko-ligjore që po u bëhen kufomave. Dyshimet e para janë tek ndonjë asfiksi e mundshme për shkak të përdorimit të klorit në pishinë, por nuk përjashtohen edhe pistat e tjera të një vrasjeje me agjentë. Tek e fundit kjo nuk është histori e padëgjuar për Rusinë.
ZHVILLIMET ORË PAS ORE:
“Dukeshin të lodhur”/ Vdekja e 4 rusëve, flet menaxherja: Ishin në udhëtim atë ditë
“Hodha 1 gotë klor”/ 4 rusët e vdekur, flet mirëmbajtësi i pishinës: E shoh me sy
Zbardhet dëshmia e ukrainases që shoqëroi turistët rusë: Ja të gjitha lëvizjet
DOSJA! Vdekja e turistëve rusë: Çfarë u zbulua nga pamjet filmike dhe nga pishina
4 rusët, shkelje me përkthimin/ Si i morën në pyetje prokurorët të mbijetuarit
(k.m/dosja.al)
Cila mendoni se është alternativa më e mirë:
KAVAJË- Menaxherja Xhudiljana Pole dhe recepsionistja Hane Kërçuku e hotel Gloria Palace janë marrë në pyetje në lidhje me vdekjen e 4 turistëve rus...
TIRANË– Ndriçim Halilaga, punonjësi i mirëmbajtjes së hotelit ku u gjetën të vdekur 4 turistët rusë, ka dhënë dëshminë e tij pranë Prokurorisë...
Këtu në Ministrinë e Drejtësisë janë të licensuar 1400 përkthyes që kanë detyrimin dhe përgjegjësinë që të asistojnë gjatë shoqërimit, marrjes në pyetje në komi...
LUSHNJE- Inspektoriati i Mbrojtjes së Territorit ka shembur ditën e sotme një pikë karburanti në ngritur në aksin rrugor Fier-Lushnje. Mësohet se pika e karbura...
TIRANË– 6 persona kanë ndërruar jetë nga pandemia e koronavirusit në Shqipëri përgjatë 24 orëve të fundit. Sipas Ministrisë së Shëndetësisë, kanë ndë...
TIRANË-Në dosjen e Prokurorisë për vdekjen e turistëve rusë, të siguruar për “BalkanWeb” nga gazetarja Klodiana Lala, zbardhet edhe dëshmia e shoqërueses s...
TIRANË– Një 30-vjeçare ukrainase, Maria Bucakiskam që ishte operatorja turistike (Guida) e katër rusëve që u gjetën të vdekur në resortin në Q...
TIRANË– Publikohen detaje të reja nga dosja e vdekjes së 4 turistëve rusë në Qerret të Kavajës. Gazetarja Klodiana Lala ka publikuar dosjen e Prokuro...
TIRANË- 9 persona kanë rënë në pranga ditën e sotme në Tiranë, për vepra të ndryshme penale. Mësohet se 1 person u kap me lëndë narkotike, 1 tjetër kryente...
TIRANË- Ministrja e Infrastrukturës dhe Energjisë, Belinda Balluku ka mbledhur ditën e sotme në takim palët e Shoqatës se Transportit Qytetas në Tiranë për...
