Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Serbia haptas është duke e kushtëzuar vazhdimin e dialogut në Bruksel me krijimin e Asociacionit të Komunave me shumicë serbe. Në këtë mënyrë pala serbe po e bën të qartë se pret nga Kosova lëshime të tjera, në këmbim të asaj që po thuhet të jetë një marrëveshje gjithëpërfshirëse, që nënkupton edhe njohjen reciproke ndërmjet dy vendeve.
Në anën tjetër, kryeministri Avdullah Hoti ka thënë se asociacioni do të krijohet, por ende nuk është e qartë se për çfarë bëhet fjalë. Gjykata Kushtetuese e Kosovës i ka konsideruar kundër frymës kushtetuese më shumë se njëzet pika të këtij organizmi, për të cilin ata që u pajtuan ta krijonin thoshin se nuk ishte më shumë se një OJQ.
Tash, Serbia pret të përfitojë edhe më shumë nga Kosova, Bashkimi Europian pret që palët të arrijnë kompromis, kurse është e paqartë se për çfarë kompromisi bëhet fjalë. Në fakt, që nga nisja e dialogut në vitin 2011, Kosova ka bërë më së shumti kompromise ndaj Serbisë, ndërkaq vetë ka përfituar pak. Tash një dekadë Serbia vazhdimisht ka përsëritur se nuk e njeh Kosovën e pavarur dhe vazhdimisht ka përfituar nga BE’ja. Kosova, ndërkaq, e cila vazhdimisht ka lëshuar pe duke shpresuar se do të përfitojë, vetëm sa është dobësuar dhe injoruar. Dhe tash, Kosovës i kërkohen sërish kompromise, thua se nuk ka mjaftuar që është shkatërruar e sakatuar nga Serbia, thua se mijëra qytetarë të saj nuk janë vrarë e masakruar nga regjimi i Slobodan Milosheviqit, thua se nuk është penguar çdo ecje përpara e shtetit të ri.
Kompromisi i fundit nga Kosova, në raport me dialogun, u bë kur hoqi taksën, madje edhe reciprocitetin ndaj Serbisë, si shenjë e vullnetit të mirë që dialogu të vazhdojë. Por Serbia nuk kënaqet me kaq – tash e vë si kusht krijimin e asociacionit. Kushedi çfarë kushti vendos nesër.
Për fajin e atyre që e kanë udhëhequr gjatë gjithë periudhës pas luftës, Kosova nuk ia ka dalë të paraqitet çfarë është në të vërtetë – viktimë e agresionit serb, viktimë e terrorit të organizuar nga shteti serb, viktimë e krimeve sistematike të shtetit serb. Për fat të keq, papërgjegjësia e pjesës më të madhe të klasës politike e ka sjellë vendin në situatë që, dy dekada pas luftës, të krijohet përshtypja thua se Kosova e ka sulmuar Serbinë, e jo e kundërta. Tash Serbia shitet viktimë dhe përfiton gjithnjë e më shumë nga ky viktimizim. Kosova, viktima e vërtetë, ka përfituar vetëm përbuzje e injorim. Për fajin e vet, më tepër se për fajin e kujdoqoftë tjetër.
Kur ishte rasti të kapitalizohej mendimi i Gjykatës Ndërkombëtare të Drejtësisë, ata që ishin në qeverisje nisën dialogun me Serbinë. Dialog pa kushte, pa reciprocitet. Ia vendosën emrit të shtetit fusnotën e famshme, nënshkruan marrëveshje të dëmshme për krijimin e asociacionit në Bruksel, i lejuan strukturat paralele të Beogradit që të funksionojnë anembanë vendit dhe, për më tepër, i vunë në dyshim edhe kufijtë e vendit, me idetë për korrigjimin e tyre. Përgjatë një dekade, Kosova thuajse nuk përfitoi asgjë, përkundrazi. Serbët vendës rritën rezistencën kundër shtetit të pavarur dhe u bënë më të varur nga Beogradi, e BE nuk e vlerësoi gatishmërinë e Prishtinës për pajtim.
Gjatë gjithë kësaj kohe, Serbia nuk mori mundin të kërkojë madje as falje për krimet që kreu në Kosovë, nuk bëri gjë për zbardhjen e fatit të të pagjeturve, nuk i ktheu Kosovës asgjë nga asetet e plaçkitura, bëri çmos ta minojë dhe ta defunksionalizojë shtetin e ri dhe për të gjithë këto u shpërblye.
Në Bruksel përfaqësuesit e Kosovës nuk negociojnë në mënyrë të barabartë, sepse ndërmjetësuesi nuk është fer. BE nuk e njeh Kosovën të pavarur, ndërkohë që flet për kompromise të tjera. Pra, udhëheqësit kosovarë po vazhdojnë të dialogojnë me Beogradin në pozitë inferiore – duke mos u njohur shteti i tyre as nga Beogradi, as nga Brukseli. Në të tilla raste, siç ka ndodhur edhe deri tash, presioni bie mbi më të dobtin dhe Kosovës i kërkohet të lëshojë pe sërish. Të lëshojë pe në këmbim të çkaje? Të lëshojë pe për t’ia lehtësuar edhe më shumë Serbisë rrugën drejt BE’së? Të lëshojë pe për ta defunksionalizuar veten nga brenda? Të lëshojë pe për më shumë prani të Serbisë brenda kufijve të vet? Jo, faleminderit! Nuk na duhet një shtet jofunksional, që mbase mund ta njohë Serbia. Na duhet një shtet normal.
1 vit nga zgjedhjet e 25 prillit si e shikoni gjendjen e vendit:
TIRANE– Kanë dalë sërish detaje të reja në lidhje me rrëmbimin e vajzës së humbur shumë vite më parë, Bleona Mata. Nëna e saj, nuk humb shpresën se vajza e saj...
TIRANË– Elton Katuçi, 29 vjeç, banues në Durrës është ekstraduar nga Greqi pasi rezulton i dënuar me 4 vite burg, për kultivimin të bimëve na...
1.Ekziston në Manhattan, pjesën e poshtme e lindore të tij, një shesh me emrin Samuel Dickstein. I përket një kongresmeni amerikan që shërbeu plot 11 mandate, i...
Propozimi i PS-së për të hapur listat 100% është i barazvlefshëm me mashtrimet më të mëdha që Edi Rama ka bërë qysh prej kurse gjendet në politikë.Ai mund të kr...
“Katastrofale”, “e tmerrshme”, “e papërballueshme”. Këto janë vetëm disa nga fjalët e krerëve të vendeve të Bashkimit Evropian, për pasojat e mundshme të një mb...
Herë pas here ajo është vënë në qendër të vëmendjes së mediave rozë për shkak të jetës së saj personale. Ajo është një ndër vajzat më të bukura të Shqipërisë, i...
RROGOZHINE– Zjarri po përhapet me shpejtësi në Rrogozhinë aty ku flakët po përpijnë dhjetra hektarë me ullishte.Situata është bërë alarmante e po kërkohet ndërh...
TIRANË– Drejtoria e Përgjithshme Detare ka njoftuar përkeqësim të motit në zonën e detit Jon, në pjesën veriore të tij për shkak të ciklonit “Cassild...
TIRANE– Kodra e Priskës në Tiranë është prej ditësh nën flakët e zjarrit. Ndërhyrja e zjarrëfikësve është bërë e vështirë pasi terreni nuk është i favorsh...
KOSOVË– Një analizë e shkurtër e rrjedhës së negociatave Kosovë-Serbi. Negociatat mes Kosovës dhe Serbisë po hyjnë në një nivel të ri të shpejtësisë dhe th...
