Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Anton Skabona, vëllai i 60-vjeçarit Leonard Skabona i cili u hodh sot nga kati i dytë i spitalit “Shefqet Ndroqi” në një prononcim për “ABC” rrëfen detaje nga biseda e fundit. Anton Skabona, hodhi akuza mbi stafin mjekësor të spitalit, duke pretenduar se mjekët nuk i kanë dhënë mjekimin e nevojshëm vëllait të tij.
Një ditë para se të kryente aktin vetëflijues, Leonard Skabona, u ka thënë familjarëve se ishte në gjendje të mirë shëndetësore, madje ka kërkuar t’i sillnin ushqime dhe rroba. Nga Nju Jorku, vëllai i viktimës, kërkon nga shteti zbardhjen e plotë të ngjarjes, ndërsa shton se Leonardi merrte edhe medikamente anti depresive.
“Kontakti i fundit ka qenë në datë 29 në orën 6 dhe më tha, më pyeti si je, si i ke fëmijët. Më tha jam më mirë, kam bërë testin dhe nuk i kishin dhënë rezultatin. I thash ke kujdes, mos shko në spital. Pasi foli me mua mori ambulancën dhe shkoi në spital. Kishte ethe dhe pak temperaturë. Unë i thash rri në shtëpi se ndoshta nuk ke covid. Më mori motra në telefon dhe më tha Nardi ka shkuar në spital.
Tentuam të lidheshim me spitalin por nuk arritëm. Më pas u lidhëm përmes një shoqe dhe na thanë se ishte në gjendje të mirë. Motra më thotë mos u bëj merak se nuk është në gjendje të keqe. Pastaj cfarë ilaçesh dhe oksigjeni i kanë dhënë nuk e di“.
Por a shfaqi shenja mërzitje në bisedën e fundit? “Jo, ishte shumë mirë vëllai. Po të ishte keq vëllai, se më parë ka qenë, ka pasur çrregullime dhe më pas është kuruar dhe ka dalë mirë. Ka qenë edhe në hetuesi në kohën e Enverit dhe ka vuajtur. Por kohët e fundit ka qenë mirë. 6 muajt e fundit ka qenë shumë mirë se merrte ilaçe. Nuk ka pasur probleme, se mund të hidhej nga pallati i vet, ku jeton në Laç, pse u hodh nga Sanatoriumi? Dua të çfarë ilaçesh i kanë dhënë vëllait” tha ai.
Por çfarë dyshimesh ka familja? “Unë dyshoj që i kanë dhënë ose oksigjen tepër ose mjekim të gabuar. Dhe qeveria shqiptare nuk mund të vendosë dy hekura në dritare? Se vëllai im është i pesti që hidhet. Nuk ka personel? Dakord, po dy hekura për t’i vendosur? Unë kërkoj nga shteti që të zbardhet cfarë arsye e bëri vëllanë tim të hidhet nga dritarja se ai po të donte me u hedhur ishte hedhur në vend tjetër jo në spital. Dyshoj te mjekimi që i kanë dhënë mjekët” deklaron ai.
Anton Skabona thotë se vëllait nuk i kishin kthyer përgjigje se ishte me koronavirus, pasi bëri tamponin. “Ne nuk na ka thënë njeri se është me covid, ai ka bërë testin, por nuk i kthyen përgjigje, vëllai nuk ka ditur gjë, vetëm ka marrë ambulancën dhe e çuan në spital. Jemi të shokur si familje, se të ikë vëllai në këtë formë”.
Anton Skabona lëshoi akuza të forta në drejtim të stafit të spitalit “Shefqet Ndroqi”. “Vëllai, motrës i ka thënë “Nuk ma lejojnë telefonin, i ka thënë këtu nuk të shërbejnë, nuk kujdesen infermierët, për të hequr tubin e urinës, nuk ia heq njeri pa i dhënë lekë, donin pare infermierët, për doktoreshën nuk di gjë, por për infermierët. I thashë motrës, kontaktoi me njerëz atje se ia paguaj unë lekët prej Amerike, vetëm të shpëtojë vëllai. Vëllai ka kërkuar rroba, motra e ka pasur çantën gati për ta çuar por e ka gjetur të vdekur”.
Anton Skabona thotë se vëllai ishte i divorcuar, ish-gruaja dhe fëmijët jetojnë në Belgjikë, ndërsa ai vetëm në Shqipëri. “Djali i madh qante, por i thashë se nuk kemi cfarë bëjmë. Mua lajmin ma komunikoi kunata në orën 3 të natës. Në Amerikë vdes cdo njeri në një minutë, por nuk është hedhur askush nga spitali, dua të di cfarë mjekimesh i kanë dhënë vëllait tim” përfundoi ai.
Ngjarja e rëndë ndodhi mesnatën e kaluar rreth orës 00:30. Nga njoftimi i policisë nuk u raportua se pacienti ishte i infektuar me Covid-19, apo se në cilin spital ndodhi vetëvrasja. Këto detaje u zbardhën nga mediat. Mjekët e turnit që po kujdeseshin për të ndjerin, janë marrë në pyetje.
Marrë nga Abcnews.al
1 vit nga zgjedhjet e 25 prillit si e shikoni gjendjen e vendit:
Në Shqipëri java e shkuar shënoi një tjetër rekord të vdekjeve nga Koronavirusi, ndërsa rastet e reja u ulën, paralelisht me reduktimin e testimeveTë dhënat zyr...
Skulptori Sinan Aliaj ka bërë scoop nëpërmjet statujës së fundit të heroit tonë kombëtar Gjergj Kastriot Skënderbeut të vendosur në një qytet historik dhe me vl...
VLORË–Shtim rastesh me COVID në qytetin e Vlorës. 31 të infektuar janë shënuar ditën e sotme, ku 2 prej tyre janë mësues në shkolla të qytetit, ndërkohë që...
TIRANË- Eksperti i Shëndetit Publik Erion Dasho, ka reaguar pas vetëvrasjes së pacientit tek Infektivi.Në një postim që ka bërë në rrjetet sociale Dasho i ...
TIRANË– Vëllai i Leonard Skabonës, 60-vjeçarit Anton Skabonda nga Rrësheni që humbi jetën natën e kaluar në spitalin “Shefqet Ndroqi” pasi u hodh ng...
TIRANË– Leonard Skabona nga Rrësheni, i cili u vetëvra duke u vetëhedhur nga dritarja e spitalit “Shefqet Ndroqi”, ka punuar si oficer Policie në vitit ’90...
KAVAJË- Një aksident i rëndë ka ndodhur në autostradën afër Golemit, ku një motorist ka ndërruar jetë pasi është përplasur.vijon…(k.a/dosja.al)1 vit ...
DURRËS– Një aksident i rëndë është regjistruar pasditen e sotme në Golem të Durrësit.Burime për Dosja.al, bëjnë me dije se në aksident është përfshirë një ...
TIRANË-Kryeministri Edi Rama nisi mëngjesin e sotëm me një video përshëndetëse për ndjekësit e tij në Facebook.“MIRËMËNGJES dhe me këtë këngë të ...
