“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË- Analisti Mero Baze ka bërë një shkrim, lidhur me situatën e krijuar pas koronavirusit në Shqipëri. Baze përmes këtij shkrimi të publikuar në gazetën Tema, ai thotë se bota ka hyrë në luftë, ku dhe Shqipëria është pjesë e kësaj lufte. Ndër të tjera, Mero Baze shkrtuan:“Mos shikoni emisionet e mbrëmjes në gjithë TV-të dhe gjithë klinikat psikiatriko- politike, që shfaqen në ekran çdo mbrëmje, të cilat rrisin në përpjestim gjeometrik panikun në shoqëri, në raport me audiencën e tyre”
SHKRIMI I PLOTË:
Organizata Botërore e Shëndetësisë shpalli gjendjen e pandemisë botërore, pas daljes jashtë kontrollit të epidemisë së koronavirusit. E thënë me terma më të thjeshtë, bota ka hyrë në luftë, dhe Shqipëria është pjesë e kësaj lufte.
Tani mos prisni këshilla nga njerëz si unë, që janë po kaq të paditur, sa të gjithë të tjerët rreth epidemisë. Uroj të mos prisni ndonjë budallallëk nga redaksia ime, apo gazetarët që punojnë me mua, edhe pse të gjithë jemi të vetëdijshëm që duhet të bëjmë kujdes.
Por ka disa adresa publike që mund t’ua këshillojmë se si të ruheni nga paniku, duke hyrë në karantinë ndaj ekraneve.
Para se AMA të marrë një vendim serioz të mbyllë emisionet politike televizive derisa të kalojë epidemia, si vatra paniku për situatën që po kalojmë, unë po ua rekomandoj miqësisht këtë gjë.
Mos shikoni emisionet e mbrëmjes në gjithë TV-të dhe gjithë klinikat psikiatriko- politike, që shfaqen në ekran çdo mbrëmje, të cilat rrisin në përpjestim gjeometrik panikun në shoqëri, në raport me audiencën e tyre.
Është e neveritshme se si gjoja në emër të transparencës, drejtuesi i “Opinion” i kërkonte dje me këmbëngulje raportueses nga klinika në Durrës, ti pohonte atë që ai donte, pra që ajo pacientja ishte rëndë dhe duke vdekur në atë moment. Katër herë ja përsëriti se nga “burimet e tij”, që ajo ishte shumë rëndë dhe raportuesja nga vendngjarja i thoshte, “është po aq rëndë sa ka qenë”.
Sot e ndjera ka ndërruar jetë, dhe nuk e ndihmon dot Fevziun t’i shtojë audiencën. Por ai mund të shpresojë se kur të bëhen gati për të vdekur pacientë të tjerë, duhet që spitali doemos të telefonojë Fevziun, që të vdesin live.
Një tjetër gjest kafshëror ishte thirrja e numrit 127 nga Sonila Meço, ndërkohë që qindra njerëz mund të kenë pas nevojë të flisnin me të, në kohën që ajo bënte muhabet me operatoren, sepse paskësh disa ankesa nga qytetarë, që mezi kapet numri i telefonit.
Pastaj mund të shikoni tek zonja Eni, se si ajo e shtyn gazetaren në terren, të flasë me të infektuar të mundshëm, pa maskë, dhe t’u kërkojë llogari institucioneve të shëndetësisë, të vihen në dispozicion të saj, sikur është kryetarja e Shtabit të Emergjencave.
Mund të vazhdosh ta ilustrosh pa fund këtë çmendinë, por është mirë mos ta shikoni.
Ne nuk e ndalim dot Sali Berishën, Tritan Sheun, Petrit Vargun dhe kanibalë të tjerë të politikës, të hedhin valle mbi kufoma, dhe të përdorin disa media të bëjnë terror, por së paku ministrja e Shëndetësisë, drejtoresha e Shëndetit Publik, drejtori i Urgjencës dhe personalitete të tjera të shtetit, që merren me mjekësinë, nuk kanë pse flenë në studio televizive.
Nuk e kanë detyrim të plotësojnë tekat e gazetarëve për të qenë në studio, por të rrijnë në krye të detyrës. Ata mund të bëjnë një deklaratë 3 minuta në telefon për respekt të publikut, për të konfirmuar gjendjen, por nuk kanë pse dremisin në studio televizive, për t’u bërë pjesë e nevrisë publike që ngjall terror.
Nëse shteti ka nevojë që ata të japin mesazhe publike, le të rregjistrojnë në zyrë të tyre e ta transmetojnë. Por është jo njerëzore që ata të bëhen viktima të përbaltjes publike, duke marrë pjesë në këtë tallava publike.
Të vetmit gjeneralë të kësaj lufte, janë mjekët shqiptarë, ata që ne nuk i njohim. Këta që dalin në ekrane i njohim, se i kemi parë në mitingjet e PD dhe LSI. Nuk i shikojmë heronjtë e vërtetë dhe s’kemi si t’i shikojmë as në pavione, se janë të mbuluar kokë e këmbë me veshje speciale.
Ata që po qëndrojnë në vijën e parë të kësaj lufte dhe që meritojnë gjithë respektin e shoqërisë shqiptare, duhet të jenë të vetmit para të cilëve duhet të përulemi, t’u dëgjojmë fjalën dhe t’ua bëjmë më të lehtë punën.
Kjo është një situatë lufte dhe në luftë ka një komandë. Bilanci i luftës bëhet kur ajo mbaron dhe çdo zë tjetër që tenton të devijojë drejtimin e kësaj lufte nga mjekët, duke e zëvendësuar me politikanë sharlatanë, duhet të konsiderohet armik i kësaj lufte dhe duhet trajtuar si i tillë.
Shikoni Maqedoninë e Veriut, ku pacienti zero është shfaqur para nesh. Lajmi që media i kushton rëndësi është shërimi i një pacienti, dhe jo paniku se virusi po përhapet. Tek ne duket se këmbëngulja e moderatorëve televizivë, është që dikush të vdesë live në emisionin e tyre.
Refuzojeni këtë spektakël të neveritshëm të ekraneve në mbrëmje në shtëpi. Derisa AMA të kthjellohet dhe të sillet si institucion në luftë, duke detyruar TV-të të japin emisione kulturore, sportive, apo utilitare, me të cilat njerëzit mund të përballojnë qëndrimin në shtëpi, përpiquni ta bëni vetë karantinën ndaj ekraneve.
Fikini ato, po patë ndonjë politikan apo kolegun tim gazetar, t’u flasë për gripin.
Nuk janë vetëm injorantë, siç jemi të gjithë për gripin. Janë dhe më keq. Janë spekulantë të ligj, që mendojnë se fitojnë pikë duke na treguar kufoma virtuale. Jënë më keq se ata që ngrejnë çmimet e ilaçeve dhe ushqimeve në këto kohë. Janë gjuetarë kufomash.
Bilanci i COVID-19 në Shqipëri është 15 të infektuar dhe 1 i vdekur. Viktima është pacientja e moshuar në Durrës ka ndërruar jetë. Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në 127 dhe të mos shkojnë direkt në spitale. Qeveria ka marrë një sërë marash shtrënguese kundër koronavirusit, duke mbyllur shkolla e universitetet, pube-t, palestrat dhe ka ndaluar të gjitha grumbullimet masive si konferenca, aktivitete sportive e kulturore. Autoritetet bëjnë thirrje që qytetarët të qëndrojnë në shtëpi dhe të evitojnë takimet me njerëz të tjerë.
(a.m/dosja.al)
1 vit nga zgjedhjet e 25 prillit si e shikoni gjendjen e vendit:
KURBIN– Në Gotull të Kurbinit është bllokuar një zetor mbi të cilin ka qenë i ngarkuar një skaf me një sasi të madhe kanabisi. Burime për Dosja.al bëjnë me dije...
TIRANË– Gazetari Sokol Balla ka zbuluar në “Real Story” në Neës24 se analisti Fatos Lubonja është mbyllur në shtëpi. Kjo për shkak të kthimit nga Italia rr...
SHBA– Shkeljet kryesore të të drejtave të njeriut në Shqipëri për vitin 2019, sipas raportit të Departamentit të Shtetit të bërë publik të mërkurën, janë “kufiz...
TIRANË– Rrugët e ‘vdekura’ të Tiranës i shqetëson vetëm një gjë: megafoni! Me zërin e lartë, një burrë që ndohet brenda një makine të bardhë, flet gjatë gj...
MALI I ZI- Mali i Zi ka nxjerrë një urdhër që të mos lejojë të futen makina nga Shqipëria që ka si destinacion udhëtimi Italinë, duke i kthyer ato. Kjo ka bërë ...
TIRANË– Dhjetëra punëtorë të shqetësuar të një fasonerie në Tiranë kanë lënë vendet e punës dhe kanë dalë jashtë ambienteve të ndërtesës të frikësuar nga i...
TIRANË– Dosja.al sjell pamjet ekskluzive nga kazinoja e vetme e lejuar në Tiranë, e cila vijon sot lirshëm aktivitetin pa pyetur për urdhëresat e qeverisë ...
TIRANË– Mjeku Ilir Allkja ka reaguar pasi kryeministri Edi Rama dhe ministrja Ogerta Manastirliu, në një deklaratë të përbashkët për mediat, publikoi një f...
TIRANË- Një makinë ka marrë flakë mbrëmjen e sotme në autostradën Tiranë-Durrës.Mësohet se zjarri ka qenë shumë i fuqishëm, ndërsa shërbimi zjarrfikës ka m...
DURRËS- Stafi mjekësor i Spitalit të Durrësit ka reaguar pas deklaratës së ministres së Shëndetësisë, Ogerta Manastirliu, e cila tha pak më parë se mjekët ...
