Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË– Nisma Thurje ka reaguar publikisht për herë të parë pas tërheqjes së kandidatit Selim Lela, minatorit që garonte pa dijeninë e tij në qarkun e Dibrës. Dje Dosja.al raportoi se Lela kishte bërë një postim në Facebook, ku shkruante se nuk kishte kërkuar kurrë të garonte dhe lajmin e kishte marrë vetëm dy ditë më parë. (SHIKO KËTU) Ai pranonte takimet me përfaqësues të subjektit politik, por shtonte se kurrë s’kishte kërkuar të ishte pjesë e garës politike. Sot Nisma Thurje ka një tjetër pretendim. Sipas tyre, minatori kishte kërkuar vetë që të dorëhiqej me pretendimin se kishte marrë shumë kërcënime, duke publikuar edhe një letër që ai kishte shkuar me shkrim dore. Po ashtu shtojnë se ka një “dorë” që po përpiqet që të krijojë një konflikt të paqenë mes tij dhe minatorit tjetër në listën e Thurjes, Elton Debreshi.
Në letër minatori shkruan: Dibër, datë 18 mars 22021. Deklaroj që unë Selim Lela jap dorëheqjen si kandidat për deputet në qarkun e Dibrës me “Nisma Thurje” për arsye per personale pas presioneve të vazhdueshëm. Në të njëjtin postim sqarues në Facebook, janë publikuar edhe dokumentet që Lela ka firmosur për të qenë pjesë e listës në Dibër.
“Ka një dorë që përmes një skeme të koordinuar, po përpiqet ta paraqesë këtë situatë si një konflikt mes dy minatorëve, dhe jo si një përballje mes atyre që rrezikojnë jetën në minierë, dhe atyre që ngrohen në diell nëpër kodrat e Tiranës. Jo, kjo betejë nuk është mes atyre që vuajnë njësoj në minierë, por mes atyre që nuk kanë më asgjë, dhe atyre që kanë shumë për të humbur. Jo, Selimi nuk e ka këtë betejë me Eltonin apo minatorët e tjerë, të cilët i kemi mbështetur dhe do të vazhdojmë t’i mbështesim. Ne e kemi këtë betejë me oligarkët dhe politikanët që po varfërojnë një Shqipëri të tërë, përmes konçesioneve dhe monopoleve, që janë bërë përmes ligjeve me porosi. Por ne nuk kemi ndërmënd të ndalemi në këtë betejë që kemi nisur që prej vitit 2014, dhe nuk ka kërcënim apo skemë që na dekurajon në këtë rrugë që kemi nisur. Ata mund të bëjnë ç’të duan, por pika e parë e Kartës 2020 vazhdon të jetë ‘kombëtarizimi i burimeve natyrore të shqiptarëve’,-
shkruhet ndër të tjera në postim.
POSTIMI I PLOTË:
Kush ka frikë nga Nisma Thurje? Në këto zgjedhje Nisma Thurje prezantohet me 153 kandidatë, të cilët u përzgjodhën nga mijëra kandidatura të sugjeruara. Po ta shohësh listën tonë, do shohësh se aty përfaqësohet ajo pjesë e shoqërisë, e cila sot mban mbi supe me taksa një grup oligarkësh, bashkë me politikanët që vijnë me çetat e militantëve. Mirëpo që kur i kemi prezantuar ndaj kandidatëve tanë kanë filluar presionet, të cilat deri më sot nuk i kemi bërë publike. Vetëm dy javët e fundit, 15 kandidatë të cilët kishin plotësuar formularët e kandidimit, kanë kërkuar të tërhiqen për shkak të presioneve ndaj tyre apo ndaj familjarëve të tyre. Kryesisht kërcënimet kanë qënë të lidhura me vëndin e punës, por ka raste si Dibra, ku presioni ka qënë fizik duke na krijuar vështirësi të jashtëzakonshme. Rasti më i fundit është presioni ndaj kandidatit të renditur i 5-ti në listën shumëemërore të Dibrës, ku Nisma Thurje garon me 6 kandidatë. Grupi i Dibrës e përzgjodhi Selimin si kandidat, për shkak të historisë që ai përfaqësonte, të një të riu, bir minatori, që nuk e donte punën në minierë, por në atë zonë nuk ka mbetur asnjë alternativë më e mirë për të rinjtë. Megjithëse e dinte sa e vështirë ishte, Selimi guxoi të kandidojë për deputet (foto më poshtë), një ëndërr që politika e 30 viteve është përpjekur tua mohojë fëmijëve të populit. Selimi ka patur synimin për të çuar në Parlament statusin e minatorit, dhe të luftojë me ata që i falin rentën minerare oligarkëve të kromit. Mirëpo, pas publikimit të kandidaturës, Selimi na njoftoi se i filluan kërcënimet, një pjesë e të cilave u drejtuan edhe tek faqja e Nismës Thurje në Tiranë (shiko fotot më poshtë). Këto kërcënime e bënë atë të kërkojë të heqë dorë nga gara për këto zgjedhje, dhe nga ëndrra e tij për të përfaqësuar në mënyrë direkte komunitetin ku ai bën pjesë. Siç duket ata i tremb më shumë mandati i Selimit, se sa mandatet e Xhelalit, Lalës apo Hajriut. Ata nuk kanë frikë nga kandidatët e partive të vjetra, të cilët votat i marrin në Dibër, por jetën e bëjnë nëpër kodrat e Tiranës, por tremben nga njerëzit e panjohur, sepse ata janë të paparashikueshëm. Ka një dorë që përmes një skeme të koordinuar, po përpiqet ta paraqesë këtë situatë si një konflikt mes dy minatorëve, dhe jo si një përballje mes atyre që rrezikojnë jetën në minierë, dhe atyre që ngrohen në diell nëpër kodrat e Tiranës. Jo, kjo betejë nuk është mes atyre që vuajnë njësoj në minierë, por mes atyre që nuk kanë më asgjë, dhe atyre që kanë shumë për të humbur. Jo, Selimi nuk e ka këtë betejë me Eltonin apo minatorët e tjerë, të cilët i kemi mbështetur dhe do të vazhdojmë t’i mbështesim. Ne e kemi këtë betejë me oligarkët dhe politikanët që po varfërojnë një Shqipëri të tërë, përmes konçesioneve dhe monopoleve, që janë bërë përmes ligjeve me porosi. Por ne nuk kemi ndërmënd të ndalemi në këtë betejë që kemi nisur që prej vitit 2014, dhe nuk ka kërcënim apo skemë që na dekurajon në këtë rrugë që kemi nisur. Ata mund të bëjnë ç’të duan, por pika e parë e Kartës 2020 vazhdon të jetë ‘kombëtarizimi i burimeve natyrore të shqiptarëve’. Prandaj ky do jetë projektligji i parë që do të çojmë në Parlament. Minierat që na janë marrë sot do t’i kthehen sërish shoqërisë, dhe minatorët që skllavërohen sot, do ta rifitojnë sërish lirinë. Prandaj edhe projektligji i dytë që do të çojmë në Parlament do të jetë për statusin e minatorit, për t’i dhënë mbrojtje minatorëve si Naimi (babai i Selimit) si Eltoni, si Ylli Gjura, apo si dhjetra minatorë që kanë rrezikuar jetën e tyre mijëra metra nën tokë, për të nxjerrë prej aty një pasuri të cilën ata nuk e gëzojnë dot, sepse ua kanë marrë. Prandaj, duam t’i kujtojmë ata që janë mësuar të kontrollojnë listat e partive të vjetra, se ata mund të tentojnë të trembin një apo më shumë kandidatë, por nuk do të mundet dot kurrë të trembin një popull të tërë, i cili ka filluar të zgjohet.
(k.m/dosja.al)
Rama është propozuar për president nga disa deputetë socialiste, mendoni se:
TIRANË- Ish-Deputeti i Partisë Demokratike, Eno Bozdo, ka thënë se Kryeministri Edi Rama, gënjeu ditën e sotme kur tha se Shqipëria sipas Doing Business, r...
TIRANË- Ambasadori i Bashkimit Evropian në Tiranë, Luigi Soreca, ditën e sotme është takuar me kreun e SPAK, Arben Kraja si dhe me shefen e BKH-së, Aida Ha...
TIRANË- Kryetari i Partisë Demokratike, Lulzim Basha, ka thënë se Edi Rama që prej 8 vitesh,në pushtet nuk e ka zgjidhur problematikën me disponimin e ujit...
SHKODËR– Kryeministri Edi Rama duket se nuk është ndalur me sulmet ndaj kryebashkiakes së Shkodrës, Voltana Ademi. Në fjalën e tij gjatë një aktiviteti pol...
SHKODËR– Kryeministri Edi Rama është bërë nostalgjik në Shkodër, duke kujtuar babanë e tij, skulptorin Kristaq Rama. Duke marrë shembullin e kandidatit soc...
SHKODËR– Kandidati për deputet në qarkun e Shkodrës, Paulin Sterkaj ka treguar historinë sesi një ministër i kabintetit i kishte kërkuar ndihmë që kryebash...
TIRANË- Ditën e sotme Komisioni Qendror i Zgjedhjeve, ka hedhur shortin për renditjen e subjekteve zgjedhore në fletën e votimit.Sipas shortit Partia Soci...
TIRANË- Ditën e sotme Komisioni Qendror i Zgjedhjeve, ka hedhur shortin për renditjen e subjekteve zgjedhore në fletën e votimit.Nga shorti që u hodh sot n...
TIRANË- Partia Demokratike do të jetë e pozicionuar në numrin 9 në fletën e votimit në zgjedhjet e 25 prillit.Numri u përcaktua nga shorti që u hodh sot në...
