Agjentët e pronave të shqetësuar për mbylljen e sporteleve të kadastrës, u janë bllokuar shitjet; AKSHI: S’ka bllokim, por vonesa

24 Korrik 2023, 07:10 Nga A.B

Mbyllja e çdo sporteli të kadastrës shtetërore prej 3 Korrikut dhe ofrimi i shërbimit vetëm online nëpërmjet e-Albania po shkakton probleme për përfundimin e transaksioneve të shit-blerjes së pronave.

Shkak i mosofrimit të shërbimeve në sportel është nisja e zbatimit të reformës për dixhitalizimin e kadastrës. Nisja e reformës u njoftua në fund të muajit qershor nga Kryeministri Edi Rama, duke e cilësuar të domosdoshme mbylljen e aksesit të publikut në sportelet fizike, pasi siç pohoi ai e ka kthyer institucionin në vatër korrupsioni dhe qokash.

Tashmë 2 javë nga mbyllje e shërbimeve fizike në kadastër agjentët imobiliarë të shitjeve të pronave ngrenë shqetësimin e bllokimit të veprimtarisë së tyre në përfundimin e transaksioneve të shitjes dhe blerjes.

Më tepër shqetësuese situata paraqitet në Sarandë ku aktualisht përkon me shtim të kërkesës për blerje të apartamenteve veçanërisht nga shtetasit e huaj.

Drejtuesi i agjencisë imobiliare “Saranda Property” Eron Çumani pohoi për Monitor se mosfunksionimi i shërbimeve në kadastër për shkak të dixhitalizimit ka bllokuar shitjen e pronave në Sarandë. “Prej datës 3 korrik shitja e pronave në Sarandë është e bllokuar dhe kjo për shkak të mosofrimit të shërbimit nga kadastra. Aktualisht ka kërkesë nga të huajt, por për shkak të kësaj problematike, nuk po përfundojmë asnjë shitje”.

Shqetësuese situata paraqitet edhe në Tiranë dhe jo për shkak të mbylljes së sporteleve, por mosfunksionimit të shërbimit online. Dritan Leka nga agjencia imobiliare “Century 21 CPM Smart” tha se reforma e dixhitalizimit ka sjellë që një aplikim për shitje pronë në Tiranë të shfaqet në sistemin e kadastrës së një qyteti tjetër, të cilët nuk janë në gjendje të përpunojnë të dhënat për Tiranën, duke krijuar shumë shqetësime.

I pyetur për situatën e krijuar Agjencia Kombëtare të Shoqërisë së Informacionit (AKSHI) tha për Monitor se nuk kemi të bëjmë me bllokim të procesit, por vetëm me vonesa. Sipas AKSHI-t vonesat vijnë pasi nuk janë të gjitha të dhënat të dixhitalizuara, proces që do të përfundojë me reformën. AKSHI tha se vonesat do të fillojnë të eliminohen në ditët në vijim.

“Ka fluks, dhe po trajtohen aplikimet sipas radhës, por nuk është bllokuar si proces. Pas 3 korrikut ka një skenar në sistem, siç u bë me dije edhe nga kryeministri Edi Rama dhe nga Drejtoresha e Agjencisë Kombëtare të Shoqërisë së Informacionit, Linda Karçanaj. Kryeministri Rama e bëri të qartë në daljen në konference se do të veprohet në bazë të algoritmit të sistemit dhe të rasteve që do të vijnë për t’u trajtuar nga rrethe të ndryshme të vendit.

Të jeni të sigurt që për çdo vonesë të qëllimshme, mban përgjegjësi personi përkatës.

Nuk janë të gjitha të dhënat të dixhitalizuara, ndaj dhe shërbimet janë me kohë procesimi. Ndryshe do dilnin dokumentet hipotekore si certifikata familjare. Ky fakt dihet”, thekson AKSHI në reagimin e tij.

Me zbatimin e reformës për dixhitalizimin shërbimet do të merren përmes platformës e-Albania. Janë 71 shërbime të kadastrës që do të merren online përmes platformës e -Albania duke nisur kështu dhe reformën e Kadastrës./MONITOR

prona aksh

Në përputhje me standarded JTI

Ekonomi 24 Korrik 2023, 07:05 A.B

60% e shqiptarëve nuk janë në gjendje të përballojnë një javë pushime, rekord në rajon

Shqipëria është bërë si asnjëherë tjetër këtë vit mikpritëse e turistëve nga e gjithë bota, d...

Ekonomi 23 Korrik 2023, 16:27 m.s

Nga erdhi rënia e fortë e blegtorisë?!

foto ilustruese TIRANE- Vitin e kaluar, numri i krerëve në të gjitha kategoritë e bagëtive të qumështit shënoi r&e...

Ekonomi 23 Korrik 2023, 13:57 k.m.

Të paktën 50 mijë shqiptarë janë më të varfër nga zhvlerësimi i euros

Foto ilustruese Eksportuesit, si pala më e zëshme që është dëmtuar nga rënia e euros, nuk është e vetmja....

Ekonomi 22 Korrik 2023, 07:05 A.B

Beteja e “humbur” me mjekët; “Kontrata e studentëve”, instrument i forcës që mund të kthehet në bumerang

Barra e sëmundjeve po rritet me plakjen e popullsisë dhe stilin e pashëndetshëm të jetesës. Nga ana tjetër, trupa mjekë...

Ekonomi 21 Korrik 2023, 19:53 k.m.

Çmimet po ulen më pak se në Europë, në qershor ishin më të larta se matjet kombëtare

Foto ilustruese Një metodë e Eurostat që po përdoret për matjen e inflacionit në vendin tonë tregoi se çmimet po ...

Ekonomi 21 Korrik 2023, 18:40 k.m.

BENZ po bie nga “froni” shumëvjeçar në Shqipëri; 41% e autoveturave gjithsej janë më të vjetra se 20 vjet

Foto ilustruese Markat BENZ dhe Volkswagen janë më të pranishmet në rrugët e Shqipërisë. Benz ishte i pari i preferuari ...

Ekonomi 21 Korrik 2023, 08:18 f.i

Shqipëria me rritjen më të lartë ekonomike në rajon, por gjysma e shqiptarëve nuk blejnë dot ilaçet

foto ilustruese TIRANË- Ekonomia e Shqipërisë ishte e dyta pas Malit të Zi për ritmet e larta të rritjes më 2022, p...

Ekonomi 21 Korrik 2023, 07:41 f.i

Rriten çmimet e pronave në vijën e parë në Durrës, edhe në Sarandë pritet shtrenjtim te ndërtimet e reja

foto ilustruese DURRËS-  Zonat bregdetare vijojnë të jenë më të lakmuarat për blerje pronash, sidomos nga shtetasi...

Ekonomi 20 Korrik 2023, 20:16

Temperaturat e larta, KESH rikthen blerjet e energjisë

foto ilustruese TIRANË- Ditët e nxehta që po përjeton Shqipëria kanë rikthyer nevojën për të blerë energ...

Ekonomi 20 Korrik 2023, 14:29 k.m.

Leku “buldozer”; euro shumë afër pragut të 100 lekëve, “zhyten” edhe valutat e tjera

Foto ilustruese Forcimi i Lekut në kursin e këmbimit po vazhdon i pandalshëm edhe këtë javë. Euro ka zbritur tashmë shum...

MË SHUMË