Vihet nën kontroll zjarri në pallatin 8-katësh në Tiranë, digjen 3 automjete të parkuara, ja çfarë dys...
"Do t’i japim Selisë së Kryegjyshatës një status të ngjashëm me Vatikanin!" Ideja për krijimin e shteti...
EMRAT/ Vrasja e Lulzim Vishës, në banesë iu gjetën armë zjarri automatike me silenciator dhe gëzhoja, arrestohet 3...
U nda sot nga jeta/ Në Kishën e Shën Theodhorit mbahet meshë për Kryepeshkopin Anastas Janullato, At Ilia Qirjo: Do mbe...
Këto ndryshime ligjore po ndërmerren do të shërbejnë për të ulur informalitetin, pas rezultateve të inspektimeve të kaluara, ku shumë biznese janë vetëm paralajmëruar dhe jo ndëshkuar.
TIRANË- Ligji për inspektimet në punë pritet që të ndryshojë duke bërë që për bizneset që kapen në shkelje të mos ketë më paralajmërime për gjobë, por ndëshkim direkt. Bëhet fjalë për bizneset që gjenden në shkelje, duke mos zbatuar kontratën e punës gjatë momentit të inspektimit. Shkeljet që do të ndëshkohen kanë të bëjnë me kontratën e punës, kohëzgjatjen e punës dhe pushimeve, pagën, të cilat prekin disa punëmarrës apo zgjasin në kohë. Gjithashtu, këto ndryshime ligjore po ndërmerren do të shërbejnë për të ulur informalitetin, pas rezultateve të inspektimeve të kaluara, ku shumë biznese janë vetëm paralajmëruar dhe jo ndëshkuar.
DRAFTI I PROJEKTLIGJIT:
Projektvendimi “Për propozimin e projekt ligjit “Për një ndryshim në ligjin nr. 9920/2008 “Për procedurat tatimore në Republikën e Shqipërisë”, i ndryshuar, bazohet në nenin 100 të Kushtetutës, dhe synon parandalimin e shkeljeve që përbëjnë evazion fiskal nga subjektet e biznesit të madh, uljen e informalitetit kryesisht të këtyre shkeljeve nëpërmjet forcimit të penaliteteve, të cilat pritet të ndikojnë pozitivisht ne efikasitetin dhe efektivitetin e sistemit tatimor. Projektvendimi ka për qëllim që nëpërmjet masave shtrënguese të propozuara të ndikojë pozitivisht në uljen e evazionit tatimor, vendosjen e balancës ekonomike ndërmjet mbledhjes së detyrimeve nga ana e shtetit dhe pagesës së detyrimeve nga ana e tatimpaguesit. Nisma e ndërmarrë pritet të krijojë kushte të përshtatshme për konkurencë të ndershme, duke mbështetur sjelljen e ndershme të bizneseve të rregullta, garantimin e të drejtave të qytetarëve në marrëdhëniet e punës dhe jo vetëm, si dhe të ndërgjegjësojë dhe edukojë kundravajtësit e ligjit që kryejnë evazion tatimor dhe shmangie tatimore. Propozimi vjen si nevojë e situatës reale dhe faktike të mosdeklarimit të punonjësve si dhe fshehjes së pagës reale tek biznesi i madh, pasojat e të cilit reflektohen në mosmbledhjen e të ardhurave tatimore.
Qeveria Shqiptare në kundër të nismës së ndërmarrë për konsultimin e politikave në të gjithë sektorët me komunitetin ka ngritur strukturën e Këshillimit Kombëtar. Në kuadër të kësaj nisme, referuar të dhënave të marra nga kjo strukturë, është ngritur Grupi i Punës për vlerësimin e kuadrit ligjor dhe propozimeve të mundshme për hartimin e nismave ligjore që lidhen me ashpërsimin e gjobave dhe masave kundër evazionit fiskal të shoqërive të biznesit të madh dhe mbrojtjen e denoncuesve të informalitetit. Propozimi i këtij akti vjen si pasojë e vlerësimit të shmangies nga pagimi i detyrimeve tatimore te pagës dhe kontributeve të sigurimeve shoqërore e përqëndruar në kategorinë e subjekteve të regjistruara me përgjegjësi tatimore të TVSH dhe tatim fitimit. Projekti nuk është parashikuar në programin analitik të akteve të Këshillit të Ministrave për vitin 2022.
Ligji nr. 9920/2008 “Për procedurat tatimore në Republikën e Shqipërisë”, i ndryshuar, në nenin nenin 119 pika 3, ka parashikuar penalitetet në rastin e mosdeklarimit të punonjësve dhe fshehjes së pagës. Në kushtet e situatës reale dhe faktike të mosdeklarimit të punonjësve si dhe fshehjes së pagës reale tek biznesi i madh, pasojat e të cilit reflektohen në mosmbledhjen e të ardhurave tatimore, diktojnë nevojën që penalitetet administrative të parashikuara ne nenin 119, pika 3, të ndryshohen në rritje për biznesin e madh. Nga analizat e realizuara nga administrata tatimore rezultojnë se për 3 vitet e fundit (2019, 2020, 2021), për biznesin e madh janë vendosur: - 1,025 gjoba për mosdeklarim të punonjësve dhe fshehja e pages, me një vlerë prej 142,336,266 lekë.
Edhe pse në kushtet e fatkeqësive natyrore si tërmeti dhe pandemia, administrata tatimore ka qënë më e kufizuar nga kontrollet/verifikimet fizike në terren, përsëri vihet re një numër i lartë i shkeljeve që lidhen me mosdeklarimin e punonjësve dhe fshehjen e pagës. Për pasojë, propozimi vjen si rezultat i domodoshmërisë për ashpërsimin e penaliteteve për këtë kategori shkeljesh dhe tatimpaguesish. Ashpërsimi i penaliteteve, synohet të ndikojë në reduktimin e këtyre shkeljeve, mbrojtjen e individëve të punësuar si dhe pasqyrimin real në skemën e kontributeve të sigurimeve shoqërore dhe shëndetësore.
VLERËSIMI I LIGJSHMËRISË, KUSHTETUESHMËRISË DHE HARMONIZIMI ME LEGJISLACIONIN NË FUQI VENDAS E NDËRKOMBËTAR Projektvendimi “Për propozimin e projekt ligjit “Për një ndryshim në ligjin nr. 9920/2008 “Për procedurat tatimore në Republikën e Shqipërisë” mbështetet në nenin 81 pika 1 dhe 100 të Kushtetutës dhe është në harmoni me Kushtetuten dhe legjislacionin në fuqi. IV. VLERËSIMI I SHKALLËS SË PËRAFRIMIT ME ACQUIS COMMUNAUITAIRE (PËR PROJEKT-AKTET NËNLIGJORE) Nuk synohet përafrimi me Acquis Communaitaire. V. PËRMBLEDHJE SHPJEGUESE E PËRMBAJTJES SË PROJEKTAKTIT Projekt akti i propozuar bën ndryshim në 3 të nenit 119 të ligjit nr. 9920/2008 “Për procedurat tatimore në Republikën e Shqipërisë”, i ndryshuar, “Mosdeklarimi i punonjësve dhe fshehja e pagës”. Në nenin 1 të projekt aktit, propozohet ndryshim në pikën 3 të nenit 119 “Mosdeklarimi i punonjësve dhe fshehja e pagës”. Rregullimi ligjor aktual parashikon se tatimpaguesi në rast të fshehjes apo mosdeklarimit të pagës së saktë të përfituar nga punëmarrësi si rezultat i marrëdhënies së punësimit , përvec detyrimit për pagimin e shumës së detyrimit tatimor dhe kontributeve të sigurimeve shoqërore, dënohet me gjobë në masën 100 përqind të detyrimit dhe kontributit të llogaritur. Projekti vetëm për subjektet e rregjistruara me përgjegjësi tatimore të TVSH-së dhe Tatim Fitimit për këtë shkelje parashikon një rritje të masës së gjobës nga 100 në 200 përqind të detyrimit dhe kontributit të llogaritur.
Për zbatimin e projekt ligjit ngarkohet Drejtoria e Përgjithshme e Tatimeve. Projektvendimi është hartuar nga grupi i punës i ngritur me Urdhër të Ministrit të Financave dhe Ekonomisë nr. 128 datë 19.04.2022 “Për ngritjen e grupit të punës për vlerësimin e kuadrit ligjor në fuqi dhe propozimet e mundshme për hartimin e nismave ligjore që lidhen me ashpërsimin e gjobave dhe masave kundër evazionit fiskal të shoqërive të biznesit të madh dhe mbrotjen e denoncuesve të informalitetit”. Në këtë grup janë përfshirë nëpunës të Ministrisë së Financave dhe Ekonomise, Drejtorisë së Përgjithshme të Tatimeve dhe Inspektoriatit Shtetëror të Punësimit.
Gjatë vitit 2021 janë kryer 7039 inspektime dhe të gjitha kanë përfunduar me 760 paralajmërime e 102 gjoba. Masa të Pezullimit të përkohshëm të punës për shkelje të marrëdhënieve të punës janë vënë 524.
Gent Sejko Sektori bankar ka hedhur hapa të shpejtë në drejtim rë dixhitalizimit të pagesave, por avancimi i mëtejshëm k...
Ligji i ri “Për sipërmarrjet e investimeve kolektive” parashikon për herë të parë mundësinë e marketi...
Vaji Çmimi i shitjes së vajit të lulediellit ka pësuar një rënie të lehtë në 375 Lekë/litër, nga 3...
Biznes Nga viti i ardhshëm, individët tregtarë dhe të vetëpunësuarit do të duhet të paguajnë më shumë...
Bitcoin SHBA- Vlera e Bitcoinit ka rënë në 24 mijë dollarë. Sipas CNBC, kriptovaluta më e madhe në botë për n...
Makine Ndryshon udhëzimi “Për përcaktimin e kritereve, procedurës dhe mënyrës së bashkëpunimit dhe mbësh...
Porti i Durresit Autoriteti Portual i Durrësit do të bëjë një vlerësim mjedisor dhe teknik për përshtatshmërin...
Banka Fitimi i sektorit bankar u zgjerua më tej gjatë muajit prill, por ngelet në nivele më të ulëta krahasuar me vitin e kal...
Pas publikimit të draftit paraprak të ligjit për tatimin mbi të ardhurat, “Monitor” iu drejtua grupeve të interesit, p&eu...
Paga reale në sektorin shtetëror (e indeksuar me inflacionin) shënoi rritje me 4.4% vitin e kaluar sipas të dhënave zyrtare të I...
