Përdorimi i shërbimeve celulare në rënie edhe në tremujorin I, vetëm interneti i kthehet rritjes

24 Korrik 2023, 13:41 Nga A.B

Përdorimi i shërbimeve celulare nga shqiptarët pësoi përsëri rënie në tremujorin e parë të këtij viti.

Sipas të dhënave nga Autoriteti i Komunikimeve Elektronike dhe Postare (AKEP), trafiku i thirrjeve dalëse pësoi rënie me 15% krahasuar me të njëjtën periudhë të një viti më parë dhe me 13.7% krahasuar me tremujorin e fundit të vitit të kaluar.

Edhe numri i mesazheve të shkruara pësoi rënie me 23.5% me bazë vjetore dhe me 19.3% krahasuar me tremujorin e fundit të vitit 2022.

Çdo abonent e përdori mesatarisht celularin për 130 minuta në muaj, 20% më pak krahasuar me të njëjtën periudhë të një viti më parë. Numri i mesazheve të shkruara zbriti në 12 për përdorues në muaj, 28% më pak krahasuar me të njëjtën periudhë të një viti më parë.

Të vetmet shërbime në rritje për tremujorin e parë të vitit ishin ato të internetit, që iu rikthyen rritjes, pas rënies së papritur në tremujorin e fundit të vitit 2022.

Statistikat tregojnë se trafiku i internetit nga rrjetet celulare u rrit me 11.6% krahasuar me tremujorin e mëparshëm dhe me 1.7% krahasuar me të njëjtën periudhë të një viti më parë. AKEP vlerëson se çdo përdorues i telefonisë celulare shpenzoi mesatarisht 7.47 GB (gigabyte) internet në muaj, në rritje me 18.2% krahasuar me tremujorin e mëparshëm dhe me 3.5% krahasuar me të njëjtën periudhë të një viti më parë.

Ekspertët e shpjegojnë rënien e përdorimit të thirrjeve dhe SMS-ve nga celulari me zhvendosjen e tyre drejt aplikacioneve OTT (over the top) të lidhura me internetin. E thënë ndryshe, thirrjet dhe mesazhet po përcillen më shumë nëpërmjet aplikacioneve, si whatsapp.

Edhe numri i përdoruesve të shërbimeve celulare (që në fakt matet si numër i kartave SIM/numrave celularë aktivë) pësoi rënie të mëtejshme në tremujorine parë të vitit, me 0.5% më pak krahasuar me fundin e vitit 2022, megjithatë ruajti një rritje vjetore pozitive, me 6.5%.

Pas bashkimit mes ONE dhe Albtelecom në operatorin e ri, One Albania, që nga fillimi i këtij viti, numri i operatorëve celularë në Shqipëri është reduktuar në dy, duke e rikthyer tregun në të njëjtën strukturë si në vitin 2008.

Gjatë tremujorit të parë me strukturën e re duopol, Vodafone Albania ka fituar lehtësisht terren në ecurinë e numrit të përdoruesve aktivë. Për Vodafone Albania, ky numër u rrit me 1.1% krahasuar me fundin e vitit të kaluar, ndërsa për One Albania numri i përdoruesve aktivë pësoi rënie me 2%. Megjithatë, One Albania vazhdon të kryesojë, me 52% të numrit të përgjithshëm të përdoruesve aktivë.

Për vitin e kaluar, volume i tregut të komunikimeve celulare arriti në 25.4 miliardë lekë, në rritje me 3.7% krahasuar me një vit më parë.

Në ndarjen e tregut sipas xhiros së gjeneruar nga segmenti celular, edhe përgjatë vitit 2022 operatori me pjesën e tregut më të madhe përsa i përket të ardhurave ishte Vodafone Albania me rreth 52%, i ndjekur nga One Communications me 36% dhe Albtelecom me rreth 12%./MONITOR

perdorimi i telefonit

Në përputhje me standarded JTI

Ekonomi 24 Korrik 2023, 07:10 A.B

Agjentët e pronave të shqetësuar për mbylljen e sporteleve të kadastrës, u janë bllokuar shitjet; AKSHI: S’ka bllokim, por vonesa

Mbyllja e çdo sporteli të kadastrës shtetërore prej 3 Korrikut dhe ofrimi i shërbimit vetëm online nëpërmjet e-Alban...

Ekonomi 24 Korrik 2023, 07:05 A.B

60% e shqiptarëve nuk janë në gjendje të përballojnë një javë pushime, rekord në rajon

Shqipëria është bërë si asnjëherë tjetër këtë vit mikpritëse e turistëve nga e gjithë bota, d...

Ekonomi 23 Korrik 2023, 16:27 m.s

Nga erdhi rënia e fortë e blegtorisë?!

foto ilustruese TIRANE- Vitin e kaluar, numri i krerëve në të gjitha kategoritë e bagëtive të qumështit shënoi r&e...

Ekonomi 23 Korrik 2023, 13:57 k.m.

Të paktën 50 mijë shqiptarë janë më të varfër nga zhvlerësimi i euros

Foto ilustruese Eksportuesit, si pala më e zëshme që është dëmtuar nga rënia e euros, nuk është e vetmja....

Ekonomi 22 Korrik 2023, 07:05 A.B

Beteja e “humbur” me mjekët; “Kontrata e studentëve”, instrument i forcës që mund të kthehet në bumerang

Barra e sëmundjeve po rritet me plakjen e popullsisë dhe stilin e pashëndetshëm të jetesës. Nga ana tjetër, trupa mjekë...

Ekonomi 21 Korrik 2023, 19:53 k.m.

Çmimet po ulen më pak se në Europë, në qershor ishin më të larta se matjet kombëtare

Foto ilustruese Një metodë e Eurostat që po përdoret për matjen e inflacionit në vendin tonë tregoi se çmimet po ...

Ekonomi 21 Korrik 2023, 18:40 k.m.

BENZ po bie nga “froni” shumëvjeçar në Shqipëri; 41% e autoveturave gjithsej janë më të vjetra se 20 vjet

Foto ilustruese Markat BENZ dhe Volkswagen janë më të pranishmet në rrugët e Shqipërisë. Benz ishte i pari i preferuari ...

Ekonomi 21 Korrik 2023, 08:18 f.i

Shqipëria me rritjen më të lartë ekonomike në rajon, por gjysma e shqiptarëve nuk blejnë dot ilaçet

foto ilustruese TIRANË- Ekonomia e Shqipërisë ishte e dyta pas Malit të Zi për ritmet e larta të rritjes më 2022, p...

Ekonomi 21 Korrik 2023, 07:41 f.i

Rriten çmimet e pronave në vijën e parë në Durrës, edhe në Sarandë pritet shtrenjtim te ndërtimet e reja

foto ilustruese DURRËS-  Zonat bregdetare vijojnë të jenë më të lakmuarat për blerje pronash, sidomos nga shtetasi...

Ekonomi 20 Korrik 2023, 20:16

Temperaturat e larta, KESH rikthen blerjet e energjisë

foto ilustruese TIRANË- Ditët e nxehta që po përjeton Shqipëria kanë rikthyer nevojën për të blerë energ...

MË SHUMË