Shoqëritë publike, raporti i KLSH: Shfaqin probleme me rekrutimet e stafeve

6 Qershor 2023, 07:33 Nga I.A

KLSH

TIRANË- Shoqëritë publike jo në pak raste kritikohen nga rregullatorët për mënyrën sesi bëjnë emërimet apo largimet në stafet e tyre por duket se të njëjtin konstatim ka edhe Kontrolli i Lartë i Shtetit. Në përmbledhjen e raportit të vitit të shkuar një ndër pikat që KLSH trajton lidhet me problemet që janë gjetur gjatë auditimeve në këto shoqëri të cilat janë të natyrave të ndryshme por sërish gjithçka nis me rekrutimet.

“Në auditimet e shoqërive publike u shfaqën mangësi që lidhen me: Mungesën nga ana e shoqërive aksionere, të analizave ndaj problematikave me karakter rregullator, ekonomik dhe financiar; Problematika në fushën e rekrutimeve të stafit si: emërime, largime, pezullime, dorëheqje, ndryshime pozicioni dhe ndryshime page pa dhënë shpjegimet përkatëse, apo sistem diferencial dhe i pabazuar pagash; Shpenzime jo efektive të fondeve si pasojë e ndërprerjes së paligjshme të marrëdhënieve të punës”, thuhet në raportin e KLSH.

Ndërkohë duket se një tjetër element i cili shfaqet problematik në shoqëritë publike janë procedurat e prokurimit. Këto të fundit janë problematike në tërësi sipas KLSH pasi gjatë 2022 auditimet kanë evidentuar raste të paligjshmërisë së fondeve publike me pasoja dëm ekonomik si pasojë e skualifikimeve të padrejta të operatorëve ekonomikë; vendosje të kritereve jo në përputhje me zërat e preventivit, si dhe mos argumentimi në procesverbal i kërkesave në lidhje me kategoritë e licencave, numrin e punonjësve dhe kategoritë e punësimit, numrin dhe llojin e mjeteve. E njëjta tendencë është vërejtur edhe tek shoqëritë publike.

“Problematika në procedurat e prokurimeve dhe zbatimin e punimeve lidhur me: favorizime të Operatorëve Ekonomikë, specifikime teknike që nuk garantojnë cilësinë e kërkuar, përzgjedhja e mënyrës së vlerësimit në kundërshtim me parimet e përcaktuara, si dhe përfitime të padrejta fondesh si rrjedhojë e likuidimit të punimeve/shërbimeve të pakryera; Për tregtimin e energjisë elektrike është kërkuar paraqitja e një çmimi fiks për sasinë në shitje apo blerje, pa u referuar në çmimin orar të bursës; Mos plotësim i regjistrit të aktiveve; etj” thuhet në raportin vjetor të KLSH-së për vitin 2022.

Gjatë vitit 2022, nga Departamenti i Auditimit të Shoqërive Publike dhe Investimeve të Huaja, u realizuan gjithsej 26 auditime, nga të cilat 18 janë auditime të realizuara në Shoqëri Aksionare, 6 në projekte me financime të huaja dhe 2 auditime mbi zbatimin e rekomandimeve në auditimet e mëparshme.

Në nga auditimet e Departamentit gjatë periudhës janar – dhjetor 2022, janë adresuar gjithsej 807 rekomandime në institucionet e audituara, nga të cilat: 467 masa janë organizative, 136 masa disiplinore, 35 masa administrative, 74 masa shpërblim dëmi dhe 95 masa për menaxhimin me ekonomicitet, eficencë dhe efektivitet të fondeve publike.

Marrë nga Monitor.al

klsh

Në përputhje me standarded JTI

Ekonomi 6 Qershor 2023, 07:31 I.A

Ngadalësohet rritja e kostove të ndërtimit

Foto Ilustruese TIRANË- Ritmet e rritjes së kostove të ndërtimit kanë dhënë sinjale ngadalësimi në fund të...

Ekonomi 6 Qershor 2023, 07:28 I.A

Analiza e specialistëve të BSH, ja rritja e çmimeve të pronave në zonat kryesore

Tirane TIRANË- Çmimi mesatar i banesave në gjysmën e parë të vitit të kaluar ishte mesatarisht 1128 euro për m2 p...

Ekonomi 6 Qershor 2023, 07:26 I.A

Këtë javë pritet miratimi i ligjit të ri për pensionet private, shtohen lehtësitë fiskale

Foto Ilustruese TIRANË- Kuvendi i Shqipërisë pritet të votojë ditën e enjte në seancë plenare ligjin e ri “P&...

Ekonomi 6 Qershor 2023, 07:20 I.A

Plakja e popullsisë dhe ikja e të rinjve, grupmosha deri në 29 vjeç u tkurr me 40 mijë persona në vetëm një vit, rriten ndjeshëm ata mbi 60 vjeç

Grafiku TIRANË- Plakja graduale e popullsisë dhe emigracioni, që ka përfshirë kryesisht të rinjtë, po e ndryshon ndjesh&...

Ekonomi 5 Qershor 2023, 17:09 m.s

Euro në rënie të lirë, monedha europiane pranë kufirit të 108 lekëve

foto ilustruese TIRANE- Kursi i këmbimit të euros me lekun e ka nisur edhe këtë javë në rënie të shpejtë dhe ...

Ekonomi 5 Qershor 2023, 07:21 I.A

Ibrahimaj: Vendet e rajonit duhet të rindërtojnë hapësirën fiskale për të përballuar goditjet në të ardhmen

Delina Ibrahimaj TIRANË- Ministrja e Financave dhe Ekonomisë, Delina Ibrahimaj rekomandon se vendet e rajonit duhet të rindërtojnë...

Ekonomi 5 Qershor 2023, 07:20 I.A

Rënia e blegtorisë, qumështi i importit rritet me 28% për 4 mujorin, zëvendëson prodhimin vendas pasi është më i lirë

Qumesht TIRANË- Në tregun vendas është zgjeruar pesha e qumështit të importuar, duke kompensuar tkurrjen e prodhimit vendas. ...

Ekonomi 5 Qershor 2023, 07:19 I.A

Ankandet valutore, Banka e Shqipërisë bleu 32 milionë euro në muajin maj

Euro TIRANË- Banka e Shqipërisë ka vijuar blerjet e euros në vlera të mëdha edhe gjatë muajit maj, si pjesë e ankan...

Ekonomi 5 Qershor 2023, 07:17 I.A

Pagat po rriten shumë më shpejt se pensionet, thellohet pabarazia mes pensionistëve dhe të punësuarve në 5 vitet e fundit

Foto Ilustruese TIRANË- Rritja e pagave në sektorin privat dhe atë shtetëror po thellon pabarazinë ndërmjet pensionistëv...

Ekonomi 4 Qershor 2023, 18:06 k.m.

"Pioneri" Nigel Farage e pranon gabimin: Brexit ka dështuar

Nigel Farage “Brexit ka dështuar. Nuk e kuptuam dhe konservatorët na kanë zhgënjyer shumë, shumë keq,”- këto...

MË SHUMË