Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Migjen Basha doli dhe foli sot në në konferencën për shtyp të ditës së dytë të grumbullimit të Kombëtares Shqiptare.
Mesfushori vlerësoi për atmosferën në ekip dhe konkurrencën pozitive, ndërsa pranoi se skuadra kërkon të marrë të gjitha pikët në dy ndeshjet e para.
Rikthehet grupi i 2016-ës. Si po përgatitet Shqipëria dhe cilat janë synimet për këto eliminatore?
Poër t’i rikthyer të gjithë është problem, pasi disa kanë lënë futbollin dhe disa kanë moshë të madhe, pro kemi disa ndryshime interesante. Atmosfera është mjaft e mirë dhe po përgatitemi seriozisht, duke i dhënë seriozitetin maksimal ndeshjes së parë. Edhe në Euro 2016 shkuam pasi morëm një fitore në ndeshjen e parë në Portugali. Është e vështirë, pasi kemi një kundërshtar shumë të fortë, por do të luajmë për 3 pikë.
Pas një viti të vështirë në 2018-ën, pse duhet të jemi optimistë për eliminatoret?
Ka qenë e vështirë veçanërisht në ndeshjet miqësore, pasi trajneri ka vendosur të thërrasë shumë emra të rinj, për të testuar lojtarët që mund t’i shërbejnë skuadrës. Në Ligën e Kombeve kemi fituar me fitore ndaj Izraelit, ndërsa kur luajtëm ndaj tyre në transfertë, humbëm në mënyrë tërësisht të pamerituar. Kemi peng ndeshjen në transfertë ndaj Skocisë, por këtu shkoi keq, pasi mbetëm me 10 futbollistë.
A ka realisht Shqipëria mundësitë të përsëritë suksesin e Euro 2016-ës?
Shanset janë për të gjithë skuadrat, pasi futbolli ka ndryshuar dhe nuk ka shumë diferencë mes ekipeve. Nuk duhet të nënvlerësojmë as ndeshjen ndaj Andorrës, pasi nuk mund të fitojmë me lehtësi. Na duhet edhe pak fat, por duhet të bëjmë më mirë, sepse më keq nuk mund të bëjmë me rezultatet.
Trajneri Panucci ka paralajmëruar disa ndryshime, a ka folur me ju në lidhje me këtë çështje?
Dje ishte seanca e parë dhe trajneri u mundua më shumë të shikojë formën e lojtarëve, ndaj sot besoj se do të futemi në detaje, për të mësuar se me çfarë strategjie do të përballemi me kundërshtarin.
Pas problemeve të ditëve të fundit, si është atmosfera në grup?
Vendimi i Lenjanit është personal, ndërsa për Thomasin ka vendosur trajneri, duke konsideruar një thyerje disiplinore. Gjithsesi kjo nuk duhet të ndikojë në sjelljen tonë në stërvitje dhe në fushë.
Konkurrenca në mesfushë është e madhe, pasi janë rikthyer shumë futbollistë…
Konkurrenca është gjithmonë e mirë dhe pozitive për çdo skuadër. Abrashi luan në Bundesligë, ndërsa Kaçe prej vitesh në Greqi, pastaj jemi edhe ne pleqtë, unë e Memushaj, por konkurrenca është pozitive.
A e vë në dyshim fanellën e titullarit konkurrenca, apo pranoni edhe stolin?
Unë dhe Memushaj kemi disa vite këtu dhe gjithmonë jemi sjellë në mënyrë korrekte, duke pranuar çdo vendim të trajnerit. Ne nuk presim të na sjellë kombëtarja klube si Reali apo Barça, por jemi vënë në dispozicion, që ta çojmë sa më lart emrin e saj.
Si duhet t’i ndihmoni lojtarët e rinj, që të integrohen në grup?
Duhet t’i ndihmojmë, duke u sjellë shumë me pozitivitet që në grumbullimin e parë, por edhe në vijim, në stërvitje e ndeshje. Synimi është t’u mësojmë disiplinën dhe motivimin tonë kur luajmë për këto ngjyra, pro edhe t’i inkurajojmë kur gabojnë.
Krahas Bashës, në konferencën për shtyp të ditës së sotme doli edhe fantazisti i Kombëtares Shqiptare, Ledian Memushaj. Mesfushori vlonjat po kalon një moment mjaft të mirë te Pescara, ndërsa kërkon që të njëjtat cilësi t’i vërë në dispozicion të kuqezinjve, për të marrë maksimumin në ndeshjet eliminatore të Euro 2020.
Jeni njeriu asist në Serinë B. Do të donit të bënit të njëjtën gjë edhe te Kombëtarja?
Normalisht që po, por nuk jam i përqendruar te arritjet personale. Dua thjesht të impenjohem dhe të jap më të mirën, për të çuar sa më lart Kombëtaren.
Shumica e lojtarëve kanë minuta në këmbë dhe janë në formë të mirë fizike. Sa e ndihmojnë Kombëtaren këto?
Është gjë pozitive kur lojtarët kanë luajtur shumë dhe kanë formë të mirë fizike, por kemi edhe mungesa. Megjithatë ne duhet të përqendrohemi të japim më të mirën dhe ta nisim me këmbën e mbarë.
Çfarë pritet ndryshe nga Nations League, në këto eliminatore?
Kemi bërë paraqitje të mira, por edhe negative, megjithatë duhet të shohim përpara, për të bërë mirë në këtë edicion që po starton.
Sa i njihni kundërshtarët dhe kush mendoni se mund të na hapë më shumë punë?
Andorrën e njoh shumë pak, kurse Turqinë e njohim të gjithë dhe e dimë që ka shumë cilësi. Calhanoglu është një emër që të gjithë e dinë se çfarë cilësish ka, por ne do të luajmë për fitore.
Sa i kënaqur jeni me rikthimin e Sadikut?
Më vjen mirë që është rikthyer, pasi ka kaluar një dëmtim shumë të rëndë, të cilin e kam përjetuar edhe vetë. Armandon e kam shok dhe e njoh mirë, por edhe Balaj kur ka qenë në fushë,ka bërë më të mirën, ndaj nuk përbën problem se kush e nis nga fillimi.
Panucci paralajmëroi një skuadër që kujdeset më shumë për aspektin mbrojtës. Sa mund të ndikojë kjo në paraqitjen tuaj?
Unë kam luajtur edhe më herët i tërhequr dhe nuk besoj se do të jetë problem. Pavarësisht se zakonisht e nis më i avancuar, jam lojtari që vjen gjithmonë në ndihmë të mbrojtjes kur topin e ka kundërshtari.
Si mund t’i marrim 6 pikë të plota me kundërshtarët e parë?
Duhet të mendojmë fillimisht vetëm për Turqinë, që është një ndeshje shumë e vështirë, pastaj do të kemi dy ditë të mendojmë për Andorrën. I kemi mundur në miqësore, por këtu është ndryshe, ndaj duhet një impenjim edhe më i madh.
B.N/dosja.al
Tirana është boshatisur për ditët e pushimit. Cilën nga ritet e shenjta po ndiqni:
UEFA dhe klubet elitë të Europës do të ulen sot të mërkurën për të diskutuar mbi disa ndryshime radikale që planifikojnë një rindërtim total të Champions League...
TIRANË- Klubi i Tiranës ka reaguar pas ndeshjes që zhvilloi ditën e dielë kundër Kastriotit, të cilën e humbi me rezultatin 1 me 0. Bardheblutë në një rea...
SHKODËR- Klubi i skuadrës së Vllaznisë, ka mbetuar pa trajner e shkak për këtë është bërë dhënia e dorëheqjes nga Hasan Lika.Lajmi është bërë i ditur nga v...
KUKËS- Rezultatet e dobëta të skuadrës së Kukësit në kampionat, kanë shtyrë klubin e futbollit “Kukësi”, që të shkarkojë nga detyra trajnerin Armando Cungu...
Trajneri i Turqisë, Senjol Gynesh mendon se Franca dhe Islanda janë janë ekipet që do i hapin më shumë probleme Turqisë, pavarsisht se pranon se superioriteti d...
Federata Shqipate e Futbollit, ka bërë me dije darkën e sotme se pas dëmtimeve e largimeve të detyrueshme të Andi Lilës dhe Egzon Binakut nga grumbullimi kanë g...
Messi magjepsi sërish me magjinë e tij pas shënimit të një goditjeje dënimi të dielën në ndeshjen kundër Real Betis.31-vjeçari ka shënuar tashmë 25 godit...
Mbrojtësi i majtë që luan për Sionin në Zvicër, nuk u ftua për ndeshjet e muajit mars ndaj Turqisë dhe Andorës, ndërkohë që siç shkruan vetë lojtari ësht...
Tregolëshi i Messi-t të dielën e kaluar ishte aq i pabesueshëm saqë dhe tifozët kundërshtar të Real Betis në stadiumin Benito Villamarin u çuan në këmbë ...
UEFA ka konfirmuar se Cristiano Ronaldo është nën hetim për gjestin që bëri pas golit të tretë në fitoren me Atletiko Madrid në Champions League.Ronaldo shënoi ...
