"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– “Enver Hoxha; Midis Stalinit, Hrushovit dhe Titos (1953-1961)’’ është një tjetër titull, që u shtohet studimeve mbi marrëdhëniet diplomatike të Shqipërisë me Bashkimin Sovjetik.
Autorja Juli Krisafi, njohur prej të gjithëve si një prej moderatoreve e gazetareve më në zë në vend, rrëfen për MetropolPost-in motivet që e shtynë të ndërmerrte një studim të tillë, i cili, përmes qëmtimit të dokumentacionit arkivor vendas e të huaj, ofron qartazi të tjera risi mbi marrëdhëniet diplomatike të Shqipërisë komuniste me Bashkimin Sovjetik, rolin e liderave të saj historikë në politikën dhe realitetin shqiptar të atyre viteve, e sidomos ndikimin e tyre tek Enver Hoxha.
Pavarësisht kritikave për keqadministrimin e fondeve, Enver Hoxha kërkoi ndihmë nga Bashkimi Sovjetik për bonifikimin e tokave si dhe makineri të ndryshme, për traktorë, farë, pleh, specialistë, ndihmë teknike, plotësim të ministrive shqiptare me këshilltarë sovjetikë, si dhe kërkoi 50 mijë ton drithë. Enver Hoxha, mirëkuptonte çdo vërejtje të Berias dhe ishte plotësisht dakord me të për Ministrinë e Punëve të Brendshme, por nuk ishte dakord që 30% e oficerëve mund të ishin armiq. Gjithashtu Hoxha kërkoi edhe praninë e 250 ofierëve në ushtri dhe 38 të tjerëve në ministrinë e Brendshme. Pjesë nga “Enver Hoxha midis Stalinit, Hrushovit dhe Titos (1953-1961)“
Hrushovi mendonte se edhe kultura e kikirikut duhej llogaritur për t’u mbjellë, për të parë se sa jep një hektar nga kjo bimë dhe sa jep duke u mbjell me misër. “Një hektar kikirikë do të japë të ardhura shumë më tepër se sa po të mbillet me grurë”, këshillonte ai. Për sovjetikët, ndërtimet në Shqipëri bëheshin në mënyrë shumë primitive. “Sikur të riorganizohej kalimi i ndërtimeve me blloqe beton arme, ato do të kushtonin më lire”, arsyetonte Hrushovi. Pjesë nga “Enver Hoxha midis Stalinit, Hrushovit dhe Titos (1953-1961)“
MetropolPost: Urime, Juli. Në fakt publiku ju njeh më tepër si moderatore-gazetare. Surprizë shfaqja juaj si studiuese e historisë së Shqipërisë, e më saktë, e një pjese specifike të saj, diplomacisë. Si lindi ky libër studimor?
Juliana Krisafi: Marrëdhëniet mes shteteve, mënyra si i zgjidhin problemet mes tyre, diplomacia, kanë zgjuar ngahera interesin tim. Jam shkolluar për letërsi dhe kam punuar për gati 20 vite si gazetare, por e kam pasur përherë këtë pasion për marrëdhëniet ndërkombëtare, pasion të cilin e thellova me studimet doktorale, kryer para disa vitesh. Libri që keni në duar, është punimi im doktoral i ripunuar dhe i thelluar.
Është në fakt, një përpjekje për të ndërthurur gazetarinë me historinë, për të pasqyruar atë që ndodhte në politikën e jashtme, duke u bazuar në morinë e dokumentave të arkivave shqiptare, ruse dhe amerikane. Personalisht më ka intriguar gjithmonë Bashkimi Sovjetik, Rusia, e për këtë kam bërë studime edhe për gjuhën ruse për disa vite. Më pëlqen historia dhe letërsia e këtij shteti të madh dhe, duke qenë se ne kemi pasur një marrëdhënie komplekse me ta, ndërmora këtë iniciativë.
Në libër janë përfshirë dokumenta të deklasifikuara së fundmi, fakte të patrajtuara më parë etj., por ajo që është e rëndësishme në çdo botim të ri, është këndvështrimi dhe analiza mbi faktet dhe dokumentat.
Jam përpjekur që në këtë studim të qëndroj neutrale, duke shmangur gjykimin mbi figurën e Enver Hoxhës, që mendova t’ia lë lexuesit, pasi të përballet me dokumentacionin në libër. Ajo që mund t’ju them, është se përballë Stalinit, Hrushovit e Titos, Enver Hoxha mbetet lider i një vendi të vogël dhe nevojtar, me dëshirën dhe ambiciet e një lideri global. Mënyra se si u përpoq të bëhej faktor në kampin e lindjes, ashpërsia dhe egërsia me të cilën shpaloste idetë dhe kundërshtitë, ishte e habitshme edhe për vetë protagonistët e skenës së madhe të politikës ndërkombëtare e këtu kam parasysh kinezët e sovjetikët.
Në libër përfshihet një numër shumë i madh dokumentesh, letra, telegrame, dialogje e dëshmi protagonistësh që do të ishin një ndihmesë për këdo që ka interes për fushën.
Marrë nga MetropolPost.
1 vit nga zgjedhjet e 25 prillit si e shikoni gjendjen e vendit:
HOLANDË Eurovisioni ka ndaluar Bjellorusinë të hyjë në një këngë në konkursin e këtij viti të quajtur ‘Unë do të mësoj ty’, e cila duket se tallet me prote...
TIRANË– Arjola Demiri, aktorja që prej muajsh tregoi me aq dëshirë anëtarësimin e saj në Partinë Socialiste, sot nuk rezulton në listat e kandidatëve për d...
BRITANI– Popullariteti i Princ Harryt dhe Megan Markle pas intervistës me Oprah Winfrey, ka rënë ndjeshëm krahasuar me periudhën para saj, ndërsa ka mbetu...
TIRANË– Rrjeti ka shpëthyer në meme pas përplasjes që ka pasur Presidenti Ilir Meta mëngjesin e sotëm me efektivët e Policisë Bashkiake.Shumë video j...
SHBA– Këngëtari The Weeknd ka bojkotuar zyrtarisht “Grammy Awards”, pasi i akuzoi se nuk po nominon artistët me ngjyrë.Ylli i pop-it tha se nuk do të para...
TIRANË– Publikohen disa dokumente arkivore të nxjerra nga Arkivi Qëndror i Shtetit në Tiranë (fondi i ish-Komitetit Qëndror të PPSH-së), që i përkasin viti...
SHBA– Modelja e njohur Emily Ratajkowski është bërë nënë për herë të parë. Lajmin e ka bërë të ditur vetë ajo përmes rrjeteve sociale teksa bebin e ka sje...
DashiDuhet të kërkoni pika të tjera referimi. Merrni parasysh se qëllimi për të cilin keni kohë që punoni mund të mos jetë ai që menduat në fillim. Kushtojini v...
