Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
HOLANDË– Zvicra këtë vit përfaqësohet nga një shqiptar në festivalin e madh të këngës evropiane ‘Eurovision 2021’. Gjon Muharremaj me emrin artistik Gjon’s Tears ka treguar në një intervistë për Telegraf rrugëtimin e tij muzikor në Zvicër dhe si arriti të prezantojë shtetin në të cilin jeton.
Gjoni është i njohur pë publikun shqiptar pasi ai para 11-vitesh ka qenë pjesmarrës në spektaklin e talenteve “Albanian’s Got Talent”, ku arriti deri në finalen e madhe, duke u renditur i treti.
I pyetur se a do të kishte dëshirë që në ndonjë të ardhme të përfaqësonte edhe Shqipërinë ose Kosovën në “Eurovision” ai tha: Pse jo. Me gjithë qejf.
Intervista e plotë:
Gjon, jeni zgjedhur përfaqësuesi i Zvicrës sivjet në “Eurovision”. Na trego pak sa të lumtur iu ka bërë ky fakt?
Jam ndjerë shumë krenar dhe me fat se është eveniment shumë unik dhe do më japi shumë eksperiencë në artin tim.
Ju ishit parashikuar ta përfaqësonit vitin e kaluar shtetin zviceran në “Eurovision”, por pandemia pamundësoi mbajtjen e tij. A ju zhgënjeu shumë fakti që “Eurovisioni” nuk u mbajt vitin e kaluar?
Kur më erdhi lajmi i anulimit të “Eurovision 2020” isha shumë i frustruar se nuk kisha shkuar deri në fund të eksperiencës dhe të procesit të “Eurovision”-it. Kur erdhi puna të shkoja prapë këtë vit, 2021, ishte për mua si një kënaqësi të këndoja në atë skenën e Rotterdamit.
Kënga përfaqësuese titullohet “Tout l’Univers”. A mund të na tregosh pse ky titull dhe cila është domethënia e tekstit të këngës?
Ideja e këngës lindi mes bashkëpunimit tim me Wouter Hardy, producent i “Arcade” (kënga fituese e vitit 2019) dhe me Nina Sampermans, shkrimtare dhe kompozitore. Kënga ishte fillimisht e shkruar në gjuhën angleze dhe u përkthyer me Xavier Michel në frëngjisht. Tema flet për ciklin e jetës nga prishja e çdo gjëje e deri te rindërtimi, dhe për t’ia dalë mbanë këtij procesi duhet ta kërkojmë energjinë dhe fuqinë në fund të vetvetes. Doja të dilja me një mesazh pozitiv dhe plot shpresë edhe në momentet më të komplikuara të jetës.
Jeni shqiptari i parë që jeni zgjedhur si përfaqësues i Zvicrës ndonjëherë në “Eurovision”. Si erdhi deri të përzgjedhja juaj si përfaqësues i shtetit helvetik në “Eurovision 2021”?
Kënga “Répondez-moi” është kompozuar tek një “Writting camp” në Cyrih me një duet zviceran qe quhen Aliose. Në atë moment qe lindi kjo këngë që fliste për origjinë, identitet dhe vetpyetje të jetës, u binda të provoja të merrja pjesë tek konkursi ku ishin 600 këngë të regjistruara. Diferenca më e madhe qe kisha me të tjerët, më thanë televizioni i Zvicrës, ishte fuqia e zërit tim live dhe bukuria e temës që trajtonte teksti.
Ti je me prejardhje shqiptare, por jeton dhe vepron në Zvicër? Cila është historia juaj e familjes dhe sa shpesh vini në vendlindje?
Unë jam lindur në Zvicër nga prindër që kanë imigruar. Babai im është nga Suhareka në Kosovë dhe mamaja nga Tirana në Shqipëri. Jemi një familje e madhe, kështu që vija çdo vit të shikoja kushërinjtë e mi dhe familjen e gjerë. E kemi pas si traditë në pushimet e verës dhe të dimrit.
A do të kishit dëshirë që në ndonjë të ardhme ta përfaqësonit edhe Shqipërinë ose Kosovën në “Eurovision”?
Pse jo. Me gjithë qejf.
A e ke dëgjuar këngën përfaqësuese të shtetit shqiptar sivjet në “Eurovision”, a ju ka pëlqyer dhe a ke pasur rastin të kontaktosh apo të njihesh me Anxhela Peristerin?
Më ka pëlqyer shumë. Besoj me të vërtetë që është një këngëtare me shumë talent dhe kemi folur së bashku disa herë.
Ju do të ngjiteni në natën e dytë gjysmëfinale në skenën e Rotterdamit për të kënduar live këngën tuaj. Do jeni i vetëm në skenë, apo keni menduar ta shoqëroni paraqitjen tuaj edhe me performancë?
Për momentin është shumë herët për të dhënë sekrete të performancës time, por shpresoj që do t’ju pëlqejë dhe i besoj bashkëpunëtores Sacha Jean-Baptiste për atë.
Karriera jote ka nisur në Shqipëri. Ju para 11 viteve keni qenë sensacion në spektaklin e talenteve “Albanian’s Got Talent”, ku shkuat deri në finalen e madhe. Si ka qenë për ty kjo eksperiencë dhe si e kujton?
E kujtoj si një suvenir shumë të bukur dhe mbresëlënës, dhe jam ndjerë me fat që jam mirëpritur si në Shqiperi dhe Kosovë. Të gjithë ma përkujtojnë akoma interpretimin e “Je t’aime” nga Lara Fabian që iu pëlqeu shumë publikut të Shqipërisë së madhe.
Gjon, faleminderit shumë për intervistën. Shumë suksese në “Eurovision”. Për fund, cili do të ishte mesazhi juaj për lexuesit?
Besoni në ëndrrat tuaja dhe punoni sa më shumë për ti i arritur qëllimet tuaja. Mos dyshoni në vetvete sepse asnjëri nuk do t’i besojë projektit tuaj më shumë se ju. Faleminderit shumë për mbështetjen, dashurinë dhe përkrahjen tuaj. Faleminderit juve për intervistën.
(f.i/dosja.al)
Iftar dhe politikë, a u prek Muaji i Ramazanit nga politikanët?
SHBA-Pak orë na ndajnë nga finalja e madhe e ‘Eurovizion’ dhe parashikimet për fituesin kanë filluar. Producenti Brian Malouf ka përzgjedhur këngën ‘Karm...
HOLANDË- Anxhela Peristeri ka rrëfyer emocionet e natës së dytë, pas arritjes së momentit kulminant, atij të kualifikimit për në finalen e sotme të Eurovis...
KOSOVË- Aktorja e njohur kosovare Adriana Matoshi dhe futbollisti afrikan Keith Groeneveld janë një nga çiftet e preferuara për publikun. Dyshja du...
DUBAI– Në zemër të divorcit më të shtrenjtë në gjykatat e Londrës është një jaht 115 metra i gjatë i ankoruar në Dubai .”Luna” është pasuria m...
SHBA- Bilbili i muzikës popullore, Fatmira Breçani është bërë gjyshe për herë të parë.Lajmin e bukur e ka ndarë vet ajo me ndjekësit në rrjete sociale ku...
PRISHTINË- Në rubrikën e vërtet e pavërtet të Prive-s, Mc Kresha i ka dhënë fund aludimeve që do të lërë muzikën për shkak të fesë.Për shkak të një fotoje ...
PRISHTINË- Në momentin e parë që lind një fëmijë të gjithë përpiqemi të gjejmë se kujt i ngjan. Tiparet e ngjashme nuk mund të dallohen menjëherë, por me k...
HOLANDË- Në mbrëmjen gjysmë finale të ‘Eurovizion 2021’ ku dhe u njoftua kalimi i Anxhela Peristerit në finale është shpërndarë një video e kry...
PRISHTINË- Këngëtarja Altuna Sejdi mbajti të fshehtë për nëntë muaj shtatëzanin e saj të dytë por që nga momenti që njoftoi ardhjen në jetë të Zeni-t, djal...
