Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Ashtu si kryeministri dhe drejtues të tjerë të maxhorancës, ministrja e Drejtësisë Etilda Gjonaj akuzoi partitë e opozitës dhe liderët e tyre për organizmin dhe nxitjen e protestave. Ajo tha në rubrikën “Opinion” në News24 se nxitja e fëmijëve është vepër penale duke iu bërë prindërve thirrje të mos lejojnë fëmijët e tyre në veprime kriminale pasi do iu shkatërrohet e ardhmja.
“Të vjen keq kur këto protesta nxiten dhe kanë pjesëmarrjen e funksionarëve politikë. Keqardhëse është kur këto forca politike si PD dhe LSI nxisin fëmijët, i përdorin për të marrë pjesë në protesta të dhunshme, për të marrë pjesë në krim. Shkatërrimi i pronës element që përbën vepër penale. Me kodin penal dënohen të gjithë ata që nxisin fëmijët për të kryer një krim. Të gjithë këta nxitës duhet të dalin përpara përgjegjësisë penale.
Pavarësisht deklaratës së znj. Ademi, u pa me figurë që ishte pjesë e protestës, por kur nxiten të jenë të dhunshme, të terrorizojnë njerëzit është absolutisht e dënueshme. Duhet të ndiejmë keqardhjen dhe për ata punonjës policie që janë plagosur gjatë këtyre ditëve. Përdorimi i të miturve është një fatkeqësi shumë e madhe. Bashkëmoshatarët e këtyre të miturve që dalin në ekrane është keqardhëse kur shohin nga ekrani këta të mitur që djegin apo shkatërrojnë dhe ato që janë simbole të fundvitit,”– deklaroi Gjonaj.
Ministrja e cilësoi sërish vrasjen e 25-vjeçarit Rasha një rast sporadik duke kërkuar t’i lihet në dorë drejtësisë. Sa i përket lëndimit dhe plagosjes në protestë të protestuesve, Gjonaj tha se institucionet shtetërore duhet të ruajnë sigurinë dhe të mos lënë kaosin të terrorizojë pjesën tjetër të qytetarëve.
“Është një rast sporadik që padyshim do marrë dënimin e merituar por t’i lëmë kohë organeve të drejtësisë të hetojnë e punojnë. Nuk mund të them kështu për sa kohë protestat kthehen në protesta që dhunshme. Padyshim institucionet shtetërore do duhet të ruajnë sigurinë dhe të mos lënë kaosin të terrorizojë pjesën tjetër të qytetarëve. Nuk mundet që një grup të rinjsh apo fëmijësh të nxitur nga të tjerët të marrin peng qetësinë e qytetarëve dhe sigurinë,”- u shpreh Gjonaj.
E pyetur nëse si qeveri ndjen një përgjegjësi morale për këto protesta, Gjonaj tha jo dhe se dhuna nuk është mënyra për të arritur dhe një kerkesë në qoftë legjitime.
“Protesta të tilla nxiten nga ata që shpesh herë qajnë që rinia po largohet jashtë vendit pavarësisht se fëmijët e tyre i kanë jashtë vendit dhe po përdorin fëmijët duke i shkatërruar të ardhmen. Besojmë se nuk duhet të ndiejmë në mënyrë absolute përgjegjësinë e kësaj proteste. Të gjithë duhet të sensibilizohen që dhuna nuk është mënyra për të arritur dhe një kërkesë qoftë legjitime. Janë organet e drejtësisë që do garantojnë që ky proces do jetë i drejtë”, theksoi ministrja e Drejtësisë.
Ajo nënvizoi më tej se sigurinë për zbardhjen e vrasjes së 25-vjeçarit Klodjan Rasha dhe drejtësinë për të nuk e jep qeveria, por e kanë organet e drejtësisë. “Kjo është e mjaftueshme dhe nuk justifikon asnjë lloj dhune. Iu bëj thirrje prindërve të kenë mundësi të kontrollojnë fëmijët e tyre sepse po keqpërdoren dhe të mos lejojnë t’u shkatërrohet e ardhmja. Ky është i gjithi një veprim, operacion që po menaxhohet nga Policia e Shtetit bashkë me organet hetimore dhe prokuroria, po ndiqen të gjitha rastet. Jam e bindur që po përdoren të gjitha mjetet. Vërtetë të miturit nuk mbajnë përgjegjësi penale por shënjon një barrë të rëndë në të ardhmen e tyre. Nëse prindërit janë nxitës ose i kanë organizuar padyshim që mbajnë përgjegjësi. Mendoj se është moskujdesje dhe janë përdorur të mitur nga shtresat më të varfra, duke pasur parasysh dhe pamjet nga mediat për pagesën që i është bërë këtyre të miturve. Të gjithë ata që janë nxitës duhet të marrin dënimin e të dalin para drejtësisë”, u shpreh ajo.
Ajo kërkoi sensibilizimin e publikut që të mos lejojë dhe të mos jenë pjesë e dhunës.
“Të gjithë ne, si media, si shoqëria civile do duhet të dënojë pjesëmarrjen e të miturve, por secili nga ne ka një rol të rëndësishëm për të sensibilizuar publikun të mos lejohet apo të jenë pjesë e dhunës. Institucionet kompetente për të ruajtur rendin e sigurinë do duhet të bëjnë punën tyre që ky kaos të mos afektojë pjesën tjetër të shoqërisë. Kur ka protesta ne si qeveri, apo si maxhorancë kemi arritur të kemi reflektim. Organizatorët kanë arritur ta evidentojnë veten këto ditë. Atë që ministri Lleshaj do ta kishte kryer në çdo moment pavarësisht si ndodhën ngjarjet. Hetimet janë pjesë e institucioneve të drejtësisë. Fakti që ne duam të kryhet një hetim, duhet t’ia lëmë fjalën organeve të drejtësisë. Në çdo rast janë organet e drejtësisë që duhet të kenë kohën e nevojshme si për çdo rast tjetër”, deklaroi Gjonaj.
Marrë nga Balkanweb
1 vit nga zgjedhjet e 25 prillit si e shikoni gjendjen e vendit:
TIRANË– Pak ditë pas kthimit të buxhetit 2021 në Kuvend për shqyrtim, Presidenti i Republikës Ilir Meta, ka thënë se ky buxhet nuk ka një plan të qartë për...
TIRANË- Kreu i grupit parlamentar i Partisë Socialiste Taulant Balla, ka reaguar sërish për shkatërrimin e selisë së PS-së në Shkodër, nga qytetarët që or...
SHKODËR- Drejtuesi politik i Partisë Socialiste në qarkun Shkodër, Ilir Beqaj ka reaguar për protestën e sotme e zhvilluar në qytetin verior, ku protestue...
TIRANË-Partia Demokratike akuzon kryeministrin Edi Rama se ka vjedhur përmes mediave që sipas demokratëve kontrollon, letrën që një djalë 6-vjeçar i...
SHKODËR– Kryetarja e Bashkisë së Shkodrës, Voltana Ademi, ka denoncuar në Prokurori, drejtuesit e Policisë së Shtetit. Mësohet se ajo ka bërë denonci...
TIRANË– Kryeministri Edi Rama ka inspektuar nga afër punimet në ambientet e përbashkëta të banimit si dhe rindërtimin e shkollës nëntëvjeçare ...
DURRËS- Ministrja e Shëndetësisë, Ogerta Manastirliu ka vizituar ditën e sotme qendrën spitalore të Porto Romanos në Durrës. Në ditën Botërore të Mbulimit ...
TIRANË– Klevis Balliu deklaroi se është dhunë është t’i hidhet foshnjës gaz lotsjellës në shtëpi, t’u thyhen këmbët grave apo të masakrojnë adoleshentë dhe...
TIRANË– Partia për Drejtësi, Integrim dhe Unitet ka dënuar dhunën e përdorur ndaj protestuesve dhe medias në protestat e zhvilluara tre ditët e fundi...
SHKODËR– Ish-kryeministri i vendit, Sali Berisha ka denoncuar emrat që sipas tij qëndrojnë pas sulmit të selisë së Partisë Socialiste në Shkodër. Në ...
