Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Ministrja e Mbrojtjes, Olta Xhaçka ka thënë sot në homazhet për Zarife Hasanajn, ka thënë se humbja e saj, është një humbje e rëndë për Forcat e Armatosura.
Xhaçka u ndal tek profili i Zarifes dhe tha se ajo ishte vajza më e mirë e Forcave të Armatosura, me një vitalitet dhe gjallëri të rrallë.
Fjala e plotë e ministres Xhaçka
Të dashur familjarë miq dhe kolegë të nentetare Zarife Hasanaj, nuk është e lehtë të zgjedhësh sot fjalët e lamtumirës për vajzën dhe motrën tuaj, për kolegen dhe miken tonë të dashur, sepse asnjeri prej nesh, nuk e kishte menduar kurrë një çast si ky, apo një arsye të rëndë si kjo, për t’u mbledhur këtu, në këtë ditë zie kombëtare, sepse asnjeri prej nesh as e kishte çuar ndërmend që, Zarife Hasanaj, me gjallërinë dhe vitalitetin që kishte, me dëshirën dhe dashurinë për jetën që e karakterizonte, do të nisej kaq papritur për t’u ndarë nga gjithë njerëzit, që e donin siç i deshte, që e respektonin siç edhe ajo i respektonte, që u besonte siç edhe ata e besuan në gjirin e familjes së Forcave të Armatosura dhe në një nga detyrat më të vështira dhe sfiduese.
Prandaj sot, fjalët tona për ty e dashur Zarife, nuk do të arrijnë kurrë të plotësojnë atë boshllëk të madh njerëzor, që na le të gjithëve dhe të na çlirojë nga dhimbja e rëndë që ndjen sot babai yt i mirë, Muharremi, nëna jote e dhimbsur Rivja, vëllai Adriatik, motrat Valbona dhe Eduarta, por edhe miqtë e kolegët e tu, gjithsecili prej nesh që të njohëm.
Vetëm pak ditë më parë, kur përkujtuam Ditën e Dëshmorëve vizitova varrezat dhe eca mes varreve të të rënëve.
Çdo herë që e vizitoj atë vend e kam të pamundur të mos ndjej trishtim të thellë, kur shoh aq e aq jetë të prera në mes: djem e vajza, burra e gra, ëndrrat, planet, dëshirat e të cilëve u lanë në mes. E kam të pamundur të mos mendoj për familjet, që lanë pas me një barrë dhimbje, që askush, veç tyre, nuk mund ta kuptojë kurrë plotësisht. Por bashkë me trishtimin, ndjej edhe krenari, admirim, dhe respekt, për ata shqiptarë të thjeshtë, që ishin të gatshëm të rrezikonin shumëçka e të sakrifikonin gjithçka në shërbim të atdheut të tyre.
Zarifja u bashkohet sot atyre dhjetëra-mijëra djemve e vajzave, burrave e grave, që kanë dhënë jetën për atdheun. Dhe besoj se nuk ka mënyrë më të mirë për ta nderuar vajzën tonë, sesa duke kujtuar një të vërtetë të madhe për të gjithë ato djem e vajza, që si Zarifja zgjedhin të shërbejnë në Forcat e Armatosura. Ka një fjalë që thotë se: ata që shërbejnë në FA janë njerëz të thjeshtë, por që i bën të jashtëzakonshëm përkushtimi i tyre ndaj uniformës dhe gatishmëria për të sakrifikuar. Sepse në kohë lufte e në kohë paqeje, të shërbesh do të thotë të pranosh rrezikun dhe sakrificën personale, edhe sakrificën supreme, për të mirën e përgjithshme: që të jetojmë në paqe, që të jetojmë të sigurt, që të meritojmë vendin tonë si aleat në aleancën më të madhe ushtarake të të gjithë kohëve.
Për të shërbyer në FA, sidomos në një kompani si EOD, ku shërbente nëntetarja Hasanaj, ku praktikisht të duhet të përballesh çdo ditë me rrezikun, nevojiten djem e vajza të një prerje të veçantë, speciale. Më të mirët! Djem e vajza që nga momenti që veshin uniformën e dinë, që një ditë mund t’u duhet të rrezikojnë jetën e tyre për atdheun.
Prandaj unë dua t’i bëj sot, homazhet e mia kësaj vajze, vërtet të mrekullueshme, që kam pasur rastin ta takoj disa herë. Nëntetarja Hasanaj nuk ishte thjesht një efektive e talentuar, që e mbante uniformën me krenari dhe që i bënte nder uniformës së FA me punën dhe shërbimin e saj. Ajo ishte edhe një shembull për shumë vajza që duan t’i bashkohen FA. Ajo ishte një nga më të mirat. Një nga ushtaraket më të afta dhe që unë besoj që kishte përpara një karrierë të shkëlqyer. Dhe kjo e bën gjithçka akoma më të dhimbshme. Humbëm një nga më të mirat që kishim dhe, që do ta kemi shumë të vështirë ta zëvendësojmë.
Ky është një moment shumë i dhimbshëm për të gjithë ne. Por në këto momente dhimbja jonë, mendimet tona, solidariteti ynë shkon së pari për familjen e Zarifes.
E di që ky është një nga ato raste për të cilat nuk gjen dot kurrë fjalët e duhura. Asnjë fjalë, asnjë veprim nga ana jonë nuk mund t’ju rikthejë ju vajzën që humbët. Por edhe ne dhimbjet më të thella ka gjithmonë një ngushëllim dhe force për t’u ringritur. Unë, qe e njoh dhe e vlerësoj qëndrimin e familjes së Zarifes, forcën me të cilën po përballin këtë dhimbje të jashtëzakonshme, jam e bindur, se ata do ta mbajnë gjithnjë të hapur derën e madhe të familjes Hasanaj. Ata do ta mbajnë të hapur atë derë për shokët, miqtë e kolegët, të cilët bashkë me ta, do ta ruajnë gjithmonë në kujtesë Dëshmoren me të Re të kombit shqiptar, ashtu siç ajo ishte deri në ditën e fundit të jetës së saj, e qeshur, miqësore dhe e përkushtuar.
U prehsh në paqe motër e dashur! U prehsh ne paqe heroina jonë, u prehsh në paqe në Altarin e Dëshmorëve të Atdheut, nga ku frymëzohemi të mbajmë të shenjtë amanetin e të rënëve, Shqipërinë e lirë, shtëpinë tonë të përbashkët.
Ditën e sotme, janë zhvilluar homazhe për ushtaraken e vrarë në Letoni, Zarife Hasanaj. Miq, të afërm, politikanë dhe krerët më të lartë të shtetit kanë vendosur kurora me lule për 32-vjeçaren e shpallur “Dëshmore e Atdheut”. Ajo është përcjellë sot për në banesën e fundit tek varrezat e “Dëshmorëve të Atdheut”.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Në ceremonin ku zhvilloheshin homazhet për “Dëshmoren e atdheut” Zarife Hasanaj, ka folur dhe gjeneral Bardhyl Kolçaku, i cili tregoi dhe am...
DROPULL– Tabelat dygjuhëshe në jug të vendit janë kthyer sërish në “mollë sherri”. Tabelat e vendosura nga ARRSH- ja disa ditë më parë në fshatin Dhrovjan të D...
TIRANË– Nisma “Thurje” ka ftuar edhe sot qytetarët që të firmosin peticionin për ndryshimin e Kodit Elektoral.Ditën e sotme stendat e firmosjes së peticion...
TIRANË- Shqipëria sot është në ditë zie kombëtare në nder të ushtarakes së vrarë në Letoni gjatë një misioni për demontimin e minave. Me anë të një vendimi...
LIBRAZHD– Mjeku Kujtim Albrahimi, banesa e të cilit ra pre e grabitësve gjatë natës së kaluar ka treguar detaje rreth ngjarjes. I traumatizuar dhe në gjen...
VLORE- Dalin detaje nga përplasja me armë zjarri që ka ndodhur paraditen e sotme në Vlorë.Burime për Dosja.al bëjnë me dije se ngjarja ka ndodhur në afërsi të k...
Greqi: I shumë përfolur kohët e fundit si një kryemafioz apo Cosa Nostra, si një vrasës manjak apo ergërsirë, Klodian Lekoçaj që akuzohet për vrasjen e n...
TIRANË- Zarife Hasanaj, nëntetatrja që humbi jetën në Letoni gjatë një misioni me Forcat Armatosura, do të përcillet sot për në banesën e fundit.Prej orës ...
TIRANË– Në kuadër të “Ditës Kombëtare të Drejtësisë” është zhvilluar aktiviteti “Open Doors” në Prokurorinë e Tiranës ku studentët e Juridikut janë ftuar t...
ZVICER– Një tjetër shqiptar humb jetën jashtë atdheut. Është Nuhi Memishi, nga Presheva, 40 vjeç.Ai është gjetur i pajetë në Liqenin e Gjenevë...
