6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Një çift nga Kavaja që kishte blerë një apartament në kryeqytet është ndeshur me një surprizë të pakëndshme dhe pas tyre edhe policia që u nis për të zgjidhur një konflikt pronësie, por zbuloi një bazë droge. Prona e të moshuarve jo vetëm është zaptuar, por ajo përdorej si vendstrehimi për hashashin që shpërndarësit dyshohet se e merrnin aty dhe më tej ua shesin përdoruesve.
Rasti i veçantë u zbulua nga agjencia kundër narkotikëve, pasi çifti kërkoi ndihmë në policinë lokale për të hequr një portë që ishte vendosur pa lejen e tyre në bodrumin që kishin blerë së bashku me apartamentin.
Sipas burimeve të gazetës Si, pranë policisë së Tiranës, H. M e bleu apartamentin përmes një agjencie imobiliare. Por përderisa ai së bashku me gruan jetonin në Kavajë, ata vinin rrallë në këtë shtëpi, kryesisht për festa ose kur kryenin vizita tek të afërmit. Po ashtu edhe bodrumi që përdorej për parkimin e automjeteve përdorej rrallë prej tyre. Sipas policisë, zaptimi i bodrumit me adresë në rrugën “Frosina Plaku” u konstatua së pari gjatë festave të Krishtlindjeve dhe kur çështja nuk është zgjidhur, ka ndërhyrë policia që u nis për të gjetur hajdutët, por tani kërkon trafikantët.
Kallëzuesi tregon pranë policisë “për arsye se ne nuk jetojmë në Tiranë dhe për shkak të covidit nuk i kishim vendosur portë bodrumit. Shtëpinë e kemi blerë në tetor të 2018. E pamë me rastin e krishtlindjeve që bodrumit i ishte vendosur një derë. E pyetëm Avniun, administratorin e pallatit dhe ai u përgjigj: – kjo është pronë e juaja nuk di gjë. Për njerzillëk, tek dera e bodrumit, vendosëm një njoftim ku paralajmëronim zaptuesit që kush e kishte vendosur atë portë ta lironte pasi ishte pronë private. Aty lamë edhe numrin e telefonit për kontaktim dhe sqarime të mëtejshme, në rast se dikush do kishte pretendime të caktuara”.
Por me gjithë këtë njoftim, kur çifti është rikthyer sërish në kryeqytet kanë vërejtur se situata nuk kishte ndryshuar bëjnë me dije burimet e gazetës Si. Të shqetësuar se mos ndërkohë kishin blerë një pronë të mbivendosur janë vënë privatisht në kërkim të zaptuesve.
“Vumë në dijeni administratorin dhe njoftuam menjëherë policin e zonës për zaptim prone”, shprehet pronari i bodrumit në dëshminë që agjentët e antidrogës administruan. Policia bën me dije jozyrtarisht se hetimi i mëvonshëm ka zbuluar se dera në bodrum nuk ishte vendosur as nga firma dhe as nga persona të tjerë që jetojnë në atë pallat. Por kur të moshuarit kanë këmbëngulur që të lirohej prona e tyre, policia ka shkuar për të hapur derën dhe edhe ata janë ndeshur me surprizë. Nuk bëhej fjalë për pronarë të tjerë, por për shpërndarës droge që mesa duket kanë studiuar lëvizjet e dy të moshuarve dhe kanë kuptuar që ata mund ta përdornin këtë pronë lirshëm dhe pa rrezikuar. Bodrumi ishte kthyer në një vendmbajtjeje hashashi, kishte po ashtu divane dhe pije, ndërsa ajo që i ka habitur policët është qetësia e shpërndarësve ndonëse ata ishin njoftuar me një afishim që të lironin pronën në fjalë.
Agjenti i antidrogës tregon në anonimitet për gazetën Si:
“Konstatuam lëndë narkotike canabis sattiva menjëherë sapo hapëm derën. Në vendngjarje gjetëm tetë kanoçe llamarine si ato të pijeve freskuese, dhe të gjitha së bashku me hashashin u futën në qesen e provave”.
Nga peshimi i kryer rezulton se hashashi kishte peshë 1297 gramë, por nuk është vlera e bimës narkotike të gjetur se sa mënyra e re e zbuluar rastësisht të cilën po përdorin si baza shpërndarësit dhe trafikantët e drogës në Tiranë.
Më herët, gazeta Si ka sjellë rastin e një vajze nën moshë që kishte marrë shtëpi me qira dhe kishte mbjellë në vazo lulesh hashash, ndërkohë që dyshohet se fenomeni më i ri është marrja e banesave me qira, që kthehen më pas si vitrina të shitjes së hashashit dhe kokainës.
Hetimi
Antidroga sqaron për gazetën Si se pas zbulimit të këtij rasti është marrë në pyetje menjëherë administratori i pallatit i cili ka ngritur supet dhe ka mohuar çdo gjë.
Administratori i tha policisë sipas burimeve se nuk ka asnjë dijeni se kush e ka vendosur portën dhe aq me tepër të ketë pasur dijeni se brenda këtij ambienti mbahej hashash. “Nuk është detyra ime të kontrolloj kush hyn në bodrum dhe nuk është detyra ime të kontrolloj çfarë mbahet në bodrume. Kam dëgjuar se disa bodrume nuk përdoren, por tek blloku i pallateve që administroj nuk kam parë diçka të dyshimtë apo që të më tërheqë vëmendjen”, rrëfen burri.
Marrë nga GazetaSI
1 vit nga zgjedhjet e 25 prillit si e shikoni gjendjen e vendit:
TIRANË – Një qytetare që banon në Tiranë ka rrëfyer se në shtëpinë e tyre ndodhej një femër ndërsa bashkëshorti nuk e lejoi të hyjë brenda dhe e godi...
TIRANË– Drejtoresha e ISHP-së, Albana Fico ka folur ditën e sotme për ‘Reporttv’ për dy rastet e raportuara ditën e sotme në Shkodër. Sipas saj dy rastet n...
ELBASAN- Ka ndërruar jetë në spital 70-vjeçarja Qamile Sinani, e cila u përplas ditën e djeshme në Elbasan.Aksidenti ndodhi në aksin rrugor Elbasan-Metal...
TIRANË– Zv. ministrja e Shëndetësisë, Eugena Tomini ka folur rreth masave të reja kufizuese që mund të vendosen në Shqipëri për shkak të rritjes të rasteve...
TIRANË– Policia e Shtetit ka paralajmëruar zyrtarisht qytetarët që të mos japin të dhëna lidhur me aplikacionin “WhatsApp”, i cili së fundmi është në fokus...
TIRANË– 19-vjeçari, Kevin Cungu, i cili ishte shpallur në kërkim ndërkombëtar për vrasjen e 30-vjeçarit Rexhep Gjelit shtatorit të vitit të ...
GJERMANI– Gjykata për të drejtat e njeriut në Strasburg do të japë vendimin ditën e nesërme për ish-anëtaren e Gjykatës Kushtetuese, Altina Xhoxhajn.Ish-gjyqtar...
Pronari i shtëpisë, Baki Guca ku ndodhi vjedhja e disa ditëve më parë rrëfen momentin e tmerrshëm për “Shqipëria live”.“Unë erdha nga një fshat, ata kishin ardh...
TIRANË– Avokati i 57-vjeçarit Pelivan Sinanrrapaj, që ndërroi jetë në spital pas dhunës barbare nga tre shokët e tij, Ermal Ahmataj sqaroi se konfli...
SHKODËR – 1876 kg mallrash të padeklaruara u kapën nga policia kufitare në doganën e Shkodrës këtë të hënë.Policia kufitare njofton se pranë kësaj pi...
