Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
E kush e beson realisht se Kievi mund të rimarrë territorin e aneksuar nga Rusia gjatë vitit të ardhshëm, në kushtet kur edhe gjenerali Valery Zaluzhny, shefi popullor i Shtabit të Forcave të Armatosura të Ukrainës, e ka bërë të qartë se “me shumë gjasa nuk do të ketë depërtime të thella në frontin e armikut”?
Nga Ivan Krastev “Financial Times”
“Askush nuk beson si unë tek fitorja jonë”.Kështu deklaroi presidenti ukrainas Volodymyr Zelenskyy në një intervistë dhënë kohët e fundit për revistën “Time”. Dhe ai ka të drejtë. Përballë realitetit të zymtë të një kundërofensive të ushtrisë ukrainase që ka ngecur thuajse në vend-numëro, dhe pas sulmit të përgjakshëm të Hamasit ndaj Izraelit, dhe reagimit tejet të ashpër të këtij të fundit, shumë analistë po pyesin nëse Perëndimi ka ende një strategji të qëndrueshme për t’u përballur me luftën që ka nisur Rusia në Evropë.
E kush e beson realisht se Kievi mund të rimarrë territorin e aneksuar nga Rusia gjatë vitit të ardhshëm, në kushtet kur edhe gjenerali Valery Zaluzhny, shefi popullor i Shtabit të Forcave të Armatosura të Ukrainës, e ka bërë të qartë se “me shumë gjasa nuk do të ketë depërtime të thella në frontin e armikut”?
Dhe kush mendon, përveç më optimistët ndër ne, se presidenti rus Vladimir Putin është i hapur për çdo negociatë kuptimplotë me Ukrainë, vetëm 1 vit pas zgjedhjeve presidenciale amerikane të radhës, kur kryeson në sondazhe kandidati i tij i preferuar Donald Trump?
Në fakt, si ‘skifterët’ ashtu edhe ‘pëllumbat', pra ata që mbajnë qasje të moderuara dhe të ashpra ndaj Luftës në Ukrainë, kanë filluar të duken të përçarë dhe të shkëputur në një mënyrë të rrezikshme nga realiteti. Çuditërisht, humori i opinionit publik po ndryshon, si në Ukrainë ashtu edhe në Perëndim.
Dhe për shkak të kundërshtimit të republikanëve të dhënieve fondeve shtesë nga SHBA-së për luftën e Ukrainës, dhe një ri-përqendrimi të vëmendjes drejt Lindjes së Mesme, nuk mund të merret si e mirëqenë mbështetja perëndimore për Ukrainën.
Aktualisht evropianët po përballen tani me dy luftëra shumë të ndryshme por të ndërlidhura më njëra-tjetrën, të cilat kërcënojnë jo vetëm sigurinë e Evropës, por edhe identitetin politik të shoqërive evropiane. Në të dyja luftërat janë të përfshira edhe fuqitë bërthamore, dhe që të dyja kanë një rëndësi simbolike të madhe.
Lufta Izrael-Hamas, e ka zhvendosur jo vetëm vëmendjen e publikut drejt Lindjes së Mesme duke krijuar një konkurrencë për burimet, por ajo ka dobësuar gjithashtu edhe pikëpamjen se ka diçka të jashtëzakonshme në natyrën e agresionit të Rusisë.
Kur Rusia bombardonte linjat e furnizimit me energji për qytetet dhe fshatrat e Ukrainës në mesin e dimrit, ajo është akuzuar për krime të luftës. Tani edhe Izraeli e ka privuar Gazën nga furnizimet me energji dhe ujë. A janë gati Ukraina dhe Perëndimi t’i quajnë krime lufte këto akte?
Një studim i kohëve të fundit mbi “gjeopolitikën e emocioneve” nga Këshilli Evropian për Marrëdhëniet me Jashtë (ECFR) pak kohë para shpërthimit të luftës në Gaza, zbuloi një prirje shqetësuese, edhe pse jo befasuese. Opinioni publik në vendet e mëdha joperëndimore, është më i interesuar se kur do të përfundojë lufta, sesa si do të përfundojë ajo.
Po ashtu, ai e konsideron Perëndimin dhe Ukrainën, dhe jo Rusinë, si pengesën kryesore për paqen. Shumica e njerëzve në të ashtuquajturin Jug Global, presin që 5 vitet e ardhshme Moska do të arrijë të dominojë në skenën globale, duke e parë konfliktin si një luftë e tërthortë midis SHBA-së dhe Rusisë.
Ndaj pyetja është: A mund të triumfojë Perëndimi, nëse popullata e tij nuk beson se duhet të jetë pjesë e një lufte, ndërsa shumica e të tjerëve besojnë se po? Në muajt e parë të konfliktit, Kremlini besoi gabimisht se “operacioni i tij special ushtarak”, do të përfundonte brenda disa javësh, dhe se trupat ruse do të mirëpriteshin si çlirimtare në Ukrainë.
Por lufta agresive që nisi Putin në fillim të vitit 2022, nuk është ajo që po zhvillohet tani. Shumë analistë nuk arrijnë të kuptojnë se Putini e sheh konfliktin në Ukrainë, si pjesë të një lloj lufte të përjetshme të Rusisë me Perëndimin. Objektivi i tij, nuk është më të krijojë një Ukrainë pro-ruse, por të tregojë se një Ukrainë pro-perëndimore, do të ishte pak më shumë se sa një shtet i dështuar dhe se në çdo rast mbështetja perëndimore për Ukrainën do të marrë fund një ditë.
Nën këtë mjedis të ri, sfida me të cilën përballet Perëndimi është tejet e ngjashme me atë me të cilën u përball dikur SHBA-ja në Gjermaninë Perëndimore (sidomos në Berlinin Perëndimor) në vitet e para të Luftës së Ftohtë.
Perëndimi duhet të provojë se Ukraina është një vend, në të cilin investitorët janë gati të investojnë paratë e tyre - sigurisht të mbrojtura nga bateritë e raketave amerikane Patriot - përpara se të përfundojë lufta. Po ashtu duhet të jetë gjithashtu një vend, në të cilin një numër i madh ukrainasish që aktualisht po jetojnë jashtë atdheut, të jenë gati të rikthehen në vendlindjen e tyre.
Së fundmi, negociatat me BE-në për anëtarësimin e Ukrainës, duhet të jenë në gjendje të nisin edhe kur lufta po vazhdon me një egërsi të madhe. Megjithatë, gjetja më e habitshme e sondazhit të ECFR, është se shumë njerëz në vendet joperëndimore që besojnë se Rusia do të triumfojë në Ukrainë, besojnë gjithashtu se BE-ja nuk do të ekzistojë më pas 20 vjetësh. Kjo duhet t’i bëjë udhëheqësit evropianë të kuptojnë pa humbur kohë, faktin se në këtë luftë në lojë nuk është vetëm sovraniteti i Ukrainës.
Edison Ypi Të jetë për mua, unë i bie shkurt. Nxjerr një VKM (Vari Këmborën Mushkës) për të zgjedhur Mbr...
Veshjet Artizanati, kjo traditë e vecantë por shumë e bukur dhe me rëndësi kombëtare ka qënë drejt zhdukjes së...
Sheferedin Shehu Marrëveshja e Ramës me Melonin është Personale dhe jo ShtetëroreSipas dispozitave të ligjit për marr&eu...
Deputetet te dera e Kuvendit Zyrat e Kryesisë së Kuvendit u mbushën me forcat e sigurisë që nuk lejuan deputetët e opozit&eum...
Shqipëria, me një sipërfaqe relativisht të vogël, ka një trashëgimi të pasur natyrore dhe kulturore, të lasht&eum...
FATF Në 2020 Shqipëria u fut në listën gri të pastrimit të parave dhe financimit të terrorizmit. Në bazë t&eum...
Suea Kalaja Nga Suela Kalaja, Psikologe Nje mesuese sapo nisi te shkruaje kush do te jete ai djale 16 vjecar ne te ardhmen ! ? Nje njeri me i mire apo nje...
Ervin Mete TIRANË- Sufiçiti buxhetor i Shqipërisë, teprica mes të ardhurave që qeveria mbledh në arkën e saj...
Foto Në vitin 2022 në një anketë të zhvilluar nga PNUD në bizneset e hotelerisë, u nxorrën konkluzionet se, 5...
Taulant Dedja 12 vitet që pata fatin të punoj për strukturat e shtetit shqiptar, ndër të tjera dhe për qytetin e Tiranë...
