“Kemi bërë avancim në raportin me Amerikën!” Grenell i përgjigjet Kurtit: Marrëdhëniet nuk kan&eu...
Aktualitet
Interpol arreston 31-vjeçarin e shpallur në kërkim ndërkombëtar
13 Prill 2022, 11:06Nga DOSJA
TIRANË- Janë arrestuar dy qytetarë të shpallur në kërkim ndërkombëtarë. Shërbimet e Policisë Kufitare Rinas kanë kapur dhe ndaluar një 31-vjeçarë të identifikuar me inicialet A. P.
31-vjeçari banues në Rrogozhinë, ishte i shpallur në kërkim ndërkombëtar, pasi Gjykata e L’Aquila, Itali, më datë 15.10.2021, ka lëshuar një urdhër arrestin për veprat penale “Organizata kriminale“ dhe “Trafikimi i lëndëve narkotike”.
Gjithashtu shërbimet e Policisë Kufitare kanë kapur dhe ndaluar edhe një 61-vjeçar i cili ishte i shpallur në kërkim ndërkombëtarë. 61-vjeçari i identifikuar me emrin Naser Biseviç banues në Ulqin ishte i shpallur në kërkim ndërkombëtar, pasi Gjykata e Kecskemét, Hungari, më datë 20.06.2019, e ka dënuar me 5 vite burgim, për veprën penale “Trafikimi i lëndëve narkotike”.
24-vjeçarja italiane gjithashtu ka përfunduar në prangat e policisë pasi i është gjetur një sasi lënde narkotike. Ajo është proceduar penalisht në gjendje të lirë, për veprën penale “Prodhimi dhe shitja e narkotikëve”.
Policia Kufitare: Vijojnë kontrollet në pikat e kalimit kufitar në të gjithë vendin, për parandalimin, evidentimin dhe goditjen e paligjshmërisë. Si rezultat i kontrolleve, falë shkëmbimit të informacionit mes Interpol Tirana dhe homologëve, janë kapur 2 persona të shpallur në kërkim ndërkombëtar. Gjithashtu, janë goditur dhe 3 raste të paligjshmërisë.
Në PKK Rinas është kapur një person i shpallur në kërkim ndërkombëtar për veprat penale “Organizatë kriminale“ dhe “Trafikimi i lëndëve narkotike”. Në PKK Muriqan, Shkodër, është kapur një person i shpallur në kërkim ndërkombëtar për trafikim lëndësh narkotike dhe një person tjetër që mbante lëndë narkotike dhe armë të ftohtë.
Në PKK Port Durrës është kapur në flagrancë një shtetas që tentoi të korruptonte punonjësit e Policisë dhe një shtetas tjetër që kishte lëndë narkotike me vete. Shërbimet e Policisë Kufitare vijojnë kontrollet në pikat e kalimit kufitar në të gjithë vendin, me qëllim parandalimin, evidentimin dhe goditjen e paligjshmërisë, si dhe për kapjen e personave në kërkim apo të atyre që tentojnë të kalojnë kufirin me sende të paligjshme.
Si rezultat i kontrolleve në të gjithë vendin janë kapur 2 persona të shpallur në kërkim dhe janë goditur 3 raste të paligjshmërisë, konkretisht: -Në Pikën e Kalimit Kufitar Rinas, në dalje të RSH-së, falë shkëmbimit të informacionit mes Interpol Tirana dhe Interpol Roma, shërbimet e Policisë Kufitare Rinas kanë kapur dhe ndaluar shtetasin A. P., 31 vjeç, banues në Rrogozhinë, i shpallur në kërkim ndërkombëtar, pasi Gjykata e L’Aquila, Itali, më datë 15.10.2021, ka lëshuar urdhër arrestin për këtë shtetas, për veprat penale “Organizata kriminale“ dhe “Trafikimi i lëndëve narkotike”. Në bashkëpunim me Interpol Roma, vijojnë procedurat për ekstradimin e tij drejt Italisë.
-Në PKK Muriqan, Shkodër, në hyrje të Republikës së Shqipërisë, falë shkëmbimit të informacionit mes Interpol Tirana dhe Interpol Budapest, shërbimet e Policisë Kufitare kanë kapur dhe ndaluar shtetasin Naser Biseviç, 61 vjeç, banues në Ulqin, i shpallur në kërkim ndërkombëtar, pasi Gjykata e Kecskemét, Hungari, më datë 20.06.2019, e ka dënuar me 5 vjet burgim, për veprën penale “Trafikimi i lëndëve narkotike”. Në bashkëpunim me Interpol Budapest, vijojnë procedurat për ekstradimin e tij drejt Hungarisë.
Gjithashtu, në këtë pikë kufitare, është arrestuar në flagrancë për veprat penale “Prodhimi dhe shitja e narkotikëve” dhe “Mbajtja pa leje e armëve të ftohta”, shtetasi D. K., 19 vjeç, banues në Prizren, Kosovë, me arsim 9 klasë, sepse gjatë kontrollit fizik i janë gjetur një sasi lënde e dyshuar narkotike cannabis sativa, një grirëse hashahi dhe një armë e ftohtë (thikë), të cilat u sekuestruan në cilësinë e provës materiale. -Në PKK Port Durrës është goditur një rast i tentativës për të korruptuar punonjësit e Policisë Kufitare. Shërbimet e Policisë kufitare kanë proceduar penalisht për veprën penale “Korrupsioni aktiv ndaj personave që ushtrojnë funksione publike”, shtetasin D. S., 48 vjeç, pasi i ka ofruar atyre, një shumë parash, me qëllim kalimin e kufirit në mënyrë të paligjshme.
Gjithashtu, në këtë pikë kufitare, në dalje, është kapur në flagrancë me një sasi lënde narkotike, shtetasja italiane G. C., 24 vjeçe, e cila në përfundim të veprimeve hetimore është proceduar penalisht në gjendje të lirë, për veprën penale “Prodhimi dhe shitja e narkotikëve”. Materialet i kaluan Prokurorive respektive, për veprime të mëtejshme.
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
Bordi i Transparencës ka vendosur rritjen e çmimeve të naftës dhe benzinës, pas shtrenjtimit të tyre në bursat ndërkombëtare. Sipas vendimit të fundit, t...
Ministria e Mbrojtjes 4 milionë $ bashkive për fatkeqësitë natyroreMinistria e Mbrojtjes nëpërmjet Komitetit për Menaxhimin e Fatkeqësive Natyrore i ka bërë fte...
TIRANË– Aqif Rakipi ka reaguar për herë të parë pas sanksioneve që iu vendosën nga SHBA dhe shpalljes non-grata nga Departamenti Amerikan i Shtetit. ...
TIRANE- Policia e Shtetit ka bërë thirrje që të bëhet e mundur kapja e 5 personave të shumërkërkuar. Talo }ela, Laert Haxhiu, Jani Alia, Ibrahim Lici dhe Erjon ...
ITALI- Arrestohet një shqiptarë në Itali, banues në Zvicër pasi i janë gjetur 850 gramë kokainë në makinën e tij. Gjatë kontrollit të makinës së tij nga polici...
Nusja e xhaxhait të Merushes, e cila u vra nga vjehrri i saj, në një lidhje në emisionin “Me Zemër të Hapur”, foli për ngjarjen e rëndë të ndodhur në Vidhishtes...
Vajza e mitur, që dyshohet se është viktima e dhunimit nga këngëtari Asdren Gjikolli -Gjiko, ka deklaruar para organeve të drejtësisë, se “sa herë që kam kryer ...
TIRANË– Kancelari i Gjykatës së Elbasanit, Ledio Sulkuqi është ende në koma. Pas 48 orë hetimi, policia dhe prokuroria e Elbasanit kanë zbardhur ngja...