Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
VLORË- Kryeministri Edi Rama nga Vlora, me gjuhë të ashpër iu përgjigj kritikave të qytetarëve dhe kundërshtarëve politikë të opozitës. Duke ndjekur me radhë të gjitha çështjet, Rama u shpreh i sigurtë se Partia Socialiste do të triumfonte sërish në zgjedhjet parlamentare të 25 prillit duke mos e kursyer gjuhën e ashpër ndaj opozitës dhe përfaqësueseve të saj. Fillimisht duke adresuar ironinë e qytetarëve për ndërtimin e aeroportit të Vlorës, Rama tha se puna do të niste në tetor sepse ishte shtyrë prej pandemisë, ndërsa më pas shprehu ambicjen e tij për kthimin e Vlorës në qytetin më të mirë të Mesdheut, duke mos i kursyer kritikat ndaj qeverisë Berisha të thuajse 8 viteve më parë. Numri një i qeverisë nuk la pa përmendur edhe rritjen e pagave për mjekët dhe mësuesit, duke mohuar kategorikisht se ishin të ndikuara nga zgjedhjet që do të zhvillohen pas 7 muajsh. Në fund, Rama bëri me dije se do të garojë sërish në Vlorë, duke mohuar zërat se Durrësin do të udhëhiqte vetë në 25 prill.
PJESË NGA FJALA E RAMËS:
AEROPORTI I VLORËS:
Dëgjoj që thonë me ironi: Sapo erdha në aeroport. Dëgjoj të gjitha ironitë, sidomos nga ata që s’i kanë thënë kurrë punës mirëmëngjes. Nuk i kursejnë përqeshjet dhe sharjet. Janë fjalë që i dëgjon rëndom por nuk kanë lidhje me realitetin. Jo se është rozë për të gjithë, dhe as transformimi ynë do ta bëjë Shqipërinë të dytën pas Gjermanisë. Nuk e kemi thënë, dhe se kemi ndërmend. Ballafaqohemi me shpifjet dhe sajesat. Fjala e popullit që kur gënjeshtra e ka bërë xhiron e botës, e vërteta nuk ka veshur pantallonat, nuk rezulton e vërtetë. Pa e zgjatur dua të them që procesi për fillimin e punës u ndërpre nga karantina e përgjithshme. Procesin e ngrimë aty ku ishte dhe në pak ditë, në javën e parë të tetorit procesi do të rihapet. Do fillojë aty ku u ndërpre. Do fillojmë të presim ofertat ndërkombëtare. Do të doja të kishte filluar më parë, por eksperienca më ka mësuar se ka të papritura dhe vonesa. Dhe patjetër që ka një rrugë të gjatë për të bërë deri kur të lidhet një kontratë. Projektet nuk nisin kur njerëzit shohin fadromat. Projektimi nuk është proces i thjeshtë, nuk kemi bërë mrekulli por jam i bindur që në çdo lloj diskutimi nuk ka krahasim puna e bërë prej nesh me punët që janë bërë më parë. U përballëm me dy goditje shumë të forta.
SHËNDETËSIA DHE SULMI NDAJ OPOZITËS:
Tërmetet goditën financat tona, ndërsa pandemia që u tunden themelet e botës. Nëse do të kishte ndodhur në kohën kur qeverisnin ata që sot flasin ata që bëjnë sikur vijnë nga hëna. Përdorin fjalën katastrofë vend e pavend, por atëherë do të kishte qënë katastrofë. Parafytyroni betejen kundër COVID në QSUT që gjetëm ne. Atë spital ku nuk kishtë asnjë lloj kushti për sterilizim dhe kushti. Njerëzit vareshin nëpër hekura, se nuk dinin kur të shkonin. Jemi në një “V”, me një rënie shumë të shpejtë dhe më një rritje shumë të shpejtë. Viti i ardhshëm do të ketë një tjetër hov ekonomik sepse kemi vendosur shumë baza. Ne nuk jemi kujtuar tani, ne jemi kujtuar më parë. Unë jam kujtuar edhe në kohën kur zotrote flije gjumë. S’ka lidhje rritja e pagave se kemi zgjedhje në prill. Sot na erdhën mundësitë. Sigurisht ka edhe nga ata mjekë që fusin duart në xhepat e qytetarëve se nuk ka pyll pa derra. Edhe për tërmetitn. Po i rindërtojmë shtëpitë por edhe ato duan kohën e tyre. Nuk ka qënë e lehtë për asnjë familje për të përballuar të gjithë këtë stres.
SIGURIA PËR FITOREN E ZGJEDHJEVE:
Populli është më i mënçur se secili prej nesh. Asnjë individ nuk është populli. Ata që flasin në emër të popullit, i them askush nuk ka mandat dhe të drejtë për të folur në emër të popullit. Populli do të flasi prapë kur t’i vijë. Jam i sigurtë që do të flasi prapë.
PROJEKTET DHE “RILINDJA” E QYTETEVE
Kemi bërë një llogari për impaktin ekonomik të LungoMares. Është i pabesueshëm përveç atij social për shkak të asaj vepre. Të gjitha veprat nuk janë zbukurime, as fasada siç thonë injorantët. Nuk e kam parë ndonjë vend të pistë dhe të pastër. Nuk ekziston. Do të ndërhyjmë edhe tek sheshi i Flamurit që mbetet hallkë e dobët. Është si mes dy krahëve, nga njëra e anë lagjia e vjetër dhe bulevardi i ri. Kërkon të pastrohet. Kemi ambicje ta kthejmë në qytetin më të bukur të Mesdheut, jo vetëm të Shqipërisë. Duhet të ndërhyjmë edhe brenda për brenda, në lagjet ku jetohet përditë. Vlora nuk është vetëm qyteti por është edhe zona përtej qytetit. Edhe në fshatrat jetojnë njerëz që kanë nevojë për shërbime, por është edhe aset shumë i madh. Rruga e lumit po vazhdon. Thonë që e ndërpretë se nuk do ta bëni. Janë përralla. Do t’i bëjmë shumë mirë, jo shkel e shko. Jo rrugë që mbetën rrugëve. Qeveria e mëparshme jo vetëm që ka dhënë shumë tendera, por ka dhënë para. Janë dizbusuar më pas. Rruga bëhet kur bëhet, jo kur thua t’i që bëhet. Do fillojmë projetin matanë ujit të ftohtë për të shkuar matanë Radhimës. Ne duam që në Vlorë të kemi një qytet me miliona turistë dhe jo thjeshtë me pak më shumë sivjet me vitin e kaluar. Nuk i mban Lungomarja as sheshi i Flamurit po do t’i mbajë e gjithë zona. Kjo është pak a shumë pamja. Jam shumë mirënjohës që kemi mundur të kemi këto gjëra.
GARA PËR 2021
Po e mbyll me zgjedhjet. Mos hapni llafe që s’do jem në Vlorë. Bëni kujdes se çfarë dëgjoni. Çfarë nuk dëgjohet sot në Shqipëri. Unë në vlorë kam qënë edhe përpara se të bëhesha kryetar i PS, edhe kur i bëra dhe jam tani. Në Vlorë do jem edhe po të mos jem kryeministër, se do kem më pak angazhime. Se më ikën mendja kur më thonë dil e shiko realitetin. I kam rënë Shqipërisë cep në cep, saqë e di nga rruga ku jam a ka valë apo jo telefoni. Kjo jo për të thënë, se nuk është zotësi, pra s’do bëj më kilometra por do bëj metra brenda Vlorës. Më ka lidhur fati, historia e famijes dhe bukuria.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Të enjten e shkuar, Këshilli i Ministrave vendosi mbylljen e shkollave turke në Shqipëri, dy prej institucioneve të MIST dhe Medreseja “Hafiz Abdul...
TIRANE– Nënkryetari i Partisë Demokratike Edi Paloka ka postuar një foto në rrjetin e tij social ‘Facebook’ aty ku tregohet proçesi i v...
TIRANE-Ish deputeti i PD-së Klevis Balliu e cilëon gjyqin që po bëhet kundër banorëve të Unazës së Re, si gjyq politik.Ai deklaroi ditën e sotme se janë me mijë...
TIRANË– Përmes një njoftimi për median, KPK sqaron se seanca e planifikuar për në 25 shtator, për të dhënë vendimin, është shtyrë pasi do të vazhdojn...
TIRANË– Presidenti Ilir Meta i është përgjigjur kryeministrit Edi Rama, pasi ky i fundit i tha se Vjosa është tashmë Park Kombëtar dhe nuk ka nevojë ...
HAS- Ish-deputeti Edmond Spaho ishte i pranishëm sot në degën e Partisë Demokratike në Has, në të cilën po vijon procesi i votimit të kandidatëve për deputetë. ...
TIRANË- Ambasadori i Bashkimit Europian në Tiranë, Luigi Soreca ka zhvilluar ditën e sotme një takim me kryetaren e Këshillit të Lartë të Gjyqësorit për va...
TIRANË– Presidenti Ilir Meta dhe kryeministri Edi Rama kanë replikuar me njëri-tjetrin në distancë në lidhje me Parkun e Vjosës. Meta, që prej ditës së dje...
