Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
KOSOVË– Presidentja e Kosovës, Vjosa Osmani nderoi të dielën në mbrëmje me Medaljen Presidenciale për Sundim të Ligjit, Beau Biden, djalin e ndjerë të presidentit amerikan, Joe Biden, i cili në vitin 2015 ndërroi jetë nga kanceri. Beau Biden, pas përfundimit të luftës në vitin 2001 ka shërbyer në Kosovë për trajnimin e gjykatësve dhe prokurorëve të Kosovës. Gjatë ceremonisë së dhënies së Medaljes Presidenciale, presidenti amerikan me një video-mesazh ju drejtua qytetarëve të Kosovës.
Vjosa Osmani: “Trashëgimia dhe veprimet e Beau Biden vazhdojnë të jetojnë në Kosovë”
Presidentja Vjosa Osmani, me rastin e dhënies së Medaljes Presidenciale për Sundim të Ligjit për Beau Biden, tha se trashëgimia dhe veprimet e Beau Biden vazhdojnë të jetojnë në Kosovë. “Siç është edhe shprehja ‘njerëzit e mirë janë si qiriu’. Njerëzit më të mirë e bëjnë këtë pa e ditur. Unë besoj, se matja e vërtetë e një personi të mirë është ndikimi i përjetshëm që lë pas. Kjo nënkupton para së gjithash njerëzit që ju i frymëzoni, zemrat që i prekni dhe jetët që i ndryshoni pa qenë krejtësisht të vetëdijshëm për këtë. I ndjeri Beau Biden ishte pikërisht i tillë. Ai është qiriu që u ka dhënë dritë kaq shumë njerëzve”, tha Vjosa Osmani, duke iu drejtuar dhe konfirmuar presidentit amerikan marrëdhëniet e mira ndërmjet Kosovës dhe SHBA-së, sipas së cilës “kalojnë përtej çdo partneriteti që mund të shihet në mbarë botën”.
“Zoti President, më lejoni t’jua them juve dhe gjithë qytetarëve të Shteteve të Bashkuara: Kosova është edhe shtëpia juaj. Burrave e grave të vendit tuaj, anëtarëve të stafit tuaj, stafit diplomatik dhe gjithë njerëzve të Amerikës, të cilët dëshirojnë ta vizitojnë këtë vend, u themi se do t’i shohim gjithmonë sikur të ishin njëri prej nesh. Institucionet tona dhe më e rëndësishmja, secili qytetar yni, do t’i mirëpresë ata përherë krahëhapur”, u shpreh presidentja Osmani.
Joe Biden: “Nder i madh ta vlerësosh trashëgiminë e djalit tonë Beau”
Gjatë ceremonisë së dhënies së Medaljes Presidenciale për Beau Biden, Presidenti I Shteteve të Bashkuara të Amerikës, Joe Biden iu drejtua me një video mesazh qytetarëve të Kosovës. “Kosova është në zemrat e gjithë familjes Biden”, tha presindeti amerikan i prekur. “Ne thjesht duam të themi se kjo është e pabesueshme, dhe unë dua ta falënderoj Republikën e Kosovës për këtë medalje. Është një nder i madh, është një nder i madh ta vlerësosh trashëgiminë e djalit tonë Beau dhe babait të tij. Punën në Kosovë, Beau e kishte të përzemërt, ai u dashurua me vendin. Ne jemi përgjithmonë mirënjohës për të gjithë njerëzit e Kosovës me të cilët Beau u dashurua”, tha presidenti Biden.
Biden: “Ka ende më shumë punë për t’u bërë, nuk kam nevojë t’ju them”
Presidenti i SHBA-së e vlerësoi përparimin në Kosovë, por sipas tij, ka mbetur ka mbetur ende për t’u bërë. “Unë kam qenë atje disa herë dhe kam parë njerëzit që punojnë pa u lodhur, për të ndërtuar një të ardhme më të ndritur, në të cilën Beau besonte për popullin e Kosovës. Ka ende më shumë punë për t’u bërë, nuk kam nevojë t’ju them. Më shumë punë për ta luftuar korrupsionin, për të mbrojtur të drejtat e pakicave etnike dhe fetare. Për të ndërtuar marrëdhënie pozitive me kombet fqinje, dhe për të forcuar zhvillimin ekonomik. Unë angazhohem për ju, dhe Shtetet e Bashkuara do të mbeten partneri I palëkundur I Kosovës në këtë drejtim “, u shpreh presidenti amerikan Joe Biden përmes video mesazhit.
Edhe një rrugë në qytetin e Ferizajt, në afërsi të kampit ushtarak amerikan Bondstel e mban emrin e të birit të ndjerë të presidentit amerikan, Biden I cili në inagurimin e kësaj rruge ishte personalisht me familjen e tij në Kosovë në cilësinë e zëvendëspresidentit amerikan. Kosova më herët ka nderuar edhe ish-presidentin amerikan, Bill Clinton dhe ish-sekretaren amerikane Medeline Allbright, duke ju ngritur shtatore në Prishtinë për kontributin e tyre me ndërhyrjen e NATO-s, në ҫlirimin e Kosovës dhe largimin e forcave serbe të sigurisë në vitin 1999. Këtë vit pas ndërhyrjes së NATO-os, forca serbe të sigurisë u larguan nga Kosova dhe në vitin 2008 Kosova shpalli pavarësinë e saj e mbështetur nga vendet demokratike.
Marrë nga DW.
Iftar dhe politikë, a u prek Muaji i Ramazanit nga politikanët?
BOTË– Shumë shtete në mbarë botën, përfshirë edhe Kosovën, po raportojnë për raste të infektimeve me koronavirus te personat që janë vaksinuar kundër...
DW: Zoti Schmidt, më 1 gusht ju morët detyrën e Përfaqësuesit të Lartë për Bosnjë dhe Hercegovinën në Sarajevë në një kohë, kur vendi është ndoshta më keq se ku...
EUROPË– Kontinenti europian nuk po gjen paqe nga ‘kapriçot’ e motit, pasi vetëm disa ditë më parë pjesa veri-perëndimore u përfshi nga përmbytjet ma...
GREQI– Ministri i Jashtëm i Greqisë, Nikos Dendias ka folur rreth krizës greko-turke, vijimin e dialogut midis dy vendeve si dhe temat ku sheh papajtueshm...
SERBI– Presidenti serb, Aleksandër Vuçiç foli për projektin “Ballkani i Hapur” dhe deklaroi se ai mendonte se ishte një vendim historik dhe se shp...
BEOGRAD– Media serbe “Blic” ka bërë një analizë të takimit të shkuar dhe atij që pritet të ndodhë mes kryeministrit të Kosovës, Albin Kurti dh...
SHBA– Eksperti më i lartë amerikan për sëmundjet infektive po paralajmëron se më shumë “dhimbje dhe vuajtje” do të pasojnë ndërsa përsëri po s...
SHBA-Uashingtoni dhe Londra kanë akuzuar Iranin për sulmin vdekjeprurës me dron që la dy të vdekur në bordin e një anije çisternë pranë brigjeve të Omani...
“E dashur Banetla,”-i shkruan Margarete Bamberger motrës së saj në Berlin, “më duhet të të njoftoj, se dy fëmijët e mi më të vegjël kanë vdeku...
TURQI– Presidenti turk, Recep Tajip Erdogan ka vizituar Marmaris, një nga zonat më të prekura nga zjarret që kanë pushtuar vendin ditët e fundit. Teksa sh...
