Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Ekonomi
Kredia e re u rrit në korrik, kontributin më të madh e dhanë sërish individët
31 Gusht 2021, 05:07Nga DOSJA
Sistemi bankar dha 24 miliardë lekë kredi të re gjatë muajit korrik, duke iu kthyer rritjes vjetore të huadhënies, pas frenimit të muajit qershor.
Krahasuar me korrikun e vitit të kaluar, kredia e re rezulton në rritje me 12.7%.
Edhe për korrikun kontributi kryesor në rritjen e kredisë erdhi në segmentin e individëve, ku kredia e re rezultoi në rritje me më shumë se 39% krahasuar me vitin e kaluar. Megjithatë, këtë muaj edhe kredia për bizneset private iu kthye rritjes pozitive, me 5.3% kundrejt korrikut të vitit të kaluar.
Kreditimi i ekonomisë deri tani gjatë këtij viti është në nivele më të larta krahasuar me një vit më parë. Sipas Bankës së Shqipërisë, në shtatë muaj bankat kanë disbursuar rreth 133.6 miliardë lekë kredi, 11.1% më shumë krahasuar me të njëjtën periudhë të vitit të kaluar. Edhe për 7-mujorin, kontributi në rritje ka ardhur i gjithi nga individët, ku kredia e re është rritur me 58%, ndërsa për bizneset kredia e re paraqitet në rënie me 6.3%.
Megjithëse kredia e re është në rritje krahasuar me vitin e kaluar, ajo ende nuk ka arritur nivelet e periudhës së pandemisë. Kredia për individë po rritet me ritme të larta, e mbështetur sidomos nga kredia për blerjen e banesave. Por, te huadhënia për bizneset ndikimi i krizës duket ende i prekshëm, pavarësisht skemave të garancisë sovrane të qeverisë shqiptare (që ishin aktive deri në mesin e këtij viti) dhe lehtësimit të ofertës nga sektori bankar. Në tremujorin e dytë të këtij viti, bankat raportuan një lehtësim në standardet e kreditimit për bizneset, për herë të parë pas pesë tremujorësh në shtrëngim të vazhdueshëm.
Në fund të muajit qershor, portofoli total i kredisë për ekonominë arriti në 629.1 miliardë lekë. Krahasuar me të njëjtën periudhë të një viti më parë rritja e portofolit të kredisë ka arritur nivelin 6.5%, ndërsa në fund të qershorit rritja me bazë vjetore kishte qenë më e ngadaltë me 5.9%. Pavarësisht se kredia e re ende nuk ka arritur nivelet e para pandemisë, teprica e kredisë paraqitet në rritje të qëndrueshme. Kjo rritje po ndikohet nga pakësimi i fshirjes së kredive të humbura, ristrukturimet e aplikuara pas pandemisë, që sollën një amortizim më të ngadaltë të portofolit, por edhe nga ndryshimet në strukturën e kredisë sipas produkteve.
Në dy vitet e fundit, kredia e re po shkon sidomos për qëllime afatgjata investimi, kryesisht në pasuri të paluajtshme. Kjo e ka ndryshuar strukturën e portofolit në favor të kredisë më afatgjatë dhe që siguron rritje më të qëndrueshme./MONITOR
Iftar dhe politikë, a u prek Muaji i Ramazanit nga politikanët?
Sektori i ndërtimit është përfshirë në zhvillime të vrullshme pas pandemisë, si në numër lejesh, ashtu edhe në sipërfaqe. Volumet më të mëdha të punimeve janë t...
TIRANË– Vodafone Albania ka marrë masa të menjëhershme për t’iu përgjigjur situatës emergjente që u krijua nga dalja jashtë kontrollit e zjarreve në ...
TIRANË– Gazetari Klodian Tomorri ka bërë me dije se Shqipëria ka blerë sot energji elektrike me çmim deri në 160 euro për mega. Në një postim në rrj...
Për të gjitha rastet kur konstatohet ndërhyrje e paligjshme në matës për të cilin është shkaktuar dëm ekonomik Operatori i Sistemit të Shpërndarjes (OSSH) do të...
Shqipëria shpenzoi 13.3 miliardë lekë për mbrojtjen në vitin 2019, ose rreth 108 milionë euro, niveli më i lartë që nga viti 2007, kur Banka e Shqipërisë raport...
Fillimi i fazës së tretë të fiskalizimit pritet të shoqërohet me disa problematika te bizneset e vogla.Nga 1 shtatori faturimi i ri do të zbatohet nga 90 mijë b...
Koha e gjatë e kaluar para ekranit të smartphone-ve apo në mbledhjet virtuale në ZOOM kanë nxitur rritjen e kërkesës për ndërhyrje estetike. Pas pandemisë, riha...
Ekonomia qarkulluese ka nisur të zbatohet në vendin tonë që gjatë periudhës së komunizmit, thotë profesor Fatmir Mema. Ky model lindi nga nevoja dhe presioni që...
SHKODËR– Festivalit mbarëkombëtar të fëmijëve do t’i mungojë dirigjenti dhe drejtuesi plot pasion, fëmijëve miku i tyre më i mirë ndërsa Shkodrës i h...
Banka Europiane e Investimeve (BEI), Komisioni Europian (KE) dhe Ministria e Ekonomisë dhe Zhvillimit të Qëndrueshëm të Republikës së Kroacisë, mbajtën takim me...