Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Shqetësimi për prosesin zgjedhor në Universitetin e Tiranës tashmë ka shkuar dhe tek Presidenti. Një grup studentësh i kanë drejtuar sot një letër presidentit Ilir Meta dhe i kërkojnë që të mos dekretojë fituesin e zgjedhjeve. Kërkesën e tyre ata e mbështesin me faktin se privimi i pjesëmarrjes në procesin e votimit i më shumë se 3/5 të studentëve cenon nenin 39, pika 2 të Ligjit për Arsimin e Lartë, në të cilin cilësohet shprehimisht se: Në institucionet publike të arsimit të lartë, rektori zgjidhet nga anëtarët e asamblesë të personelit akademik të njësive kryesore dhe nga studentët.
Po ashtu ata shprehen se zgjedhjet nuk po zhvillohen në kushte normale dhe kandidatët nuk kanë prezantuar si duhet platformat e tyre dhe krijohent një proces formal dhe aspak të dobishëm, dhe kjo falë mungesës së kushteve minimale për konkurrim real dhe garë të drejtë e të ndershme. “Gjithashtu, ky proces krijon edhe një precedent të rrezikshëm për demokracinë dhe jetën universitare në vetvete“, shtojnë ata.
Pas marrjes së letrës nga studentët, të cilët i kanë shprehur atij shqetësimet për procesin zgjedhor, Meta ka vendosur që të zhvillojë dhe një takim me ta. Sipas informacioneve mësohet se Presidenti do të presë nesër në një takim një grup studentësh, të cilët mes të tjerave kanë dy kërkesa kryesore, që zgjedhjet e 30 korrikut në universitete të mos zhvillohen për shkak të pandemisë dhe që pesha e votës së tyre të rritet nga 10% që është aktualisht në 30%. Takimi është dakortësuar të zhvillohet në orën 10:30, ku Presidenti do njihet më nga afër me shqetësimet e studentëve.
LETRA E PLOTË E STUDENTËVE
Më datë 30 qershor 2020 ministrja e Arsimit, Sportit dhe Rinisë, sipas Urdhrit nr. 175 “Për zhvillimin e procesit zgjedhor për autoritetet dhe organet drejtuese në Institucionet publike të Arsimit të lartë”, urdhëroi “Fillimin e procesit zgjedhor për autoritetet dhe organet drejtuese në institucionet arsimore”. Ky urdhër vjen pas dy ndryshimesh në urdhrin nr.8, datë 14.01.2020 “PËR PROCESIN ZGJEDHOR PËR AUTORITETET DHE ORGANET DREJTUESE NË INSTITUCIONET PUBLIKE TË ARSIMIT TË LARTË”, të cilat e shtynin procesin në një moment të dytë, për shkak të pandemisë Covid-19. Sipas urdhrit të lartpërmendur, fushata zgjedhore fillon më datë 30 qershor 2020 dhe zgjedhjet mbahen më datë 30 korrik 2020, periudhë në të cilën iu garantohet e drejta fizike për të votuar vetëm studentëve të vitit të tretë Bachelor dhe studentëve të vitit të dytë Master, të cilët gjatë kësaj periudhe kthehen nëpër auditorë për të kryer provimet e sezonit të verës, sipas Urdhrit nr. 104, datë 30 prill 2020, të ministres së Arsimit, Sportit dhe Rinisë.
Privimi i pjesëmarrjes në procesin e votimit i më shumë se 3/5 të studentëve cenon nenin 39, pika 2 të Ligjit për Arsimin e Lartë, në të cilin cilësohet shprehimisht se: Në institucionet publike të arsimit të lartë, rektori zgjidhet nga anëtarët e asamblesë të personelit akademik të njësive kryesore dhe nga studentët. Sipas vlerësimit tonë, duke marrë parasysh rekomandimet e Organizatës Botërore të Shëndetësisë mbi shmangien e aktiviteteve që mund të ndikojnë në përhapjen e mëtejshme të Covid-19, masat e ndërmarra nga shteti shqiptar si dhe faktin që nuk ka pasur asnjë ndryshim në faktorët që e çuan ministren e Arsimit, Sportit dhe Rinisë të shtyjë dy herë datën e fillimit të periudhës zgjedhore, ky proces është i parealizueshëm dhe nuk e garanton të drejtën parësore të procesit, atë të votës. Në kushte të tilla, përfaqësuesit e zgjedhur prej një shumice të dalë nga pakica e votuesve nuk mund të jenë legjitimë dhe nuk mund ta përfaqësojnë shumicën reale, së cilës i mohohet e drejta e votës.
Së dyti, mungesa e një procesi të plotë – me procese llogaridhënieje nga drejtuesit aktualë të Institucioneve të Arsimit të lartë dhe me një prezantim real platformash dhe alternativash të propozuara nga kandidatët për organet drejtuese të institucioneve të Arsimit të lartë – krijon në vetvete vetëm një proces formal dhe aspak të dobishëm, dhe kjo falë mungesës së kushteve minimale për konkurrim real dhe garë të drejtë e të ndershme. Gjithashtu, ky proces krijon edhe një precedent të rrezikshëm për demokracinë dhe jetën universitare në vetvete. Së treti, në shumicën e proceseve zgjedhore të zhvilluara në Universitetet publike të Republikës së Shqipërisë janë hasur problematika procedurale dhe mungesa fizike e kohore për të zhvilluar një proces të drejtë zgjedhor, siç parashikohet në Rregulloret përkatëse të Institucioneve të Arsimit të lartë.
Ky nxitim i Ministrisë së Arsimit, Sportit dhe Rinisë për të zhvilluar zgjedhje në kushte të tilla – siç i kemi parashtruar më lart – ka thelluar edhe më tej konfliktin institucional mes Rektorit të Universitetit të Tiranës dhe Komisionit Institucional të Zgjedhjeve në Universitetin e Tiranës, duke krijuar përplasje dhe polemika rreth zhvillimit dhe integritetit që mbartin në vetvete këto zgjedhje.
Zoti President, Ne i cilësojmë këto zgjedhje si një hap shumë të rëndësishëm drejt implementimit dhe konsolidimit të demokracisë në jetën universitare, prandaj ato duhet të zhvillohen në përputhje të plotë me kuadrin ligjor në fuqi. Sipas nesh, çdo element i përmendur më sipër konsiderohet si një faktor me ndikim të drejtpërdrejtë në mungesën reale të pjesëmarrjes së studentëve dhe pedagogëve në procesin zgjedhor, duke cenuar kështu integritetin e vetë procesit. Për sa kemi parashtruar më sipër, ne kërkojmë mosdekretimin e përfaqësuesëve të dalë nga zgjedhjet e 30 korrikut 2020, të cilët zgjidhen në kushte të dyshimta ligjore dhe praktike. Duke shpresuar se do të keni parasysh interesin më të lartë të studentëve dhe të stafit pedagogjik të Institucioneve të Arsimit të lartë,
Studentët: Igli Llapaj; Anila Salianji; Sidorela Vatnikaj; Mirjan Aliaj; Teisa Kurti; Diana Mjeshtri; Erjon Spahiu; Nina Lushi; Marash Logu; Erimelda Hidri; Krelona Balliu; Fatjona Biba; Adelina Pjetërnikaj; Ares Tahiraga; Drilon Noka; Mikela Meta; Tedi Hibraj; Sindi Osmani; Nikoleta Mehmeti; Eranda Kuci; Elert Shaba; Juliana Dema; Jona Voci; Erlind Neci dhe Andërrjon Nazifi.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Janë 21 komisionerë të 4 partive në vend që janë provuar sipas Gjykatës së Posaçme kundër Krimit dhe Korrupsionit se kanë marrë pjesë në vot...
TIRANË– Kryeministri Edi Rama ka reaguar lidhur me arrestimin e 22 komisionerëve të përfshirë në të ashtuquajturën “Dosja 339”. Në reagimin e tij, Rama shk...
LEZHË– Kryebashkiaku i Lezhës, Pjerin Ndreu ka treguar se nuk është infektuar nga pandemia e koronavirusit. Ka qënë vetë Ndreu, ai që ka ndarë detaje...
TIRANË– ZBARDHEN përgjigjet që ekspertët e Këshillit Politik, i kanë dërguar përfaqësuesit të maxhorancës, Damian Gjiknuri. Me një shkrim zyrtar, Gji...
TIRANË– Sot në mëngjes, kryebashkiaku i Tiranës, Erion Veliaj ka ndarë me të gjithë lajmin e infektimit të tij nga pandemia e koronavirusit. Lajmi u shpërn...
TIRANË– Deputeti Ralf Gjoni është infektuar nga pandemia e koronavirusit. Lajmin e ka konfirmuar vetë ai me anë të një postimi në rrjetet sociale, ku edhe ...
TIRANË- Presidenti i Republikës Ilir Meta ka reaguar sërish në rrjetin social “Facebook” lidhur me ndryshimet në Kushtetutë. Në statusin e tij, Meta ka shp...
TIRANË- Zbardhet takimi i opozitës së bashkuar me ambasadorët, Yuri Kim, Luigi Soreca dhe Duncan Norman. Mësohet se në takim opozita e bashkuar ka shpjegu...
TIRANË- Eksperti i çështjeve zgjedhore Kristaq Kume, i cili ka qenë dhe kryetar i KQZ-së ka komentuar sot debatin për ndryshimet në Kushtetutë. Në n...
TIRANË- Delegacioni i BE në Tiranë ka komentuar tërheqjen e përkohshme të maxhorancës për nismën e amnistisë politike. Në një deklaratë për mediat, BE shkr...
