Atentat i mbetur në tentativë ndaj armikut të Aldo Bares në Lushnje! Tre persona qëllojnë me breshëri drejt makinës së Julian Sulos (PAMJE)

Julian Sula

LUSHNJE- Julian Sula, i njohur si “Juli i Pashakos”, 45 vjeç, u bë objekt i një atentati paraditen e së martës, më 25 nëntor, në Lushnje. Burime bëjnë me dije se Sula mbeti i plagosur në këmbë dhe është jashtë rrezikut për jetën. Ai është shoqëruar nga policia për të dhënë sqarime lidhur me ngjarjen.

Sipas informacioneve paraprake, autorët ende të paidentifikuar qëlluan me armë zjarri nga një automjet tip Nissan në lëvizje drejt makinës ku ndodhej Sula. Pak më vonë, automjeti i autorëve u gjet i djegur në afërsi të fshatit Lifaj dhe kishte targa greke.

Julian Sula nuk është një emër i panjohur për policinë. Ai ka precedent penal dhe ka qenë i përfshirë si i dyshuar në disa ngjarje kriminale të dhunshme në Lushnje, përfshirë atentate dhe sulme fizike, por nuk ka qenë i dënuar për ngjarjet ku dyshohej për përfshirje. Policia ka ngritur pika kontrolli dhe ka rrethuar zonën për të kryer hetimet e plota dhe për identifikimin e autorëve.

Julian Sula

LUSHNJE- Julian Sula, i njohur si “Juli i Pashakos”, është shënjestra e atentatit të sotëm në Lushnje. Blutë konfirmojnë se Sula, armiku i njohur i Aldo Bares, ka marrë një plumb në këmbë dhe ndodhet jashtë rrezikut për jetën.

Ngjarja ndodhi paraditen e kësaj të marte në afërsi të Spitalit të qytetit, ku tre persona të paidentifikuar qëlluan me armë drejt automjetit me të cilin udhëtonte Sula.

Policia ndërhyri menjëherë, duke futur në shtetrrethim të gjithë qytetin dhe duke rritur patrullimet në rrugët kryesore për të parandaluar ndonjë tentativë të dytë. Vetëm pak pas atentatit, automjeti i dyshuar i autorëve u gjet i djegur në fshatin Lifaj, ndërkohë që forcat e rendit po verifikojnë identitetin e personave brenda tij dhe origjinën e armëve të përdorura.

Sula nuk është një emër i panjohur për Policinë e Shtetit; ai ka qenë disa herë në qendër të hetimeve dhe arrestimeve, përfshirë rolin e tij si i dyshuar në masakrën e Lushnjës ku u vranë Jurgen Hoxha dhe Zamir Latifi, miq të Aldo Bares. Ai u dorëzua vetë në komisariatin e Lushnjes, por u lirua për mungesë provash.

Përveç këtij rasti, Sula ka qenë objekt i një tentative për ta vrarë më parë, duke pësuar dëmtime fizike të shumta, ndërkohë që autorët nuk janë identifikuar ende.

Policia ka ngritur pika kontrolli në dalje dhe hyrje të qytetit dhe po mbledh provat nga vendngjarja, përfshirë gëzhojat dhe mbetjet e automjetit të djegur, ndërsa hetimet për të zbuluar motivet dhe identitetin e autorëve vijojnë./ Dosja.al

Foto ilustruese

LUSHNJE- Policia e Lushnjës ka reaguar për atentatin që ndodhi paraditen e sotme ndaj Julian Sulos, i njohur si “Juli i Pashakos”. Njoftimi i bluve bën me dije se Sula, 45 vjeç, është plagosur në këmbë dhe ndodhet jashtë rrezikut për jetën.

Ngjarja ndodhi rreth orës 10:40, në afërsi të stadiumit të qytetit, ku persona të paidentifikuar qëlluan me armë zjarri ndaj tij. Policia ka ngritur pika kontrolli në hyrje-dalje të Lushnjës dhe po punon intensivisht për identifikimin dhe kapjen e autorëve.

Ndërkohë, në afërsi të fshatit Lifaj, forcat e rendit kanë konstatuar një automjet të djegur, i cili dyshohet se i përket personave përgjegjës për atentatin. Grupi hetimor, nën drejtimin e Prokurorisë, po vijon punën për zbardhjen e plotë të rrethanave dhe motivit të ngjarjes.

Njoftimi:

Lushnjë/Informacion paraprak

Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J. S., 45 vjeç, i cili ndodhet jashtë rrezikut për jetën.

Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.

Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve.

Grupi hetimor në drejtimin e Prokurorisë po punon për zbardhjen e plotë të rrethanave të ngjarjes.

LUSHNJE- Mëngjesin e sotëm, rreth kryqëzimit të spitalit të qytetit, janë regjistruar të shtëna me armë zjarri drejt një automjeti, ku dyshohet se po udhëtonte Julian Sula, i njohur si “Juli i Pashkos”. Policia, me anë të një njoftimi zyrtar bën me dije se Sula ka marrë një plumb në këmbë, por ndodhet jashtë rrezikut për jetën.

Pamjet

LUSHNJE- Pamjet e mëposhtme janë nga vendi ku ndodhi atentati mëngjesin e sotëm në Lushnje. Siç shihet dhe në videon e mëposhtme, në vendngjarje ka shkuar policia e cila ka rrethuar zonën. 

Ndërkohë që ende nuk dihet nëse ka persona të lënduar nga të shtënat. Makina e autorëve është gjetur disa minuta më vonë në fshatin Lifaj./Dosja.al

Automjeti i djegur në Lifaj

LUSHNJE- Janë regjistruar të shtëna me armë zjarri gjatë mëngjesit të sotëm në qytetin e Lushnjes. Ngjarja ka ndodhur pranë kthesës së spitalit, ku është qëlluar disa herë me armë drejt një automjeti në lëvizje.

Pas ngjarjes, në fshatin Lifaj është gjetur një makinë e djegur, ndërsa ende nuk dihen rrethanat e plota të incidentit. Policia ndodhet në vendngjarje dhe po kryen hetimet për zbardhjen e plotë të ngjarjes.

LUSHNJE- Detaje të reja kanë dalë nga ngjarja e regjistruar paraditen e sotme në Lushnjë, ku persona të paidentifikuar qëlluan me armë drejt një automjeti në lëvizje. Policia njofton se ende nuk ka informacion zyrtar nëse ka persona të plagosur.

Shërbimet e Policisë kanë rrethuar zonën dhe po kryejnë kontrolle të imtësishme në qytet për identifikimin dhe kapjen e autorëve. Ndërkohë, grupi hetimor po punon për zbardhjen e plotë të rrethanave dhe motivit të ngjarjes.

Pamje nga vendngjarja

LUSHNJE- Të shtëna me armë dyshohet se kanë ndodhur mëngjesin e sotëm në Lushnje. Bëhet me dije se të shtënat dyshohet se kanë ndodhur pranë kryqëzimit të spitalit, ku është qëlluar drejt një makine. 

Deri më tani nuk dihet nëse ka persona të lënduar apo jo. Ndërkohë që pritet që policia të shkojë në vendngjarje për të zbardhur rastin. /Dosja.al