Arrestohen dy shqiptarë në Kroaci/ Kapen me 11 kg heroinë në kufi, qeni zbulon drogën te marshat e 'Audi-t'

Qeni

KROACI- Pamjet e mëposhtme janë nga arrestimi i dy shqiptarëve me heorinë dje në Kroaci. Në videon e publikuar nga mediat kroate, shihet makina me të cilën u kapën dy shqiptarët, por gjithashtu edhe vendi se ku ishte fshehur droga. 

Duke përdorur profilizimin, oficerët e policisë kanë veçuar dy persona dhe një automjet në vijën e dytë të kontrollit kufitar. Një qen për zbulimin e drogës nisi kontrollin dhe reagoi pozitivisht ndaj kontrollit paraprak të pjesës së brendshme të mjetit. Në bazë të urdhrit të gjyqtarit hetues të Gjykatës së Qarkut në Dubrovnik, është kryer kontrolli i automjetit, ku në hapësirën e modifikuar nën ndërruesin e marsheve dhe mbështetësen e krahut janë gjetur 20 pako me gjithsej 11.035 kg heroinë.

Shoferi dhe pasagjeri u arrestuan dhe nga hetimi penal u konstatua se ata synonin të transportonin heroinë nga Shqipëria në tregun e Europës Perëndimore. Për shkak të dyshimit se kanë kryer veprën penale të prodhimit dhe trafikimit të paautorizuar të lëndëve narkotike, shtetasit e dyshuar shqiptarë, së bashku me kallëzim penal i janë dorëzuar mbikëqyrësit të mbajtjes në këtë departament policor.

Ky është konfiskimi i dytë i madh i drogës nga punonjësit e policisë së Stacionit të Policisë Kufitare Gruda në QKMPK Karasovića në muajin e fundit. Më 14 dhjetor të vitit të kaluar, punonjësit e policisë në bashkëpunim me doganierët gjetën 5.4 kg heroinë dhe 5.6 kg kokainë në një autobus me marka kombëtare shqiptare, destinacioni i të cilit ishte edhe tregu i Evropës Perëndimore.

Shqiptaret

KROACI- Fotot e dy shqiptarëve të arrestuar në Kroaci me drogë janë bërë publike nga mediat kroate. Sipas Jutarnji dje më datë 10 janar rreth orës 11:30 është afruar në kufi një mjet me marka kombëtare shqiptare, i drejtuar nga një 30-vjeçar, ndërsa pasagjeri ishte një 44-vjeçar, të dy shqiptarë. 

Kjo është kapja e dytë e madhe e drogës në Karasovići në një muaj. Më 14 dhjetor të vitit të kaluar, efektivët e policisë së bashku me doganierët gjetën 5.4 kg heroinë dhe 5.6 kg kokainë në një autobus me marka shqiptare, destinacioni i të cilit ishte edhe tregu i Evropës Perëndimore.

Droga dhe mjeti

KROACI- Dy shqiptarë janë arrestuar ditën e djeshme në pikën kufitare të Karasovići, Kroaci pasi po transportonin 11 kg heroinë. Sipas mediave kroate, dje më datë 10 janar rreth orës 11:30 është afruar në kufi një mjet me marka kombëtare shqiptare, i drejtuar nga një 30-vjeçar, ndërsa pasagjeri ishte një 44-vjeçar, të dy shtetas të Shqipërisë. Por emri i asnjë prej tyre nuk është bërë me dije nga mediat. 

Ishte qeni i drogës Hunt, i cili ka reaguar pozitivisht për praninë e drogës në pjesën qendrore të automjetit. Gjatë kontrollit u zbulua se droga ishte e gjetur në hapësirën e modifikuar nën ndërruesin e marsheve dhe mbështetësen e krahut. Menjëherë shoferi dhe pasagjeri u arrestuan dhe ndaj tyre ka nisur një hetim penal.

Edhe më 14 dhjetor të vitit të kaluar, efektivët e policisë me bashkëpunimin e doganierëve gjetën 5.4 kg heroinë dhe 5.6 kg kokainë në një autobus me marka kombëtare shqiptare, destinacioni i të cilit ishte edhe tregu i Evropës Perëndimore.