“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Vijon protesta e banorëve të Bërxullës. Sot, ata kanë dalë sërish të kundërshtojnë projektin e rrugës që u prek fshatin. • Përpara kamerave, banorët e Bërxullës u shprehën se ata kërkojnë që prona që do tu merret, duhet që tu njihet dhe tu jepet dëmshpërblimi përkatës. Por, ata shprehen se kjo gjë nuk do të ndodhë pasi shteti kërkon që të kursejë duke ua marrë tokat falas. • Një nga pronarët e tokave tha se shteti mund tu japë edhe një tjetër zgjidhje, duke i bërë aksioner në projekt. Ata shprehen se nëse projekti finalizohet, nuk do të marrin pjesë në zgjedhjet lokale të 14 majit. Paralajmëruan bllokimin e rrugës.
3 artikuj për këtë temë.
TIRANË- Banorët e Bërxullës kanë dalë në protestë ditën e sotme për të kundërshtuar projektin Thumanë-Kashar. Gjatë fjalës së tyre për mediat, banorët kanë deklaruar se bashkia e qeveria ka tentuar që të ndalë protestat e tyre, për shkak të fushatës elektorale. Po ashtu banorët theksuan se i kanë paralajmëruar me arrestime, nëse ata vazhdojnë protestën.
"Nuk kanë marrë asnjë lloj mase, tani që është fushatë nuk na lejojnë të protestojnë. Pse nuk vijnë tek ne, ku do shkojmë të strehohemi. Çfarë ligji nxjerr kryeministri bashkë me Belindën që krenohej në Klos, është burrë thoshte kjo. Pse ne çfarë jemi që nuk vijnë të flasin. Jemi popull i pambrojtur, vetë i flasin vetë i vulosin. Këta janë maskarenjtë më të keqin që ka njohur vendi për 30 vjet. Nuk kemi marrë mbështetje nga asnjë, ajo e bujqësisë nuk vjen të shohë parcelat. Nuk do t’ja dijë shteti, as ministria as infrastruktura. Kur të vijë te shpia ime, unë e vdekur të jem nuk dal. Ne nuk dorëzohemi, pse nuk vijnë të bëjnë fushatë te ne të shohin masakrën. Pse ne për qejf dalim këtu, do dal dhe unë të luaj valle si ato plakat. Vijnë për fushatë të marrin vota. Na kanë paralajmëruar se do na arrestojnë, ku do ti kërkojmë të drejtat tona ne. Ai thotë përpara por nuk ka asnjë lloj direktive, ne nuk kemi vjedhur i kemi të gjitha me djersë. Është turpi më i madh që shtyp e shfrytëzon invalidët, çfarë më ka mbetur të hidhem para makinave. Le të më çojnë pastaj te kuvendi popullor”, tha ajo.
Ndërkohë që një tjetër banor ka deklaruar se ëhstë i mallkuar çdo njeri që i jep votën Erion Veliajt.
“Mallkuar qoftë kush ja jep votën atij krimineli. Protesta do vazhdojë deri sa hallet tona të marrin zgjidhje, nuk kemi pasur asnjë lloj negociate deri më tani. Më vjen keq pasi e drejta jonë për të protestuar është legjitime, janë mbledhur mbi 50 forca për të bllokuar tubimin tonë”, tha një tjetër banor.
TIRANË- Banorët e Bërxullës kanë dalë ditën e sotme në protestë për të kundërshtuar projektin Thumanë-Kashar. Qytetarët kanë deklaruar se nuk do të marrin pjesë në zgjedhjet e 14 majit, ndërkohë që ka shtuar se institucionet u kanë mbyllur dyert. Ata kanë deklaruar se shteti ka 8 muaj që nuk u jep zgjidhje problemit të tyre.
“Jemi ankuar në të gjitha institucionet, nga kryeministria në institucionet më pas dhe në ambasada. Vetëm në Hipotekë kemi diskutuar me drejtorin. Ne kemi kërkuar shpronësimin e pronës me vlerë tregu apo me marrëveshje. Avokati i Popullit është një nga institucionet që nuk e ka vendosur ujin në zjarr. I vetmi institucion që nuk ka dhënë përgjigje. Projekt rruge nuk ka as sot e kësaj dite. Që ditët e para kemi kontaktuar me avokatë dhe para dy ditësh, nga një vendim i gjykatës së Apelit toka duhet të shpronësohet me vlerën e tregut. Fshati duhet të bojkotojë zgjedhjet. Shteti ka 8 muaj që hesht dhe nuk na jep zgjidhje, atëherë dhe ne nuk duhet të marrim pjesë në votime sepse shteti nuk na njeh. Unë e kam takuar kandidatin e opozitës si dhe kryebashkiakun aktual të zonës, por këtu nuk është pyetur bashkia por ka hyrë ministria e infrastrukturës vetë. Kontrata e parë ka qenë me privat dhe e dyta me koncesionarin," thanë banorët.
TIRANË- Banorët e Bërxullës kanë dalë sërish në protestë sot duke kundërshtuar projektin Thumanë-Kashar. Për mediat, banorët kanë deklaruar se ky projekt e ka nxjerr fshatin e tyre jashtë funksionit apo nuk ka as nënkalim dhe as mbikalim për të shkuar në banesat e tyre. Banorët gjithashtu kanë shtuar se nuk dinë se ku të shkojnë për të marrë zgjidhje.
"Rruga e nxjerr fshatin jashtë funksionit. Duhet të bëjmë 10-15 km për të ardhur në banesat tona. Të jesh mirë e bukur në shtëpinë tënde në rrugë që janë prej kohës, ekzistuese. Sot i shkatërrojnë pa dhënë asnjë lloj zgjidhje për fshatin si do të jetë e aksesueshme edhe brenda fshatit. Nuk ka as nënkalime, as mbikalime dhe as rrugë dytësore. Ty të bën që me këtë projekt të fluturosh në hënë. Sot nuk dimë ku të shkojmë. Nuk na japin asnjë lloj zgjidhje. Thonë këtë situatë po e studiojmë dhe po e shohim edhe njëherë në studiot tona si do zhvillohet. Këtu bëhet një maskaradë në këtë njësi administrative. Ata që janë ngarkuar për t’i dhënë zgjidhje, nuk i dalin llogaritë. Distanca 100 metra me ne, është rruga e aeroportit”, thanë banorët.
