Rasti i dytë brenda 24 orëve! Vdes nëna 30 vjeçe në Tiranë, u kthye në spital 4 ditë pasi lindi, familja akuzon mjekun: I bëri gjilpërë të fortë

Spitali

TIRANË- Mimoza Veizaj, është 30-vjeçarja e cila ndërroi jetë 4 ditë pasi solli në jetë fëmijën e saj. E reja, solli në jetë foshnjen e saj më 28 Janar në spitalin 'Koço Gliozheni' në Tiranë. Pak ditë pas lindjes, Veizaj, shkoi në banesë, aty ku shfaqi probleme shëndetësore e më pas humbi jetën.

Stafi i spitalit deklaroi për mediat se 30-vjeçarja nuk tregoi asnjë shqetësim shëndetësor më parë, mirëpo kur u paraqit në spital kishte dobësi trupore dhe mjekët e kanë vendosur menjëherë në terapi intesive.

Paraprakisht shkaku i vdekjes së saj mendohet se ka ardhur për shkak të një arresti kardiak dhe tromboemboli pulmonare. 30-vjeçarja lindi beben ditën e shtunë pasi u paraqit në spital me dhimbjet e lindjes. Kjo është ngjarja e dytë brenda 24 orëve ku një grua humb jetën. Dje në Elbasan, Etleva Çullhaj vdiq disa orë pasi abortoi foshnjen që kishte në bark, ndërsa ishte nënë edhe e dy fëmijëve të tjerë./Dosja.al

Foto ilustruese

TIRANE- Familjarët e 30-vjeçares me inicialet M.V e kanë patur të vështirë të pranojnë lajmin se e afërmja e tyre 4 ditë pasi solli në jetë një fëmijë, ka vdekur. Panorama raporton se vëllai i saj ka shkuar i tensionuar në ambientet e maternitetit "Koço Gliozheni" dhe ka thyer një nga xhamat e godinës.

Gjithashtu mësohet se paraprakisht shkaku i vdekjes së saj mendohet se ka ardhur për shkak të një arresti kardiak dhe tromboemboli pulmonare. 30-vjeçarja lindi beben ditën e shtunë pasi u paraqit në spital me dhimbjet e lindjes. 

Kjo është ngjarja e dytë brenda 24 orëve ku një grua humb jetën. Dje në Elbasan, Etleva Çullhaj vdiq disa orë pasi abortoi foshnjen që kishte në bark, ndërsa ishte nënë edhe e dy fëmijëve të tjerë./Dosja.al

Foto ilustruese

TIRANE- Disa orë pasi 30-vjeçarja M.V ndërroi jetë në ambientet e spitalit "Koço Gliozheni" 4 ditë pasi solli në jetën foshnjen e saj, familjarët e nënës hedhin akuza te stafi mjekësor. Jashtë kamerave, halla e 30-vjeçares u shpreh se e reja kishte patur dhimbje të forta që i ka ndjerë pasi i ka dalë gjilpëra që ka bërë pas lindjes. 

“Nuk ju është bërë shërbim. Ka shkuar në spital në 3 të natës dhe ka lindur në 3 pasdite. Nuk ka pasur asnjë shqetësim më përpara. Ka pasur dhimbje brinjësh dhe këmbësh. Faji është i doktorit, i ka bërë gjilpërë shumë. Ta fusnin në sallë te operimit nëse nuk kanë pasur mundësi me bërë lindje. Mjekët duan lekë. Kishte dhimbje këmbësh na tha se po më del efekti i gjilpërës. Dhe kishte dhimbje të forta, njërën këmbë nuk e ndiente”, tha ajo jashtë kamerave, sipas Panorama Tv.

Kjo është ngjarja e dytë brenda 24 orëve ku një grua humb jetën. Dje në Elbasan, Etleva çullhaj vdiq disa orë pasi abortoi foshnjen që kishte në bark, ndërsa ishte nënë edhe e dy fëmijëve të tjerë./Dosja.al

Foto ilustruese

TIRANE- Stafi i spitalit "Koço Gliozheni" deklaron se 30-vjeçarja që ndërroi jetë disa ditë pas lindjes së foshnjes, nuk ka deklaruar asnjë shqetësim shëndetësor. Në një reagim për mediat, spitali sqaron se gruaja lindi më 28 janar një foshnje të shëndetshme, dhe ka dalë pas 2 ditësh nga spitali, pa asnjë shqetësim shëndetësor. Spitali deklaron se më vonë, nëna e re është paraqitur në spital me dobësi trupore dhe menjëherë ka hyrë në terapi intesive.

Reagimi i plotë:

SUOGJ “Koco Gliozheni” i shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës. 30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese. Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar.

Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komfom të gjitha protokolleve mjekësore. Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë. Priten rezultatet e Mjekësisë Ligjore për të mësuar shkakun e humbjes së jetës së pacientes.

Kjo është ngjarja e dytë brenda 24 orëve ku një grua humb jetën. Dje në Elbasan, Etleva çullhaj vdiq disa orë pasi abortoi foshnjen që kishte në bark, ndërsa ishte nënë edhe e dy fëmijëve të tjerë./Dosja.al

Foto ilustruese

TIRANE- Një 30-vjeçare me inicialet M.V ka ndërruar jetë 4 ditë pasi ka sjellë në jetë foshnjen e saj. E reja, identiteti i të cilës ende nuk dihet, ka lindur një fëmijë rreth 5 kilogram me lindje natyrale dhe pas 48 orëve qëndrimi në spital ka shkuar në shtëpinë e saj. Por ajo ka shfaqur probleme një ditë pasi ka shkuar në shtëpi.

Dje pasdite, vajza ka shkuar me shenja debulese në maternitet. Ajo është futur menjëherë në reanimacion dhe sot ka vdekur në orët e para të mëngjesit. Burime konfirmojnë se vajza nuk ka patur probleme në lindje apo hemoragji. Ngjarja është duke u hetuar dhe pritet ekspertiza mjekoligjore për të zbuluar shkakun e vdekjes.

Kjo është ngjarja e dytë brenda 24 orëve ku një grua humb jetën. Dje në Elbasan, Etleva çullhaj vdiq disa orë pasi abortoi foshnjen që kishte në bark, ndërsa ishte nënë edhe e dy fëmijëve të tjerë./Dosja.al