Nis sot censi i Popullsisë dhe Banesave! Gjobë kush s'përgjigjet, 7500 persona në terren, rezultatet në Qershor 2024

foto ilustruese

TIRANË-Ditën e sotme ka nisur Censi i Popullisë dhe Banesave. Porcesi i regjistrimit të popullisë do të zgjasë për gjashtë javë rresht. Drejtoresha e INSTAT, Elsa Dhuli tha në një deklaratë për mediat se procesi kishte nisur dhe se 7500 persona do të jenë në terren.

Dhuli u shpreh se intervistat e para kanë nisur pa probleme. Dhuli tha se intervistat do të vazhdojnë edhe pasdite, për të mundësuar kontaktimin me qytetarët të cilët gjatë paradites, kanë qenë të angazhuar me punë. 

"Ky është një proces statistikor me përmasa të mëdha të një rëndësie të veçantë për vendin.Deri tani referuar sistemit të monitorimit si dhe nga përfaqësuesit e INSTAT në terren, procesi po shkon mirë. Janë regjitruar në aplikacion pjesa më e madhe e anketuesve, janë në proces intervistimi rreth 1500 intervista prej të cilave janë përfunduar rreth 800 pyetësorë. Procesi është dinamik dhe po shkon sipas pritshmërive. Intervistat do të vazhdojnë edhe pasdite, për të mundësuar kontaktimin me qytetarët të cilët gjatë paradites, kanë qenë të angazhuar me punë. Theksojmë se ky aktivitet do të zgjasë 6 javë. INSTAT do të japë vazhdimisht informacion mbi ecurinë e aktivitetit. Të dhënat e mbledhura do të përnohen për nxjerrjen e statistikave zyrtare, të rëndësishme për hartimin e politikave dhe vendimmarrje në nivel qendror dhe lokal, lehtësimin për planifikimin në ndërtimin e kopshteve, shkollave, spitaleve, parqeve, rrugeve e të tjera. Lehtësimin në vendimmarrje nga komuniteti i biznesit, konceptimin dhe krijimin e regjistrave statistikorë të popullsisë rezidente dhe ndërtesave dhe banesave. Ftojmë qytatrët të bashkëpunojnë me anketuesit në terren, pasi Censi është një e mirë publike në interes të çdo qytetari.",tha drejtoresha e INSTAT

Për ata qytetarë që nuk do t’u përgjigjen pyetjeve apo të japin përgjigje të rreme ka penalitete që nis nga 50 mijë lekë gjobë. Të dhënat e para publikohen në qershor 2024. I gjithë procesi i Censit do të kryhet në mënyrë dixhitale përmes një tableti. Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera. Pyetësori përmban 100 pyetje.

Anstas Janullatos

TIRANË- Ditën e sotme do të nisë Censi i Popullsisë dhe Banesave. Në nisje të regjistrimit të popullsisë, Kisha Ortodokse e Shqipërisë u ka bërë thirrje besimtarëve ortodoksë që t’u përgjigjen pyetjeve të Censit në lidhje me besimin fetar. Në një postim në Facebook, Kisha Ortodokse iu ka bërë apel besimtarëve që të tregohet vëmendje dhe përgjegjshmëri për të plotësuar përkatësinë fetare.

NJOFTIMI I PLOTË I KISHËS ORTODOKSE:

Nga dita e hënë, datë 18 shtator 2023, dhe në 6 javët në vazhdim, në të gjithë vendin do të kryhet Regjistrimi/Censi i Popullsisë dhe Banesave. Në këtë proces të rëndësishëm do të regjistrohen edhe të dhënat e përkatësisë së besimit fetar. Meqë kjo pjesë e Censit është lënë vetëm fakultative, tregoni vëmendje dhe përgjegjshmëri, duke kërkuar shënimin e identitetit tuaj fetar: “i/e krishterë Ortodoks”. Kontrolloni dhe sigurohuni që përgjigjja e pyetjes në lidhje me përkatësinë fetare, që e plotëson anketuesi, të jetë hedhur saktë në tabletin (aparatin elektronik) me të cilin regjistron, sipas asaj që ju keni deklaruar.

Thirrja për besimtarët që të tregojnë besimin e tyre u bë dhe nga kryepeshkopi i Kishës Ortodokse, Anastas Janullatos, gjatë meshës së të dielës. “Le të marrim pjesë në Census duke pohuar me vendosmëri besimin tonë Orthodoks” –deklaroi kryepeshkopi Janullatos.

Edhe Komuniteti Mysliman Shqiptar dhe Kisha Katolike gjithashtu kanë bërë apel që të deklarohet përkatësia fetare.

Mbi 7 mijë e 500 anketues, mbikëqyrës dhe kontrollorë do jenë në terren, ndërsa të dhënat do të mblidhen në 6 javë. Për ata qytetarë që nuk do t’u përgjigjen pyetjeve apo të japin përgjigje të rreme ka penalitete që nis nga 50 mijë lekë gjobë. Të dhënat e para publikohen në qershor 2024. I gjithë procesi i Censit do të kryhet në mënyrë dixhitale përmes një tableti. Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera. Pyetësorët përmban 100 pyetje.

TIRANË- Ditën e sotme, nis Censi i Popullsisë dhe Banesave. Presidenti i Konferencës Ipeshkvore të Shqipërisë Imzot Angelo Massafra i është drejtuar me një mesazh besimtarëve katolikë në prag të nisjes së regjistrimit të popullsisë.

“Ne ju inkurajojmë që ta kryeni detyrën tuaj si qytetarë të vendit ndaj Institucioneve duke iu përgjigjur pyetësorit. Gjithashtu, duam të tërheqim vëmendjen tuaj ndaj pyetjeve rreth besimit fetar dhe fesë, të cilat mbajnë përkatësisht nr. 168 dhe nr. 169 të pyetësorit brenda Modulit I me titull Informacion individual.

Detyrimi i përgjithshëm për t’u përgjigjur rreth atyre pyetjeve ka edhe opsionin: “Unë preferoj të mos përgjigjem”, pasi është një e drejtë e secilit. Ne si ipeshkvij jemi të bindur se një besimtar njihet nga frytet e jetës së tij dhe jo vetëm nga një pohim rreth përkatësisë së tij fetare. Megjithatë, pa dashur të cenojmë aspak lirinë e askujt, ne i ftojmë ngrohtësisht besimtarët katolikë, të cilët janë të bindur vërtetë se i përkasin këtij besimi dhe duan t’ju përgjigjen pyetjeve që:

Për pyetjen 168 (Moduli I – Informacion individual) ku shkruhet:

A praktikon ose i përket një feje ose një besimi të caktuar? Të shënoni “Po”.

Për pyetjen 169 (Moduli I – Informacion individual) ku shkruhet: Cila është feja që ndjek ose i përket? Të shënoni “I krishterë – katolik”, thuhet në mesazhin e përcjellë nga kisha katolike.

Edhe Komuniteti Mysliman shqiptar dhe Kisha Ortodokse po ashtu kanë bërë apel që të deklarohet përkatësia fetare.

Mbi 7 mijë e 500 anketues, mbikëqyrës dhe kontrollorë do jenë në terren, ndërsa të dhënat do të mblidhen në 6 javë. Për ata qytetarë që nuk do t’u përgjigjen pyetjeve apo të japin përgjigje të rreme ka penalitete që nis nga 50 mijë lekë gjobë. Të dhënat e para publikohen në qershor 2024. I gjithë procesi i Censit do të kryhet në mënyrë dixhitale përmes një tableti. Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera. Pyetësorët përmban 100 pyetje./Dosja.al

Foto ilustruese

TIRANË- Ditën e sotme do të nisë Censi i Popullsisë dhe Banesave. Mbi 7 mijë e 500 anketues, mbikëqyrës dhe kontrollorë të trajnuar nga Instituti i Statistikave janë angazhuar për numërimin e të gjithë popullsisë dhe banesave dhe të dhënat do të mblidhen në 6 javë.

I gjithë procesi i Censit do të kryhet në mënyrë dixhitale përmes një tableti. Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera. Pyetësorët janë me tetë module dhe 100 pyetje.

Në modulin për individ do të përfshihet një informacion të gjerë për statusin civil, arsimin, punësimin e të tjera. Po ashtu, do të ketë modul për shtëpitë, sektorin e bujqësisë dhe sektorë të tjerë.

Penaliteti nis nga 50 mijë lekë gjobë.

Procesi i marrjes së të dhënave në terren do të zgjasë gjashtë javë dhe mbyllet me 28 tetor. Më pas do të publikohen të dhënat e para në qershor 2024, ndërsa më të detajuara në dhjetor 2024./Dosja.al