6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kryeministri Edi Rama ka bërë daljen e parë pasi u operua dhe hoqi apandesitin. Këtë mbrëmje ai shtroi iftar në kuadër të muajit të Ramazanit, por nuk u ngrit të mbante një fjalim. • Këtë pozicion sonte e kishte gruaja e tij, Linda Rama, e cila tha madje se operacioni u kishte kursyer të pranishmëve dhe një fjalim të gjatë që në kushte e rrethana të tjera do të mbante kryeministri. • Ajo falenderoi mjekët për përkushtimin dhe veçoi njërën prej tyre që i kishte dhënë një jastëk për të mbështetur kokën gjatë natës. • Vetë Rama qëndroi i ulur gjatë gjithë darkës. Ai kishte zgjedhur të kishte ambasadorët në tryezë dhe sigurisht, bashkëshorten e tij.
3 artikuj për këtë temë.
TIRANË- Kryeministri Edi Rama ka shtruar një iftar për muajin e Ramazanit dhe vetë ka zgjedhur të ulet me disa prej të ftuarve në tavolinën që qëndron në qendër të vendit ku është organizuar darka. Pranë kreut të qeverisë qëndron bashkëshortja e tij, Linda Rama dhe ambasadorja e Shteteve të Bashkuara të Amerikës në Tiranë, Yuri Kim.
Në tryezë, duket se kreu i qeverisë ka zgjedhur të ketë të dërguar nga jashtë, pasi me të është ulur edhe një tjetër ambasadore, ajo e Bashkimit Evropian, Christiane Hohmann. Por, ajo që vihet re është se pjatat e tyre ishin bosh, ndërkohë që të tjerët kishin nisur të konsumonin ushqimin.
Kjo është darka e parë që Rama shtron pas daljes nga spitali, dy ditë pasi u operua dhe hoqi apandesitin.
TIRANË- Bashkëshortja e kryeministrit Edi Rama, Linda Rama ka treguar një episod të ndodhur në spital, gjatë kohës që ndodhej i shtruar kreu i qeverisë pasi u operua dhe hoqi apandesitin. Ajo tregoi se një nga mjeket i kishte ofruar një jastëk që të mbështeste kokën. Në mëngjes kishte vënë re se ishte jastëku i një fëmije, me një rosak të qendisur që pjesëtarja e bluzave të bardha e merrte me vete për të ndjerë të bijën sa më pranë, kur ishte në punë natën.
"Aida, Elda, Anxhela, Solina, Delina, Eda ishin vajza që kujdeseshin me pacientët me buzëqeshjen inkurajuese gjatë orëve të vona të natës. Kur isha e ulur në karrige, njëra prej tyre mu afrua dhe më pyeti më zë të ulët 't'ju sjell një jastëk?'. Më dha një jastëk të vogël. Kur u zbardh pashë që ishte një jastëk bebesh, me një rosak të qendisur. I kujt është ky jastëk që më lehtësoi natën mua, e pyeta. E vajzës time, tha, e mbaj me vete kur jam natën në punë. Si quhet vajza, i thashë. Ajlina tha, dhe i qeshën sytë. Ajlina me emrin e vjetër musliman kishte qëndruar me mua si dritë e hënës dhe dhuratë e Zotit në një natë të vështirë,"- tha Rama.
TIRANË- Linda Rama, gruaja e kreministrit Edi Rama ka mbajtur një përshëndetje të shkurtër para nisjes së darkës që shtroi këtë mbrëmje kreu i qeverisë në kuadër të muajit të Shenjtë të Ramazanit. Duke qenë se Rama sapo ka dalë nga spitali pas operacionit që ka kryer, ishte Linda Rama ajo që mbajti fjalimin. Me zë të prekur, ajo tha se operacioni e kishte një të mirë, pasi u kurseu qytetarëve një fjalim të gjatë që do të mbante kryeministri.
"Të dashur miq dhe të ftuar, e vërtetë që jo çdo e keqe vjen vetëm për keq. Apandesiti i Ramës nuk doli dhe aq për keq sepse tani nuk do të dëgjoni një fjalim të gjatë prej tij, por një të shkurtër prej meje. Ju uroj mirëseardhjen në këtë sofër tradicionale iftari në të cilën muslimanë, të krishterë, besimtarë ose jo, ndajnë bukën mes tyre,"- tha Linda Rama.
