“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Petraq Milo dhe familja e tij janë dhunuar nga Policia malazeze në doganën e Murriqanit. • Pamjet e dhunës janë bërë virale në rrjetet sociale. • Ish-këshilltari i ish-presidentit Ilir Meta është nxjerrë zvarrë nga makina dhe më pas është përplasur pas një tjetre. • Po ashtu, të njëjtin "fat" ka pasur edhe i biri. • Teksa pjesëtarët e familjes tërhiqen zvarrë, ndërsa një grua e dhunuar barbarisht, ka humbur ndjenjat brenda makinës. • Personi që i ka dhunuar është identifikuar si doganieri Nikola Boljeviç. • Deri më tani ka reaguar vetëm Partia Demokratike, por asnjë institucion tjetër shtetëror.
4 artikuj për këtë temë.
TIRANË- Ditën e sotme në rrjetet sociale qarkulluan pamjet e dhunës që u ushtrua nga Petraq Milo, ish-këshilltar i presidentit të Shqipërisë dhe kandidat për kreun e Kontrollit të Lartë të Shtetit dhe ndaj djalit të tij. Por tashmë është zbuluar edhe identiteti i doganierit që ka dhunuar këtë familje. Mësohet se ai është Nikola Boljevic dhe gjithmonë ka pasur konflikte me shqiptarët.
“Ka pasur gjithmonë probleme me shqiptarët. Merr nga 10 euro, ndonjë redbull, puntorëve sezonalë sidomos nga Shkodra qe te kalojnë pa probleme,”-shkruan një qytetar per JOQ.
Ndërkohë që deri më tani ende nuk ka asnjë reagim nga institucionet shqiptare lidhur me rastin e rëndë të dhunës ndaj familjes shqiptarë në doganën e Murriqanit.
TIRANË- Ditën e sotme në rrjetet sociale qarkulluan pamjet e dhunës së ushtruar ndaj Petraq Milos në doganën e Muriqanit. Ditën e sotme, një familje shqiptare është dhunuar nga policia malazeze vetëm se nuk priti në radhë me makinë. Siç shihet edhe nga pamjet e publikuara nga JOQ, pjesëtarët e familjes tërhiqen zvarrë, ndërsa një grua e dhunuar barbarisht, ka humbur ndjenjat brenda makinës.
Qyetarët e tjerë shqiptarë janë përpjekur që t’i vijnë, duke i ofruar ujë, por duket se për momentin ka qenë në gjendje shumë të rëndë. Ndërkohë që asaj i kishte rënë të fikët në mjet, bashkëshorti dhe i biri i saj u dhunuan barbarisht nga një efektiv i Policisë malazeze.
TIRANË- Partia Demokratike ka reaguar kundër dhunës së ushtruar ndaj Petraq Milos, ish-këshilltari i ish-kreut të shtetit, Ilir Meta. Pas publikimit të pamjeve ku ai dhunohet nga forcat malazeze në doganën e Murriqanit, Partia Demokratike kërkon reagim edhe nga autoritet shqiptare. Ndërsa autoritetet e Malit të Zi duhet që të hetojnë rastin në fjalë.
"Të papranueshme dhe tejet të rënda janë këto pamje që u bënë publike nga media. Dhuna ndaj qytetarëve që lëvizin në kufirin mes Shqipërisë dhe Malit të Zi përmes pikës së kalimit kufitar të Muriqanit, është një akt skandaloz i elementëve që nuk i bëjnë nder asnjë trupe policie në asnjë vend të botës. I bëj th-irrje autoriteteve shqiptare që të kërkojnë me forcë zbardhjen e ngjarjes dhe dënimin e këtyre akteve. Autoritetet e shtetit të Malit të Zi duhet ta hetojnë rastin në fjalë dhe t’i japin dënimin e merituar veprimeve të tilla që nuk i shërbejnë aspak raporteve miqësore mes dy vendeve tona dhe punës se madhe që është bërë deri në funksionimin me një doganë të përbashkët. Sot mbi gjithçka prevalon ligji dhe aktet e dhunës ndaj qytetarëve janë të papranueshme, aq më tepër nga uniforma e shtetit!,"-shkruhet në reagimin e bërë nga selia blu.
Siç duket edhe nga pamjet e siguruara nga JOQ, Petraq Milo është tërhequr zvarrë nga makina, me pretendimin se nuk kishte respektuar radhën. Fillimisht nxirret Milo nga makina, e më pas mbështetet dhe përplaset pas një makine tjetër. Ndërsa radhën pas tij, e ka i biri, i cili gjithashtu përballet me dhunën e efektivëve malazezë në kufi. E gjithë skena lë të shokuar të gjithë personat e tjerë që po kalonin kufirin, të cilët gjithë kohës u kërkojnë efektivëve që të ndalojnë.
TIRANË- Një ngjarje e rëndë dhunë është filmuar në kufirin mes Shqipërisë dhe Malit të Zi. Petraq Milo, ish-këshilltar i presidentit të Shqipërisë dhe kandidat për kreun e Kontrollit të Lartë të Shtetit, është dhunuar bashkë me familjen nga policët malazezë. Siç duket edhe nga pamjet e mëposhtme të siguruara nga JOQ, Milo është tërhequr zvarrë nga makina, me pretendimin se nuk kishte respektuar radhën.
Fillimisht nxirret Milo nga makina, e më pas mbështetet dhe përplaset pas një makine tjetër. Ndërsa radhën pas tij, e ka i biri, i cili gjithashtu përballet me dhunën e efektivëve malazezë në kufi. E gjithë skena lë të shokuar të gjithë personat e tjerë që po kalonin kufirin, të cilët gjithë kohës u kërkojnë efektivëve që të ndalojnë.
"Ua e shtriu. Ça po bëni more? Çfarë po bën more zotëri?,"-dëgjohet ndër të tjera në video.
JOQ ALBANIA zbuloi gjithashtu edhe policin që ka dhunuar këtë familje, teksa pretendojnë se efektivi në fjalë është Nikola Boljevic dhe gjithmonë ka pasur konflikte me shqiptarët. Ndërkohë, pavarësisht se pamjet janë bërë virale në rrjet, ende nuk ka asnjë reagim nga institucionet shqiptare, përveç kërkesës së llogarisë nga Partia Demokratike. E po ashtu, as nga ana e Policisë malazeze nuk ka asnjë shpjegim për dhunën e përdorur.
Kush është Petraq Milo?
Petraq Milo është Profesor Doktor i shkencave ekonomike, nga viti 2013 e në vazhdim eshte lektor i financave publike në Fakultetin Ekonomik të Universitetit të Tiranes. Nga viti 2005 deri ne vitin 2013 ka mbajtur pozicionin e këshilltarit të Kryeministrit të Republikës së Shqipërisë për financat publike dhe politikat monetare. Petraq Milo është zgjedhur anëtar i Këshillit Mbikëqyrës të Bankës së Shqipërisë në nëntor të vitit 2011 deri ne vitin 2018. Nga viti 2019 deri ne vitin 2022 ka mbajtur pozicionin e këshilltarit ekonomik të Presidentit të Republikës së Shqipërisë, Ilir Meta.
