Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Dita e 48-të e protestës/ Qytetarët mblidhen në sheshin “Skënderbej”, kërkojnë dorëheqj...
"Qeveria duhet të injektojë paratë që ka përituar nga rënia e euros"/ Rama i kthehet biznesmenit: Në Shqip&eu...
EMRAT/ Plagosja me thikë në Shkodër, në pranga edhe vëllai i të plagosurit që tentoi hakmarrjen 16 K...
• Qytetarët kanë nisur grumbullimin në sheshin “Skënderbej” dhe më pas të vijojnë marshimin drejt Kryeministrisë, ku dhe do të zhvillojnë fjalimet e tyre. • Ata finalizojnë sot ditën e 48-të e protestës, ndërsa kanë bërë thirrje për dorëheqjen e kryeministrit Edi Rama. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Gjatë marshimit të djeshëm, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi".
8 artikuj për këtë temë.
TIRANË- Një emigrant i ardhur nga Kanadaja i është bashkuar protestës së ditës së sotme. Gjatë fjalës së tij në podiumin e vendosur para Kryeministrisë, ai u shpreh se kryeministri Rama do të largohet nga pushteti me turp.
Emigranti deklaroi se qytetarët gëzojnë mbështetjen e plotë të diasporës. Kjo ndërsa shtoi se emigrantët nuk e shohin dot Shqipërinë që vuan, për shkak të udhëheqjes politike të saj.
“Kemi ardhur nga Kanadaja bashkë me gruan. Nuk e shohim dot Shqipërinë që vuan për shkak të këtij krimineli këtu pas meje. Ai po shet tokat tona, sikur ia ka lënë babai. Diaspora në Kanada është e gjitha me ju. Dua të falënderoj Nador Bakallin, që drejton diasporën në Kanada. Dua të bëj një falënderim për zotin osman Stafa, është heroi, djalë i mrekullueshëm, që e do Shqipërinë pa kompromis. Jo si ky pas meje që se ka problem ta shesë vendin. E shoh me sytë e mi tani, nuk ka IA këtu që të mashtrojë njerëzit. Ti shporrim këto mbetje si majtas dhe djathtas në kosh mbeturinash. Ky do iki me turp, i lidhur pas karriges, por karrigia do ia hajë kokën”, tha emigranti./Dosja.al
TIRANË- Një qytetar i ka bërë thirrje SPAK që mos ta lerë popullin në duart e kryeministrit Edi Rama, të cilin e cilësoi si të 'sëmurë'. Gjatë fjalës së tij në podiumin e vendosur para Kryeministrisë, ai u shpreh se deputeti i PL-së, Tedi Blushi ia nxori kartelën në një emision, duke thënë se ky është i sëmurë mendor.
Qytetari lëshoi një sërë akuzash për kryeministrin Rama, duke thënë se prishi fabrikat, uzinën e naftës dhe la punonjësit pa punë.
Qytetari: Më mirë vdesim dhe atdheun nuk e shesim. Nuk kam respekt për të sëmurin e Surrelit, por respektin tuaj dua ta analizoj për disa gjëra. I sëmuri i Surrelit, nëse çdo njeri, psikolog, doktor, gazetar dhe analist do të bënte detyrën patriotike, ky i sëmurë sot nuk do të ishte në atë qeveri.
Sepse i them drejtuesit të SPAK-ut, zotit Braho, që thotë “nëse keni prova, sillini”. Ish-këshilltari i Ilir Metës, Tedi Blushi, ia nxori kartelën në një emision, duke thënë se ky është i sëmurë mendor shumë rëndë.
I them edhe një herë zotit Braho: çfarë kërkon më shumë? A mund ta lësh një popull shqiponjash në duart e një psikopati që na thotë “jeni sorra”? Ku e gjen të drejtën ky t’i thotë popullit se jeni sorra? Ky maskara, që na prishi fabrikat, uzinën e naftës dhe la punonjësit pa punë. Kur punonjësit e pyesnin “pse na lë kështu?”, bënte si i tërbuar./Dosja.al
TIRANË- Një aktivist ka bërë thirrje për pjesëmarrje masive me date 23 korrik, pasi do të mbahet seanca e fundit e Parlamentit. Gjatë fjalës së tij në podiumin e vendosur para Parlamentit, ai u shpreh se prezenca e qytetarëve është e rëndësishme në atë ditë.
Aktivisti tha me ironi se deputetët do të ikin me pushime, ndaj qytetarët duhet t'ju urojnë atyre pushime të mbara.
“Kam bërë thirrje për datën 23 korrik. Është shumë e rëndësishme prezenca jonë gjatë ditës, pasi ka më shumë efekt. Është seanca e fundit e Parlamentit, sepse ata do të ikin me pushime. T’u urojmë pushime të mbara atë ditë”, u shpreh ai./Dosja.al
TIRANË- Një qytetar i cili foli në podiumin e vendosur para Kryeministris tha se nuk është koha për të shkuar në pushime, por është koha për revolucion. Protestuesi u shpreh se thirrja “Rama në burg, Berisha në burg” është standarti i qytetarëve.
“Kemi arritur të vendosim një standard të ri moral për të gjithë ato parti që duan të bëhen pjesë. Rama në burg, Berisha në burg, është standardi ynë. Nuk është koha për të shkuar me pushime, por për revolucion. Duhet të mblidhemi që të japim mesazhin e fortë. Dorëheqje!”, tha ai./Dosja.al
TIRANË- Një i ri i cili ka folur në protestën e ditës së sotme është shprehur se vendi do ngelet pa ujë, dhe pa gjelbërim. Duke folur para qytetarëve, ai tha se Shqipëria është e fundit për sigurinë kibernetike.
“Para ca ditësh fola për një projekt që kisha një plan. Vendi do ngelet pa ujë, dhe pa gjelbërim. Sigurua në shtëpitë e atyre që kanë kamera sigurie, nuk ekziston më. Shumica e atyre që merren me teknologji kanë theksuan se Shqipëria nuk ka siguri kibernetike.”, tha ai./Dosja.al
TIRANË- Aktivisti Edison Lika ka deklaruar ditën e sotme se qytetarët duan një qeveri tranziore, e cila do të çojë vendin në zgjedhje të lira. Gjatë fjalës së tij në podiumin e vendosur para Kryeministrisë, Lika u shpreh se protestuesit janë të qartë për kërkesat e tyre.
Në lidhje me këtë, ai tha se ata duan dorëheqjen e kryeministrit Edi Rama, ndërsa shtoi se do të jenë në shesh derisa anulimi i ligjit 21/2024 të jetë fakt.
“Jemi shumë të qartë për kërkesat tona, për 48 ditë me radhë, ne do të jemi këtu derisa anulimi i ligjit 21/2024 të jetë fakt, derisa dorëheqja e kryeministrit dhe qeverisë të jetë fakt, derisa qeveria tranzitore ta çojë vendin në zgjedhje të lira pas 36 vitesh, deri kur të garantojmë kushte dhe liri të barabarta për secalin prej nesh”, tha aktivisti./Dosja.al
TIRANË- Qytetarët kanë nisur grumbullimin në sheshin “Skënderbej” dhe më pas të vijojnë marshimin drejt Kryeministrisë, ku dhe do të zhvillojnë fjalimet e tyre. Ata finalizojnë sot ditën e 48-të e protestës, ndërsa kanë bërë thirrje për dorëheqjen e kryeministrit Edi Rama.
Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë./Dosja.al
TIRANË- Ditën e sotme do të zhvillohet protesta e 48-të e qytetarëve shqiptarë, të cilët kanë kërkuar dorëheqjen e kryeministrit Edi Rama. Ata do të mblidhen fillimisht në sheshin “Skënderbej” dhe më pas të vijojnë marshimin drejt Kryeministrisë, ku dhe do të zhvillojnë fjalimet e tyre.
Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë.
Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese.
Gjatë marshimit të djeshëm, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi".
Kërkesat e protestuesve:
1. Dorëheqjen e panegociueshme të kryeministrit dhe të qeverisë.
2. Krijimin e një qeverie teknike tranzitore, jopartiake dhe me mandat 12-mujor.
3. Ndryshime kushtetuese, ku të gjithë shtetasit shqiptarë të jenë të barabartë para ligjit, si dhe miratimin e tyre me referendum popullor, duke përfshirë ndër të tjera: ndryshimin e Kodit Zgjedhor, ndryshimin e ligjit për financimin e partive politike dhe organizatave të ndryshme, kufizimin e ushtrimit të detyrës së kryeministrit në jo më shumë se dy mandate, të plota ose të pjesshme, gjatë gjithë jetës politike të një individi.
4. Paralelisht kërkohet anulimi i ndryshimeve të bëra në ligjin për zonat e mbrojtura, anulimin e ndryshimeve të bëra në ligjin për trashëgiminë kulturore, shfuqizimin e Paketës së Maleve, si dhe shfuqizimin e statusit dhe të kuadrit ligjor për investimet strategjike.
5. Kërkohet një kontratë të re sociale mes qytetarëve dhe shtetit, e cila do të përpilohet pas konsultimit me intelektualë, ekspertë teknikë dhe qytetarë apartiakë, të propozuar nga sheshi i protestës./Dosja.al
