Zelenskyy kërkon avionë luftarakë dhe raketa: E vetmja mënyrë për të mooshtuar terrorizmin rus 2 Shkurt, 07...
Kuvendi/ Shehu: Asnjë ligj nuk kalon pa folur për skandalin McGonigal, s'e kaloni dot me dialogje të sajuar 2 Shkurt, 10:19 ...
Kush e "zhduku" Ervis Martinajn? Artan Hoxha "mban" VERSIONIN e tij: Një aleancë të grupeve kriminale ka gisht, ne kemi mbetur te...
• Madrit Ulqinaku, 25 vjeç, banues në Elbasan është vrarë mbrëmjen e sotme. Ulqinaku u qëllua nga një 20-vjeçar i identifikuar si Klajdi Shaholli, me dy plumba me silenciator teksa hipte në mjetin e tij. • Ulqinaku ishte konfliktuar më herët me 20-vjeçarin për motive të dobëta, në lagjen “Kongresi”. Për të marrë ‘hakun’, i riu e ka ndjekur dhe e ka pritur deri në momentin që Ulqinaku ka qenë duke hipur në mjet. Në ato çaste, është afruar dhe e ka qëlluar. • 25-vjeçari ka ndërruar jetë në vend, ndërsa autori është ende në kërkim nga policia. Të riun Klajdi Shaholli, mendohet ta kenë ndihmuar persona të tjerë për tu larguar nga vendngjarja. • Madrit Ulqinaku ka protestuar krah Partisë Demokratike në vitin 2019. Në protestën e 11 majit, ai u arrestua bashkë me 50 mbështetës së tjerë të Opozitës. Dy ditë më vonë, gjykata e la në ‘arrest shtëpie’. • Kryetari i PD-së Sali Berisha e konsideron një akt mafioz vrasjen e Ulqinakut. Ai shkruan se Elbasani ka mbetur në duart e bandave të kreut të grupit parlamentar të Partisë Socialiste, Taulant Balla.
13 artikuj për këtë temë.
ELBASAN- Policia e Shtetit ka zbardhur vrasjen që ndodhi mbrëmë në Elbasan, aty ku u vra 33-vjeçari Madrit Ulqinaku, bashkëshort dhe baba i një fëmije të mitur. Sot është arrestuar një 18-vjeçar i përfshirë në konfliktin e çastit, të cilit iu gjet një thikë dhe një dorezë metalike, kurse autori i krimit dhe një tjetër i përfshirë janë shpallur në kërkim. 18-vjeçari i arrestuar nga policia për vrasjen e 33-vjeçarit është Ejden Dino. Ndërkohë, policia është në kërkim të një 18-vjeçari tjetër të dyshuar si autor i vrasjes, Horgito Peqini. Bashkë me këtë të fundit, në kërkim është dhe 33-vjeçari i përfshirë në sherr, Klaudjan Sallufi.
NJOFTIMI I POLICISË:
Zbardhet ngjarja e ndodhur mbrëmjen e djeshme ku mbeti i vrarë me armë zjarri 33-vjeçari. Vihet në pranga një 18-vjeçar, i përfshirë në konfliktin e çastit, gjatë të cilit mbeti i vrarë 33-vjeçari. Gjatë kontrollit fizik, 18-vjeçarit iu gjetën një mjet prerës (thikë) dhe një dorezë metalike. Shpallet në kërkim autori i dyshuar i vrasjes dhe një person tjetër i përfshirë në konflikt. Në vijim të informacionit të dhënë mbrëmjen e djeshme, për një konflikt të çastit, për motive të dobëta, të ndodhur në lagjen “Kongresi”, Elbasan, ku u vra me armë zjarri shtetasi M. U., 33 vjeç, banues në Elbasan, grupi hetimor pas hetimeve paraprake të kryera, ka zbardhur ngjarjen. Nga hetimet e kryera rezulton se shtetasit H. P., 18 vjeç, E. D., 18 vjeç dhe K. S., 33 vjeç, janë konfliktuar fillimisht verbalisht me shtetasin M. U. Më pas, shtetasi H. P. dyshohet se ka qëlluar me armë zjarri pistoletë në drejtim të shtetasit M. U., i cili si pasojë e plagëve të marra, ka humbur jetën në vendngjarje.
Falë reagimit në kohë dhe veprimeve të shpejta dhe profesionale të shërbimeve të Komisariatit të Policisë Elbasan dhe të atyre të DVP Elbasan , si dhe falë krehjes së zonës dhe kontrolleve me shërbime të shumta policie, u bë e mundur kapja dhe arrestimi i njërit prej shtetasve të përfshirë në konflikt, shtetasit: -E. D., 18 vjeç, banues në Elbasan, për veprën penale “Prodhimi, mbajtja, blerja apo shitja pa leje e armëve të ftohta”, pasi gjatë kontrollit fizik të ushtruar nga shërbimet e Policisë, iu gjetën dhe sekuestruan në cilësinë e provës materiale, një thikë dhe një dorezë metalike. Vijon puna intensive nga ana e shërbimeve të Policisë, për kapjen e 2 shtetasve të tjerë të shpallur në kërkim. Grupi hetimor nën drejtimin e Prokurorisë pranë Gjykatës së Rrethit Gjyqësor Elbasan, vijon punën për sqarimin e plotë të rrethanave të ngjarjes.
ELBASAN- Vrasja e Madrit Ulqinakut pas një sherri banal mes te rinjsh tronditi qytetin e Elbasanit mbrëmjen e djeshme. 33-vjeçari u vra pranë stadiumit “Elbasan Arena” sapo ishte ngritur nga nje lokal.
Ishte 20-vjeçari Klajdi Shaholli, i cili e qëlloi me dy plumba me silenciator pasi më heret mes tyre kishte pasur një përplasjeje verbale.
Madrit Ulqinaku, baba i një vajze 8-vjeçare gjeti vdekjen në vend. Ky krim thellon tragjedine e familjes Ulqinaku pasi në 1997, Madritin i kishin ekzekutuar një vëlla. Policia ka sekuestruar kamerat në zonë, të cilat ndihmuan edhe në identifikimin e autorit, tashmë i shpallur në kërkim. Dyshohet se autori është ndihmuar nga persona të tjerë për tu larguar. Autoritetet kanë ngritur pika kontrolle në hyrje dhe dalje të Elbasanit, për të bërë të mundur kapjen e tij. Grupi hetimor ndodhet në vendngjarje për të bërë të munduar zbardhjen e plotë të saj.
ELBASAN- Autori i vrasjes së Elbasanit është Klajdi Shaholli. Mësohet se ngjarja në lagjen 'Kongresi' ka ndodhur për një konflikt me motive të dobta mes Madrit Ulqinaku dhe Shahollit.
Pas vrasjes, 20-vjeçari është ndihmuar nga persona të tjerë për tu arratisur, ndërkohë që tani është shpallur në kërkim nga policia.
TIRANË- Kryetari i Partisë Demokratike Sali Berisha ka reaguar për vrasjen në Elbasan. Me anë të një postimi në Facebook, Berisha shkruan se qyteti është i kapur nga bandat e Taulant Ballës. Po ashtu ai shkruan se vrasësit si gjithmonë janë larguar në drejtim të paditur.
Postimi i Plotë:
Elbasani në duart e bandës Balla! Ekzekutim mafioz me silenciator i Madrid Ulqinakut, në ora 22:00, në Bulevardin e qytetit. Vrasësit largohen si zakonisht, në drejtim të paditur. sb
ELBASAN- Familjarët e Madrit Ulqinakut kanë mbërritur në vendin ku u vra 25-vjeçari mbrëmjen e sotme në Elbasan. Ata futen mes efektivëve dhe nisin të ulërasin kur shohin se familjari i tyre ka ndërruar jetë. Në sfond dëgjohen ngashërima, të qara e ulërima.
“Mos, o Ronela,”- dëgjohet të thotë një grua në sfond.
Ukqinaku u vra me dy plumba me silenciator mbrëmjen e sotme në Elbasan. Ai ishte konfliktuar më herë me një 20-vjeçar me inicialet K.Sh.. Ky i fundit e ka ruajtur Ulqinakun, e ka ndjekur dhe e ka qëlluar dy herë me silenciator në momentin që 25-vjeçari ka dalë nga lokali ku ndodhej. I riu ka ndërruar jetë në vend, ndërsa autori është ende në kërkim.
ELBASAN- Madrit Ulqinaku, 25-vjeçari që u vra mbrëmjen e sotme në Elbasan rezulton të jetë arrestuar nga policia e Tiranës. Ai mësohet se ka qenë një nga pjesëmarrësit në protestën e opozitës që u zhvillua më 11 maj të vitit 2019.
Në atë lohë, Ulqinaku u ndalua bashkë me 50 protestues të tjerë. Dy ditë më vonë, 25-vjeçarit iu dha masa e sigurisë “arrest në shtëpi” nga ana e gjykatës.
Ukqinaku u vra me dy plumba me silenciator mbrëmjen e sotme në Elbasan. Ai ishte konfliktuar më herë me një 20-vjeçar me inicialet K.Sh.. Ky i fundit e ka ruajtur Ulqinakun, e ka ndjekur dhe e ka qëlluar dy herë me silenciator në momentin që 25-vjeçari ka dalë nga lokali ku ndodhej. I riu ka ndërruar jetë në vend, ndërsa autori është ende në kërkim.
ELBASAN- Personi që shikoni në foto është Madrit Ulqinaku, 25-vjeçari që u vra mbrëmjen e sotme në lagjen "Kongresi" në Elbasan. I riu mësohet të jetë konfliktuar më herët me një 20-vjeçar me inicialet K.Sh..
Ky i fundit e ka ruajtur Ulqinakun, e ka ndjekur dhe e ka qëlluar dy herë me silenciator në momentin që 25-vjeçari ka dalë nga lokali ku ndodhej.
ELBASAN- Dosja.al ju sjell pamjet nga vendi ku u ekzekutua Madrit Ulqinaku në ELbasan. Trupi i 25-vjeçarit qëndron ende i shtrirë në rrugë. I ndjeri duket shumë pranë mjetit të tij, ku po hipte në momentin që u qëllua nga një 20-vjeçar.
Policia ka rrethuar të gjithë zonën. Ngjarja e rëndë ndodhi në lagjen "Kongresi" në Elbasan, rreth orës 21:50. Dyshja ishin konfliktuar më herët. Autori e ndoqi Ulqinakun dhe e qëlloi në momentin që shënjestra doli nga një lokal.
ELBASAN- Policia ka nxjerr njoftimin për vrasjen që tronditi mbrëmjen e sotme në Elbasan. Sipas njoftimit të Policisë, autori i ngjarjes është një 20-vjeçar me iniciale K.Sh, ndërkohë që viktima Madrit Ulqinaku është 25 vjeç. Dyshohet se ngjarja ka ndodhur për një konflikt me motive të dobta.
Njoftimi i Policisë:
Më datë 17.08.2022, rreth orës 21:50, në lagjen “Kongresi”, Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan. Shërbimet e Policisë kanë shkuar menjëherë në vendngjarje, së bashku me grupin hetimor. Është rrethuar zona dhe vijon krehja e saj për të bërë të mundur kapjen e autorit. Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes
ELBASAN- Videoja e mëposhtme është nga vrasja në Elbasan. Siç shihet në pamjet e siguruara nga Dosja.al, gjithë zona është e mbushur me efektivë policie, ndërkohë që viktima ështrë i shtrirë përtokë.
Ende nuk dihen rrethanat e plota të ngjarjes, ndërkohë që dyshohet se Madrit Ulqinaku është qëlluar në momentin që po hipte në makinën e tij, me pistoletë me silenciator.
ELBASAN- Personi i vrarë mbrëmjen e sotme në qytetin e Elbasanit është Madrit Ulqinaku. Mësohet se në momentin që Ulqinaku po hipte në makinë pranë stadiumit 'Elbasan Arena' është ekzekutuar nga disa persona ende të pa identifikuar.
Autorët janë larguar nga vendngjarja në drejtim të paditur, ndërkohë që policia ka blinduar gjithë zonën. Dyshohet se Ulqinaku është vrarë me një pistoletë me silenciator.
ELBASAN- Një person është vrarë si pasojë e të shtënave sot në qytetin e Elbasanit. Mësohet se disa persona ende të paidentifikuar kanë qëlluar me armë në drejtim të një të riu, i cili ka ndërruar jetë menjëherë.
Ende nuk dihet se si ka ndodhur ngjarja, ndërkohë që policia ka rrethuar zonën dhe ka vendosur postoblloqe për kapjen e autorit.
ELBASAN- Të shtëna me armë kanë ndodhur mbrëmjen e sotme në qytetin e Elbasanit. Mësohet se të shtënat kanë ndodhur pranë stadiumit 'Elbasan Arena', ku i vrarë ka mbetur Madrit Ulqinaku.
Në momentin që e kanë qëlluar Ulqinaku kishte dalë nga një lokal aty afër dhe po hipte në një makinë. Rrethanat e ngjarjes ende nuk dihet, ndërkohë që Policia ka blinduar gjithë zonën pranë stadiumit.
