Kosova "diskutohet" në Francë, Macron pret veç Kurtin dhe Vuçiçin, nuk do të ketë takim trepalësh

FRANCË- Presidentja e Kosovës, Vjosa Osmani ka folur në lidhje me takimin e zhvilluar ditën e sotme me homologun francez Emmanuel Macron ku ka qenë së bashku me kryeministrin Albin Kurti.

Në një postim në Facebook, Osmani u shpreh se ata kanë diskutuar për dinamizimin e dialogut me Serbinë dhe zhvillimet e fundit ku theksoi se së bashku me Kurtin kanë shprehur përkshtimin e institucioneve të Kosovës për procesin e dialogut.

"Në Pallatin Élysée, bashkë me Kryeministrin Kurti, u pritëm nga Presidenti i Francës, Emmanuel Macron për të diskutuar partneritetin në mes të dy shteteve tona, dinamizimin e dialogut me Serbinë, si dhe zhvillimet e fundit në vendin tonë.
Shprehëm përkushtimin e plotë të institucioneve të Kosovës për procesin e dialogut, të bazuar në ruajtjen e sovranitetit, rendit kushtetues, integritetit territorial dhe funksionalitetit të Kosovës, të cilat janë të paprekshme."-ka shkruar Osmani.

Osmani ka shtuar se në takim me Macronin janë diskutuar edhe veprimet destabilizuse të Serbisë dhe theksoi se presidenti Macron ka dhënë përkrahjen e tij për paqë, siguri dhe stabilitetin në Kosovë dhe rajon.

Gjithashtu, dy liderët kosovarë presidentit Macron i kanë kërkuar mbështetje për integrimin euroatlantik të Kosovës.

“Në takim, ritheksuam rëndësinë e përfundimit të procesit të liberalizimit të vizave përgjatë presidencës çeke të Këshillit të BE-së, si dhe kërkuam vazhdimin e mbështetjes së Francës për integrimin euroatlantik të Kosovës dhe anëtarësimin në organizata tjera ndërkombëtare”,-shkruan në fund ajo.

Postimi i plotë:

Në Pallatin Élysée, bashkë me Kryeministrin Kurti, u pritëm nga Presidenti i Francës, Emmanuel Macron për të diskutuar partneritetin në mes të dy shteteve tona, dinamizimin e dialogut me Serbinë, si dhe zhvillimet e fundit në vendin tonë.
Shprehëm përkushtimin e plotë të institucioneve të Kosovës për procesin e dialogut, të bazuar në ruajtjen e sovranitetit, rendit kushtetues, integritetit territorial dhe funksionalitetit të Kosovës, të cilat janë të paprekshme.
Diskutuam edhe veprimet destabilizuese të Serbisë, përmes fuqizimit të strukturave ilegale të saj në Kosovë, frikësimit të qytetarëve serbë dhe nxitjes së grupeve kriminale për ta cenuar rendin dhe ligjin në veri. Kosova mbetet e angazhuar, në koordinim me partnerët ndërkombëtar, për paqe, stabilitet dhe për të garantuar një mjedis të sigurt për të gjithë qytetarët e vendit. Ndërkaq, Presidenti Macron potencoi përkrahjen e tij për paqe, siguri dhe stabilitet në Kosovë dhe rajon.
Në takim, ritheksuam rëndësinë e përfundimit të procesit të liberalizimit të vizave përgjatë presidencës çeke të Këshillit të BE-së, si dhe kërkuam vazhdimin e mbështetjes së Francës për integrimin euroatlantik të Kosovës dhe anëtarësimin në organizata tjera ndërkombëtare.

Osmani, Kurti dhe Macron

FRANCË- Presidentja e Kosovës Vjosa Osmani dhe kryeministri Albin Kurti janë pritur në një takim nga presidenti francez Emmanuel Macron në zyrën e tij.

Të dy krerët e shtetit po qëndrojnë në Francë në një vizitë zyrtare pasi pritet që të marrin pjesë në Forumin për Paqe që do të mbahet ditën e nesërme.

Gjatë ditës Macron ka takuar gjithashtu edhe presidentin serb Aleksandër Vuçiç me të cilin kanë biseduar për situatën në Kosovë dhe investimet franceze në Serbi.

Vuçiç pas taskimit tha se nuk beson se do të ketë një takim me Kurtit, por ende nuk ka të dhëna nëse do të ketë një takim trepalësh Kurti-Vuçiq-Macron.

Macron dhe Vucic

FRANCË- Presidenti i Serbisë, Aleksandër Vuçiç, iu drejtua qytetarëve, pas takimit me presidentin e Francës, Emmanuel Macron, në Pallatin Elysee të Francës.

Sipas mediave serbe, Macron priti Vuçiçin para Pallatit Elysee, në prani të Gardës së Republikës së Francës, dhe më pas pasoi një takim tete-a-tete. Pas takimit, Macron shoqëroi presidentin serb në makinën e tij.

"Me presidentin francez pata një bisedë shumë të mirë dhe domethënëse për shumë tema të rëndësishme. Jam jashtëzakonisht i kënaqur që kam ardhur në Paris dhe kam folur me Macron. Ka shumë gjëra për të cilat nuk mund të flas. Pres vizitën e Macron në fillim të vitit të ardhshëm" – tha Vuçiç.

Sipas Vuçiç temat kryesore të diskutimit ishin situata e krijuar në veri të Kosovës pas vendimit për riregjistrimin e targave si dhe investimet në Serbi.

“Po flisja për zhgënjimin e popullit tonë në Kosovë., sepse ajo që ishte premtuar nuk u realizua”, tha Vuçiç.

Duke folur për ngjarjet në Kosovë, Vuçiç thekson se është gjithmonë i gatshëm për kompromis, duke theksuar se nuk beson se do të ketë për shkak të palës kosovare, ai konfirmoi se nuk do të ketë takim me Kurtin.

"Ne thamë cilat janë kushtet për t'u kthyer në institucione, por nuk e dimë se çfarë do të ndodhë më pas. Ne patëm një takim të mirë për shkak të marrëdhënieve tona bilaterale dhe të tjera, dhe sa i përket Prishtinës, nuk jam optimist. Sot e solla dokumentin për targat dhe ia tregova Macronit. Nuk do ta japin, sepse e hoqën në mënyrë të njëanshme në 2020. Unë jam vetëm duke kërkuar atë që thotë" - tha Vuçiç.

Presidenti serb iu referua edhe tërheqjes ruse nga Kherson dhe u përgjigj edhe një herë nëse Serbia do të vendosë sanksione ndaj Rusisë.

"Ato përfundime janë jeta ime, ato konkluzione kanë zgjatur 270 ditë në historinë moderne serbe, sepse ato janë thelbi ynë, thelbi ynë. Është politika jonë, qenia jonë. Ne mund të heqim dorë nga kjo vetëm nëse kemi një shpatë mbi kokë. Nuk është e thjeshtë, më besoni, askush nuk e di këtë më mirë se unë, askush nuk ka kontakte të drejtpërdrejta me dikë në Evropë sa unë. Nuk kam nevojë për një analist për të shpjeguar asgjë. Askush në Serbi nuk ka probleme me rrymën, si këtu në Paris, le ta drejtojmë vendin në mënyrën tonë dhe rezultatet tregojnë gjithçka."- përfundoi ai.