“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Fushata zgjedhore 2023 po vazhdon me ritme të shpejta dhe këto 4 ditë që kanë ngelur. • Sot kryedemokrati Sali Berisha ka vazhduar takimet në Malësinë e Madhe, ku nuk kanë munguar as ironitë ndaj Kryeministrit Edi Rama. • Berisha u shpreh se shqiptarët nuk do të ndjekin dikë që është i martuar 5 herë. • Nga ana tjetër kreu i Partisë së Lirisë Ilir Meta u ka bërë thirrje qytetarëve shqiptarë që të dalin masivisht në zgjedhje dhe të votojnë. • Ndërkohë që kandidati i koalicionit 'Bashkë Fitojmë' në Tiranë Belind Këlliçi ka premtuar mbështetje financiare për fermerët dhe lehtësim të procedurave të ndërtimit në fshat.
5 artikuj për këtë temë.
TIRANË- Kryetari i 'Partisë së Lirisë', Ilir Meta ka ironizuar kryebashkiakun Erion Veliajn, për të cilin thotë se kujdeset vetëm për VIP-at, jo për qytetarët e thjeshtë. Teksa ishte në një konferencë për mediat, Meta tha se VIP-at jetojnë në zona rezidenciale ku nuk ka trafik, duke nënkuptuar se nuk përfaqësojnë problemet e shumicës së shqiptarëve.
“Kur i kanë punët kaq mirë, pse thërrasin VIP-a? se kanë braktisur qytetarët. VIP-at jetojnë në zona rezidenciale pa trafik. Por 1 milionë banorë e dinë që s’i duhet kryebashkiaku që kujdeset për VIP-at, por për ata, për prindërit e të moshuarit”, tha Meta.
TIRANË- Kreu i Partisë së Lirisë, Meta u shpreh videoja ku shihen përkrahësit e tij duke blerë vota, është një lojë e insklenuar nga Bledi Çuçi. Në një dalje për mediat, Meta u shpreh se e gjitha kjo është një histori e sajuar nga Çuçi, që sipas tij ka frikë nga rezultati i zgjedhjeve të '14 Majit'.
"Kjo është një lojë e Bledi Çuçit, nuk kanë lidhje me shtabin tonë. Tani do ketë lajme të tilla, të gjithë ndërkombëtarët e dinë se kush po përdor burimet shtetërore. Janë inskenime të mjera të Cuçit'
Një 52-vjeçar nga Tirana është arrestuar dhe një 61-vjeçar është nën hetim pasi po komunikonin me njëri-tjetrin për shit-blerje votash për një subjekt politik. Policia bazuar në pamjet filmike të postuara në portale, në të cilat shfaqet Kristo Agalliu, që komunikon për shit-blerje votash me Agron Durajn, ka organizuar punën dhe kanë finalizuar operacionin policor të koduar “Premtuesi”./Dosja.al
TIRANË- Kryetari i Partisë së Lirisë ka deklaruar se qytetarët kanë vendosur që të jenë pjesë e ndryshimit. Në një deklaratë për mediat, Meta u ka bërë thirrje të gjthë qytetarëve që të marrin pjesë në zgjedhje dhe të votojnë masivisht. Meta ka theksuar se kush nga qytetarë nuk do të votojë as nuk ka të drejtë që të kërkojë llogari nga kryebashkiakët.
"Rama e ka shumë të qartë bilancin e tij katastrofik dhe të kukullave që i ka paraqitur me imponim në të gjitha bashkitë, kjo e detyron jo vetëm të sfazohet, por edhe të bëjë thirrje për një pjesëmarrje sa më të ulët në zgjedhje dhe sidomos ti drejtohet demokratëve që t’ia fusin gjumit në 14 maj, siç e tha dje në Kavajë. Si mund të flenë gjumë jo vetëm demokratët, por të gjithë shqiptarët e ndershëm kur kanë shumicën e fëmijëve jashtë vendit dhe ata që i kanë këtu për shkak të pasigurisë duan të largohen nga vendi sepse nuk duan të përfundojnë patronazhistë. Nuk do të ketë gjumë në këto katër ditë, madje edhe natën do ta bëjmë ditë. Së bashku edhe me të gjithë socialistët e ndershëm që kanë qenë viktimat e para të uzurpimit të vulës së PS-së nga një seks si rilindja që i ka sjellë dëme të jashtëzakonshme vendit. Sot dua tu kërkoj të gjithë qytetarëve të përmbushin detyrimin e tyre jo vetëm qytetar, jo vetëm kushtetues, por mbi të gjitha patriotik në këto momente kritike për të shprehur vullnetin e tyre të lirë dhe për të kuptuar se abstenimi nuk është zgjidhje, është ndihma më e madhe që i jepet një bande që të vazhdojë të plaçkisë Shqipërinë, taksat dhe buxhetin e shtetit. Të gjithë duhet të bëhen pjesë e ndryshimit. Ai që nuk voton nuk ka të drejtë të ankohet nesër, aq më keq ai që tregton votën e tij”, tha Rama.
MALËSI E MADHE- Kryetari i Partisë Demokratike, Sali Berisha ishte i pranishëm ditën e sotme në Malësinë e Madhe, aty ku u takua me demokratët. Gjatë fjalës së tij, Berisha iu drejtua kryeministrit Edi Rama duke i thënë se shqiptarët nuk do ta ndjekin, duke i përmendur martesat dhe lidhjet e mëparshme.
"Thotë jo gomari, jo cakalli, nuk kam motër. E fjalë të tilla,po ti je qeveritar, duhet të thuash se cfarë të bësh. Nuk janë qytetarët të interesuar, ke motër apo jo. I them Edi Ramës, je një copë injoranti që ke vetëm veten shok, se vetëm në Malësi nuk e bën atë përpjekje, jo sot...
lexo pak para se të vish e të përmendësh ndasitë këtu...le kur thotë kemi 3 besime në një familje. Tani me thënë të drejtën, s'kanë në mend shqiptarët me të ndjek ty me 5 martesa. Shqiptarët janë mirë me 1 martesë, keq më vjen që po ta them, po do ia them. Kam këtë e kam atë, po dihet si i ke, se nëse i futemi më tutje i nxjerrim më keq"
TIRANË- Kandidati i koalicionit “Bashkë Fitojmë” për Bashkinë e Tiranës, Belind Këlliçi është takuar me banorë të Petrelës, Farkës dhe Baldushkut, ku dhe prezantoi programin për mbështetjen e fermerëve. Fillimisht Këlliçi premtoi që drejtuesit e njësive administrative të zgjidhen nga vetë qytetarët. Sipas tij, qytetarët kanë shumë halle që nuk ia kanë zgjidhur, ndaj pas 14 majit drejtuesit do të jenë në duart e tyre.
“Se çfarë është mirë për ju këtu në zonën e Petrelës dhe të Bërzhitës e dini ju. Unë kam për detyrë, e para të rikthej kompetencat e plota të drejtuesve të njësive administrative, për shkak të një dështimi total dhe të plotë të reformës territoriale të vitit 2014, që ka larguar qytetarin nga shërbimet. Ju sot me shku te dera e Njësisë Administrative, ish-Komunës, nuk mbyllni asnjë hall, nuk mbaroni asnjë punë sepse janë kukulla ata që rrinë. Kështu që unë ju jap fjalën, që pas 14 majit, drejtuesit tuaj do t’i zgjidhni ju. E keni ju në dorë, dhe ata do jenë njerëzit tuaj dhe do ju mbarojnë ju punë”, tha Këlliçi.
Marrë shkas edhe nga kërkesat e parashtruara nga banorët për riparimin e banesave, Këlliçi premtoi lehtësim të procedurave, si dhe emërimin e një nënkryetari në Bashkinë e Tiranës, dedikuar vetëm fshatit. Ai do ti dedikohet vetëm punëve të fshatit, investimet dhe rritjen e potencialit ekonomik.
“Gjëja e parë që unë do të bëjë do të jetë të lehtësojë procedurat për riparimin e shtëpijave tuaja, sepse është gjëja minimale që i takon fshatit në Tiranë dhe banorëve të komunave të Tiranës. Minimale, vetëm do njoftoni Bashkinë. Me Belind Këlliçin kryetar, fshatrat e Tiranës do të përfaqësohen me një nënkryetar në Bashkinë e Tiranës. Që do dedikohet vetëm, vetëm për punët, investimet dhe rritjen e potencialit ekonomik të fshatit të Tiranës. Është e pafalshme që fshatrat e Tiranës sot janë në gjendje të mjerushme”, tha Këlliçi.
Belind Këlliçi përsëriti premtimin e tij për subvencione të fermerëve, duke theksuar gjithashtu dhe ndërtimin e 15 tregjeve me produkte vendase.
“Subvencioni për fermerin do të jetë në qendër të politikës time për të ndihmuar fshatin dhe fermerin e Tiranës. Çfarë do të thotë? Do të ketë çdo vit 7 milionë euro subvencione, 3 milionë euro ndihmë për kredi për huamarrje, dhe pa diskutim do të ndërtojmë 15 tregje të gjelbërta me produkte “Made in Tirana”, të cilat do të certifikohen organikisht”, tha Këlliçi.
Nga Petrela, Belind Këlliçi foli për heqjen e taksës së ndërtimit për shtëpitë e para, ndërsa u angazhua që pas 14 majit të shtojë investimet në infrastrukturë për zonat rurale. Ai tha se do të investojnë në asfaltim, ndërsa foli edhe për shërbime në periferi.
“Premtimi i parë është që për shtëpitë e para do të heqim dhe do të lehtësojmë padiskutim taksën e ndërtimit. Për shtëpitë e para, është shumë e rëndësishme. Një problem që ma keni thënë që ditën e parë që kam ardhur në Bërzhitë dhe të cilin pas 14 majit unë do ta bëj realitet. Infrastruktura rrugore nëpër ish-komuna padiskutim që do të ketë përmirësim, do të investojmë në asfaltim dhe do të jetë çështje kryesore e programit tonë pas 14 majit në konsultim të plotë me drejtuesit tuaj që do ti zgjidhni ju vet. Do të decentralizojmë shërbimet. Do të kemi shërbime padiskutim në periferi”.
Gjatë takimit, kandidati i opozitës u premtoi banorëve të Petrelës, Farkës dhe Baldushkut se autobusi do të bëhet falas edhe për zonat rurale.
“Dua t`ju rikujtoj pikësëpari 5 prioritetet duke nisur nga autobusi pa pagesë që jua premtoj këtu. Fjala e burrit, pas 14 majit do të bëj gjithçka dhe autobusi pa pagesë do të jetë realitet. Bërzhitë, Petrelë, Baldushk, ku të doni ju në Farkë, vejini gishtin në Krrabë, Krraba e padiskutueshme pa pagesë”.
Një nga shqetësimet e banorëve janë edhe gjobat e Policisë Bashkiake. Belind Këlliçi premtoi që pas 14 majit kjo do të marrë fund, duke u thënë banorëve se Policia Bashkiake do të jetë në shërbim të tyre.
“Unë e kuptoj fare mirë se çfarë qëllimi ka pasur dhe ka Policia Bashkiake, është që t’ua nxijë jetën dhe tu marri ndonjë pare nën dorë. Kjo praktikë pas 14 majit merr fund. Ju jap fjalën që policët bashkiakë do të jenë në shërbimin tuaj, sepse do të bëjnë detyrën. Ata kanë detyrë të jenë polici komunitare dhe mbi të gjitha, të gjithë banorët do të kenë lehtësira të plota për të regjistruar pronën e vetë dhe për të bërë çfarë të duan ata me pronën e vet. Eshtë jeta e vet, është prona e vet, janë kursimet e një jete dhe nuk mund të jenë peng i askujt që tenton t’i marri ndonjë rryshfet, t’i marrë ndonjë lekë për shkak se i bën presion. Ta garantoj të japë fjalën e nderit”, tha Këlliçi.
Në Baldushk, banorët ngritën shqetësimin për zvarritjen e procesit të rindërtimit. Belind Këlliçi tha se ky proces të jetë i drejtë dhe transparent pas 14 majit, ku sipas tij banorët do të marrin banesat e tyre.
“I ka dalë boja miku im, i shofin qytetarët këto, siç i shofin dhe shpërdorimin abuzimin që po ndodh me shtëpitë e tërmetit në Baldushk. Një problem madhor për Baldushkun. Por s’po ndodh vetëm këtu, ndodh dhe në Zall Herr, ndodh e njëjta gjë në Ndroq, ndodh e njëjta gjë në të gjithë zonat e Tiranës që po i mbajnë peng dy ditë para zgjedhjeve, tre ditë para zgjedhjeve, për t`i kapur njerëzit, për t`ia shtrënguar lakun në fyt, për t`i kapur njerëzit te buka e gojës, ke shtëpia, ke çatia mbi kokë. Të garantoj se procesi i ndarjes së shtëpive, se i ka qit mashtruesit e vet nëpër fshatra duke u thënë se po erdhi Belind Këlliçi do ndalojë ndarja e shtëpive, nuk do merrni shtëpitë. Të garantoj që ai do të jetë procesi më transparent dhe më i hapur që Belind Këlliçi do të bëjë në Bashkinë e Tiranës publik”. /Dosja.al
