Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Homazhet për Kryepeshkopin Anastas Janullatos po mbahen në Katedralen “Ngjallja e Krishtit” në Tiranë ditën e sotme. • Në homazhet e sotme marrin pjesë të gjitha mitropolitë e vendit, përfaqësues nga ambasadat e huaja në vendin tonë, delegacion nga Vatikani, përfaqësues të komuniteteve të tjera fetare, Patriarku i Izraelit, i Aleksandrisë dhe i Qipros si dhe përfaqësues nga nivelet e larta nga Kishat e Krishtera në mbarë botën. • Kryegjyshi Botëror i Bektashinjve Haxhi Dede Edmond Brahimaj zhvilloi homazhe në ndër të tij, duke thënë se Anastas ishte një personalitet dhe largohet nga kjo botë duke lënë pas një vepër për Kishën Ortodokse dhe për shqiptarët. • I pranishëm në homazhet e sotme pritet të jetë edhe kryeministri grek Mitsotakis dhe 5 ministra nga kabineti i tij qeveritar.
3 artikuj për këtë temë.
TIRANË- Eurodeputeti dhe ish-kryebashkiaku i zgjedhur i Himarës, Fredi Beleri ka reaguar lidhur me ndarjen nga jeta të Kryepeshkopit Anastas Janullatos.
Beleri shprehet në reagimin e tij se Kryepeshkopi Anastas ishte simbol i paqes, dialogut ndërfetar dhe harmonisë midis njerëzve. Ai thotë se punoi me përkushtim për të ndërtuar ura bashkëpunimi midis komuniteteve fetare dhe për të promovuar vlerat e tolerancës dhe mirëkuptimit.
Sipas Belerit, ceremonia mortore që do të zhvillohet nesër në Tiranë është një moment reflektimi dhe nderimi për një njeri "që jetoi për të përçuar dashurinë dhe paqen midis njerëzve."
REAGIMI I PLOTË:
Me trishtim dhe përulësi, përjetojme ikjen e Kryepeshkopit Anastas, njeriut që rindërtoi institucionin e Kishës Autoqefale të Shqipërisë nga rrënojat që e kishte sjellë ateizmi i diktaturës komuniste. Atin shpirtëror të Ortodoksëve të Shqipërisë, që për 33 vjet iu dedikua atyre me përkushtim absolut.
Figurën e shquar të Ortodoksisë mbarëbotërore. Njeriun që frymëzoi në shpirtrat e të gjithë ortdodoksëve shpresën e besimit në Zotin Krisht. Klerikun misionar Anstasin që i shërbeu njeriut si ikonë e Zotit Krisht në Afrikë, akademikun, Teologun erudit që gëzonte respektin e krerëve kristianizmint por edhe të feve të tjera, Personalitetin Ekumenik Kryepeshkopin Anstas të Shqipërisë!
Kryepeshkopi Anastas ishte simbol i paqes, dialogut ndërfetar dhe harmonisë midis njerëzve. Ai punoi me përkushtim për të ndërtuar ura bashkëpunimi midis komuniteteve fetare dhe për të promovuar vlerat e tolerancës dhe mirëkuptimit, që janë thelbësore për bashkëjetesën tonë.
Dua të shpreh respektin dhe mirënjohjen më të thellë për jetën dhe veprën e tij, që ishte një dritë udhërrëfyese jo vetëm për komunitetin ortodoks, por për të gjithë shoqërinë. Ceremonia mortore që do të zhvillohet nesër në Tiranë është një moment reflektimi dhe nderimi për një njeri që jetoi për të përçuar dashurinë dhe paqen midis njerëzve.
Personalisht, me trishtim njerëzor, por edhe krenar për figurën e Tij, ndahem edhe unë nga ati im shpirtëror.
I përjetshëm kujtimi I Tij.
TIRANË- Kryegjyshi Botëror i Bektashinjve, Baba Mondi ka kryer homazhe ditën e sotme në nder të kryepeshkopit Anastas Janullatos, i cili u nda nga jeta mëngjesin e 25 janarit.
Baba Mondi vlerësoi figurën e Kryepeshkopit Janullatos dhe e cilësoi atë si një personalitet të Kishës Ortodokse shqiptare. Kryegjyshi i Bektashinjve u shpreh se Fortlumturia e tij largohet nga kjo jetë me një vepër që i ka lënë Kishës Ortodokse dhe shqiptarëve.
“Ishte personalitet i Kishës Ortodokse shqiptare. Ka qenë njeri që ka bashkëpunuar me komunitetet fetare dhe mua personalisht. Më vjen keq që çdo njeri largohet nga kjo botë, por ai largohet me një vepër që i ka lënë pas Kishës Ortodokse shqiptare, por edhe shqiptarëve. Ngushëllime Kishës Ortodokse, zoti e pastë në parajsat e veta.”, tha Baba Mondi për mediat.
TIRANË- Në Katedralen “Ngjallja e Krishtit” në Tiranë do të mbahen edhe ditën e sotme homazhe për Kryepeshkopin Anastas Janullatos. Në homazhet e sotme do të marrin pjesë të gjitha mitropolitë e vendit, përfaqësues nga ambasadat e huaja në vendin tonë, delegacion nga Vatikani, përfaqësues të komuniteteve të tjera fetare, Patriarku i Izraelit, i Aleksandrisë dhe i Qipros si dhe përfaqësues nga nivelet e larta nga Kishat e Krishtera në mbarë botën. I pranishëm në homazhet e sotme pritet të jetë edhe kryeministri grek Mitsotakis dhe 5 ministra nga kabineti i tij qeveritar. Gjithashtu një delegacion përfaqësues pritet edhe nga Vatikani.
Trupi i pajetë i Kryepeshkopit ka mbërritur në vendin tonë pasditen e djeshme. Pasi mbërriti në pikën kufitare të Kakavijës ku u zhvillua një ceremoni nderimi, arkivoli iu drejtua Gjirokastrës ku u kryen homazhe në Kishën Ortodokse. Ceremonia e varrimit do të bëhet të enjten e 30 janarit, ku Kryepeshkopit Anastas do t’i jepet lamtumira e fundit pas liturgjisë hyjnore në katedralen “Ngjallja e Krishtit”, në orën 11:00. Kryepeshkopi do të prehet në ambientet e Katedrales “Ngjallja e Krishtit”, amanet i lënë prej tij.
Kryepeshkopi Anastas Janullatos u nda nga jeta në orët e para të mëngjesit të 25 janarit. Ai ndodhej prej 30 dhjetorit të 2024-ës i shtruar në spital, fillimisht në Tiranë për shkak të një viroze stine. Më pas gjendja e tij u përkeqësua për shkak edhe të një gjakderdhjeje në sistemin e aparatit tretës, për të cilën u dërgua në Athinë më 3 janar.
