Dita e 10 e protestave/ Mijëra qytetarë marshojnë në rrugët e Parisit, përplasje me policinë, hidhet gaz lotsjellës në drejtim të 'maskave'
Protestat në Paris, policia vë në pranga 22 persona 28 Mars, 18:08 Dita e 10 e protestës/ Sindikatat thir...
Protestat në Paris, policia vë në pranga 22 persona 28 Mars, 18:08 Dita e 10 e protestës/ Sindikatat thir...
LAJM I FUNDIT/ Tërhiqet kandidati i Enkelejd Alibeajt për Bashkinë e Lezhës 28 Mars, 14:41 'Rrjedhin' emra...
"Të thirret si dëshmitar"/ Gjykata e Elbasanit rrëzon poshtë kërkesën për Gazment Bardhin 28 Mars, 11:31 ...
Të tjera LISTA/ Kryetar komune, drejtor shkolle e biznesmenë, kë zgjodhën Berisha e Meta në bashkitë e tjera p&eum...
• Klevis Lleshi, 24 vjeç është gjetur i groposur në fshatin Shpërdhet në Mamurras. I riu ishte zhdukur pa gjurmë që prej datës 5 gusht të vitit 2020. • Pritet që të kryehet ekspertiza e nevojshme për të nxjerrë më shumë detaje mbi mënyrën e vrasjes së të riut, por paraprakisht raportohet se i riu dyshohet të jetë marrë peng e torturuar për shkak të hakmarrjes 10-vjeçare mes familjes Lleshi dhe Hoxha. • Pas denoncimit të nënës së Klevis Lleshit, prokuroria hapi hetimet, por për muaj me radhë nuk pati asnjë rezultat në gjetjen e vendndodhjes së tij apo të personave që kishin autorësinë e ngjarjes, deri sot, kur u zbulua trupi i 24-vjeçarit. • Klevis Lleshit i është vrarë babai, Xhavit Lleshi në vitin 2013 për gjakmarrje, ndërsa në 2016-ën i është vrarë xhaxhai, Hajredin Lleshi para shtëpisë. Po në vitin 2016, nga familja Lleshi është zhdukur dhe një tjetër person, i cili nuk është gjetur ende.
3 artikuj për këtë temë.
TIRANË- Një sagë hakmarrjeje mes familjeve Lleshi e Hoxha shënoi një tjetër viktimë! Data e vrasjes së Klevis Lleshit, vetëm 24 vjeç, nuk dihet ende, por dyshimet nisën që dy vite e gjysmë më parë, kur i riu u zhduk pa gjurmë mesditën e 5 gushtit. Zbulimi i mbetjeve kockore të 24-vjeçarit, të futur në një gropë në fshatin Shpërdhet të Mamurrasit zyrtarizoi një tjetër emër në listën e të vdekurve pas përplasjeve që datojnë nga viti 2012.
Agim Hoxha u gjet i shkrumbuar në makinën e tij në Britaninë e Madhe. Ekspertiza tregoi se 29-vjeçari ishte vrarë në një tjetër vend, më pas ishte vendosur në makinën e tij dhe i ishte vënë flaka për të zhdukur trupin. Ai jetonte dhe punonte prej vitesh në Londër bashkë me Arben Lleshin, një miqësi e kultivuar që në vendlindje, por që u prish më vonë.
Mediat britanike shkruanin në atë kohë se dyshja kishin pasur konflikte për pazaret e drogës në të cilët ishin përfshirë dhe aktivizuar në Londër. Autoritetet britanike vunë në pranga Arben dhe Afrim Lleshin. Ky i dyti u akuzua për çorientim të autoriteteve pasi deklaronte se në kohën që ishte vrarë Agimi, Arbeni ndodhej me të. Por presioni bëri që Arben Lleshaj të pranonte krimin e kryer, megjithëse refuzoi ta kishte djegur trupin brenda në makinë.
Lleshaj është dënuar me 32 vite burg dhe në vitin 2016 u ekstradua drejt Shqipërisë për të shlyer 28 vitet e mbetura.
Por, ndërkohë që Lleshaj kishte marrë dënimin nga drejtësia, familja Hoxha s’e fali! Kështu nisi dhe hakmarrja.
Në vitin 2013 u vra Xhavit Lleshi, babai i të riut që iu gjet sot trupi. Xhavit LLeshit iu bë pritë në vendin e quajtur ‘Pujkë’.
Më 15 maj të vitit 2016 u vra Hajredin Lleshi, vëllai i Xhavitit, në fshatin e lindjes në Burrel.
Goditjet nga familja Hoxha vijuan dhe një vit më vonë. Në vitin 2017 u rrëmbye Artan Lleshi, djali i Hajredinit, të cilin e morën me një makinë në Burrel dhe e sollën në Kamëz. Në Kamëz ai u pa për herë të fundit nga kamerat e sigurisë së një lokali dhe që nga ajo nuk dihet se çfraë ka ndodhur me të.
Deri në vitin 2017, drejtësia e kishte bërë punën e saj, por edhe familja Hoxha gjithashtu. Djemtë e familjes Lleshi ishin ‘shuar’, por Klevisi po rritej. Mbi shpatullat e djalit që ishte ende një fëmijë rëndonte barra për të vënë drejtësi, për të marrë hak për babain e xhaxhain e vrarë dhe kushëririn e zhdukur. Por Burreli është i vogël, zërat përhapen shpejt dhe planet e Klevisit kishin mbërritur në veshin e fisit Hoxha gjithashtu.
Kështu, kur Klevisi s’kishte mbushur ende 22 vjeç dhe sapo kishte nisur të bënte përplasjet e para për të fituar terren, u zhduk. Sot, dy vite më vonë u gjet i vrarë e i groposur…
Autorët?
Familja shënjestroi fisin Hoxha, madje nëna e tij që në momentin që u zhduk tha se shoqëria ia kishte ‘tradhëtuar’ të birin e ia kishte nxjerrë në ‘prite’ te armiku. Deri më tani, drejtësia nuk e ka thënë fjalën e saj për tre të vrarë tashmë dhe një të zhdukur…
BURREL- Personi që po shikoni në foto është Klevis Lleshi, 24-vjeçari që u gjet sot i pajetë në Mamurras, në fshatin Shpërdhet. I riu ishte zhdukur që prej datës 5 gusht të vitit 2020, kur ende nuk kishte mbushur 22 vjeç.
Klevis Lleshi ishte shpallur në kërkim nga Policia e Shtetit, pasi akuzohej se kishte kanosur me jetë një person të identifikuar si Mariglen Hoti, por që nga ora 13:00, e datës 5 gusht, nuk ka pasur më kontakte me familjen e tij.
Pas disa orësh pritje, nëna e e të riut ka denoncuar rastin në polici. Në atë kohë nëna e tij deklaronte se kishte rreth 10 ditë që nuk kishte pasur asnjë kontakt me të. Ajo shprehej se dyshonte se miqtë e të birit mund ta kenë tradhëtuar dhe mund ta kenë çuar tek ‘armiku’, që për ata është familja Hoxha. Dy familjet janë në hasmëri prej dhjetë vitesh.
MAMURRAS- Trupi i pajetë i Klevis Lleshit, i cili u zhduk dy vite më parë është gjetur në Mamurras. Mësohet se trupi i 24-vjeçarit është gjetur i groposur në fshatin Shpërdhet të Mamurrasit.
Trupi i të riut është zbuluar si rezultat i erozionit dhe kanë qenë banorët të zonës ata që kanë njoftuar policinë. Më pas është kryer testi i AND-së dhe ka rezultuar se trupi i përkiste të riut nga Mati, Klevis Lleshi.
Për rastin e Lleshit, Prokuroria e Matit kishte nisur hetimet në qershor të vitit 2020 pas denoncimit të familjarëve se ai dyshohej të ishte marrë peng në Burrel.
