Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Kryeministri Edi Rama, i shoqëruar nga ministrja e Financave dhe Ekonomisë, Delina Ibrahimaj, por edhe ato pa portofol, Bora Muzhaqi dhe Edona Bilali, zhvilloi sot një takim me dhomat e biznesit. • Që fillim fjalën e tij, Rama e nisi me pakënaqësi lidhur me mbi rekomandimet e tyre për përmirësimin e klimës së biznesit në vend. •Rama nuk i ka kursyer kritikat ndaj përfaqësuesëve të Dhomës së Biznesit. •Edhe pse pranoi problemet për klimën e biznesit, Rama megjithatë kundërshtoi raportet e Dhomave të Tregtisë që sipas tij bëjnë anketa jo profesionale dhe nuk pasqyrojnë zhvillimet pozitive. • Por, po ashtu, ka bërë edhe propozime. • Rama kërkoi bashkëpunim për kurse të punonjësve, në mënyrë që të specializohen në IT, por edhe mbështetje për invetime në panele diellore. • Debatoi edhe kreun e Konfiundustrisë, Gjergj Buxhuku lidhur me kapacitetin prodhues të energjisë në vend. • Ndërsa ministrja e Ekonomisë dhe Financave Delina Ibrahimaj në fjalën e saj, duke u ndalur tek nevoja e fuqisë punëtore, tha është hartuar e gjithë bazën ligjore që do të jetë gati në vitin e ardhshëm, dhe që të mos ketë dy aplikime një për leje qëndrimi dhe një për leje punësimi, por të ketë vetëm një aplikim, pasi sistemet do të ndërthuret.
5 artikuj për këtë temë.
TIRANË- Kryeministri Edi Rama është përplasur me kreun e Konfiundustrisë, Gjergj Buxhuku debatuan në lidhje me situatën energjetike në vend. Në takimin e sotëm, Buxhuku i tha Kryeministrit se duhen stabilizuar tregjet në vend. Sipas tij, vendi nuk ka varësi nga tregu pasi ka 20% kapacitete në tepricë. Por Rama ia rrëzoi pretendimet. Në përgjigje ndaj tij kryeministri Rama tha se që Shqipëria nuk i ka kapacitetet për të përballuar të gjitha nevojat e saj për energji është fakt. Po ashtu të gjitha investimet që pritet të bëhen në vend.
DEBATI NË TAKIM:
Gjergj Buxhuku është nismëtari dhe Administrator i Përgjithshëm i Konfederatës së Industrive të Shqipërisë (KonfIndustria)
Gjergj Buxhuku: Ne problematikat i kemi tek motori i makinës, të gjitha ndryshimet i kemi tek baza. Ne duhet të kemi kujdes për tregjet strategjike dhe ato më të mëdha në vend. Kam parasysh atë të karburanteve. Çmimet duhet të vihen nën kontoroll, janë të gjitha mundësitë që duke mënjanuar kontrabantën, jo vetëm të përballohet por edhe të dalim me plus. Duhet edhe sigurimi i energjisë elektrike, duhet të ishte punuar më shpejt. Ne nuk kemi lidhje me gazin rus 100%. Ne jo vetëm mund ta përballojmë, por mund të përfitojmë epërsi momentale. Ka ardhur momenti që të përmirësojmë politikat tregëtare. Jemi në prag të anëtarësimit në BE, nuk duhet të nënshkruajmë marrëveshjet që na bvënë para të tjerët. Siç ndodhi kur u anëtarësuam në OBT. Ofensivat 'dumping' janë shumë të ashpra. Serbia psh. nuk është anëtare, jo më kot.
Edi Rama: Dua një përgjigje të krizën
Gjergj Buxhuku: Sistemi energjitik ka kapacitete 20% të instaluara sesa nevoja
Edi Rama: Kjo është e pavërtetë
Gjergj Buxhuku: Nuk është e pavërtetë. E dyta është fakti që menaxhimi i sistemit ka problematika
Edi Rama: Pse?
Gjergj Buxhuku: I keni të qartë që problemagtikat janë të mëdha.
Edi Rama: Unë mendoj që nga menaxhimit të sistemit ne po i mbijetojmë goditjes
Gjergj Buxhuku: Dakord e lëmë me kaq. Kalojmë në temë tjetër
Edi Rama: Me qëllim të pyeta se ka të ndjerë që na ndjekim sepse ka shumë folklor në këtë temë. Shqipëria nuk prodhon edhe në ditën e saj më të mirë. Nuk ka mundësi që ta prodhojë të gjithë energjinë që konsumon. Nuk është opinion, është fakt i bazuar në shifra. Shqipëria nuk është e pavarur. Ne po bëjmë zbatimin e programit për ta pavarësuar Shqipërinë që të kthehet në eksportues NETO. Ne po ecim me ndërtimin e Skavicës. Mungesa e Skavicës është arsyeja pse nuk jemi të pavarur. Por nuk është e vetmja. Me Skavicën do optimizojmë kaskadën kryesore. Nuk do derdhim ujë nëpër fusha dhe nuk do dalim aq sa dalim se do përdorim ujin e mbledhur gjatë dimrit. Ne jemi të vetëdijshëm se vetëm me hidron nuk ia dalim dot. Prandaj po nxisim edhe investimet private. Kemi bërë marrëveshje për dy parqe fotovoltaike. Kemi sjellë dhe dy anije në Vlorë. Për këtë arsye po ecim dhe me projektin e gazit të lëngshëm. Të gjitha këto përfshirë edhe gazsjellësin do na çojnë aty ku disa mendojnë se jemi. Ne kemi naftë të rëndë, zgjidhja është ndërtimi i një rafinerie të re. Ne jemi në proces, por jam optimist se do t'ja dalim. Atëherë do flasim për çmim dhe konkurencë. Të flasësh për kontrabandë masive është opinion edhe ky. Janë populizma që nuk kanë asgjë bazë masive, natyrisht që ka edhe evazion, por ne po punojmë. Na duhet durim dhe kohë që t'i realizojmë pjesët e mozaikut, e të jemi të pavarur. Pastaj le të ketë kriza bota. Nëse vitin e ardhshëm do na vijë lajmi se nafta dhe gazi e gjetur në Shpirag janë komerciale, atëherë pastaj do të flasim për një tjetër Shqipëri dhe fuqi. SHELL po bën të gjithë testet, cilësia është naftë super e lehtë. Problemi është kompercializimi sepse është thellë. Po kontrollohet nëse është sasia e mjaftueshme për të arsyetuar investimin masiv që do të bëhet. Bëhet fjalë për disa miliada euro investim. Kjo është ëndërr e bukur.
Gjergj Buxhuku: Për të qenë i drejtë deri në fund, Shqipëria ka prodhuar në vitin 2011 6.5% më shumë sesa ka konsumuar.
TIRANË- Kryeministri Edi Rama ka kërkuar mbështetje nga bizneset për fushën e IT. Në një takim, kreu i qeverisë tha se në vend do të krijohen kushtet në bashkëpunim edhe me bizneset që të ketë më shumë burime njerëzore të kualifikuara në informatike, digjitalizim dhe IT.
"Duam që biznesi të ketë burime më të kualifikuara në IT dhe informatike. Është e domosdoshme të veprojnë dhe kompanitë të financojnë tek ato resurse që i duan për vete. Do punojnë më pas në kompanitë e tyre. Kërkesat e kompanive për IT janë të shumta dhe në rritje, të gjithave i lind kjo nevojë dhe besoj që duke krijuar një ndërveprim për zhvillimin e këtyre kurseve të mund të realizojmë një kërcim për kapacitetet e prodhimeve. T'u japim mundësinë për punë të mirëpaguara,"-u shpreh ai.
TIRANË- Gjatë takimit të kryeministrit Edi Rama me dhomat e bizneseve është mbajtur një minutë heshtje për të nderuar Mbretëreshën Elizabeth II, që u nda nga jeta ditën e djeshme.
Pas kërkesës së një prej të pranishmëve, Rama u çua në këmbë, i shoqëruar menjëherë nga ministret e tij.
TIRANË- Kryeministri Edi Rama u ka kërkuar përfaqësuesëve të bizneseve në Shqipëri që të investojnë tek prodhimi i energjisë diellore. Në një takim me Dhomat e Tregëtisë, Rama tha se do të shohë mundësitë që qeveria të ndihmojë në proces, ndërsa shtoi se e vetmja gjë që nuk mund të bëhet është shkëmbimi i energjive të prodhuara me shtetin. Ndaj dhe e bëri të qartë që diçka e tillë nuk do të ndodhte.
"Dua të nënvizoj situatën me energjinë. Dua të theksoj nevojën për konsumin energjitik, përdorni energjinë diellore. Është koha për t'i rënë lapsit të gjithë. Dëshiroj të theksoj nevojën që të nxisim kalimin e konsumit energjetik dhe biznesi mund ta paraprijë. Me burim energjinë diellore. Është koha për t’i rënë lapsit të gjithë që investimet për të prodhuar energji në fabrikë të pranohen nga shteti si investime që duhet të përkthehen në shkëmbim energjie në rrjet. Nuk e ka shpikur Akoma bota formulën për të future në rrjet energjinë diellore. Çdo investim që bëhet në një vend si Shqipëria për të prodhuar konsumin e energjisë vetë nga dielli është fitimprurës dhe ul ndjeshëm kostot e energjisë për biznesin. Ne jemi krejtësisht të hapur të konsiderojmë instrumente për t’i bërë këto investime. Nuk dëshiroj të hedhim ide të pakoadura por i mirëpresim idetë nga ju dhe kushdo tjetër si mund të lehtësojmë investimin. Duke e harruar shkëmbimin e energjisë. Kjo nuk mund të ndodhë. Ne nuk bëjmë dot aventua të tilla, por çdo gjë tjetër që ka të bëjë me lehtësimin, ne jemi të gatshëm ta bëjmë,"-tha Rama.
TIRANË- Kryeministri Edi Rama është shprehur i pakënaqur me raportet që dalin nga Dhoma e Biznesit. Në fjalën e tij, Rama tha se sot se ka probleme për klimën e biznesit, por raportet nuk mund të jenë si më parë, kur kushtet kanë ndryshuar. Rama tha se po bëhen anketa jo profesionale dhe nuk pasqyrojnë zhvillimet pozitive, e se përfundime bazohet në opinionin që qarkullon.
"Sot kemi procese elektonike, nga ato të lodhshmet deri dje. është e pamundur që kjo mos të reflektohet në raportet që bëjnë vetë dhomat e tregëtisë. është e pamundur që të bëhemi pre e anketave të bëra në mënyrë joprofesionale që cënojnë punën dhe imazhin e këtij vendi. Nuk mund të jemi pre e opinioneve të marra rrugëve dhe kanaleve që përçojnë opinione që nuk përputhen me realitetin. Nuk ka asgjë për ta ngjyrosur me rozë, por që sot janë si dita me natën. Një ekspertues i ka shumë më të pakëta hallet që kishte dje. është e pakuptueshme që të mos pasqyrohet. Unë besoj që na takon që të takojmë nga të gjitha dhomat e biznesit që të jenë më të përgjegjshëm për mënyrën sesi i përgatisin ato raporte. Jo sepse dua unë por sepse është e pamundur që Shqipëria të dalë njësoj, si kur kishte radhë kilometrike, kontrolle e prita në dogana, me sot që e gjitha bëhet në mënyrë elektronike. Si dalin njësoj këto? Këto dalin njësoj nga arbitrariteti dhe nga anketime që bëhen në mënyrë jo profesionale. Kjo kërkesë e imja ka të bëjë me një raport përgjegjshmërie me vendin, të të dyja palëve,"- tha Rama.
