6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Teksa në Kuvend vijon seanca maratonë për buxhetin 2025 qytetarë të shumtë janë mbledhur në rrugën kryesore para Parlamentit, të thirrur nga opozita. • Opozita ka lajmëruar se gjatë votimit të buxhetit prej 8 miliardë eurosh do të zhvillojë protestë kundër miratimit. • Në nisje të protestës, protestuesit kanë mbajtur 1 minutë heshtje në nder të 14-vjeçarit që mbeti viktimë e një sherri ditën e djeshme. • Nga ana tjetër forcat e Policisë së Tiranës dhe ato të Shtetit janë pozicionuar rreth Parlamentit, për të siguruar mbarëvajtjen e protestës së thirrur. • Gjithashtu protestës së sotme, i janë bashkuar edhe pensionistët të cilët ndihen të nënvlerësuar nga qeveria dhe buxheti i parashikuar. • Pensionistët me pankarta në duar, kërkojnë nga qeveria rritjen e pensioneve me 20%. • Një nga pensioniste tha se kryeministri është armiku i betuar i shqiptarëve, pasi sot pensionistët po vuajnë për gjëra kryesore, ilaçet, pa të cilat nuk mund të jetojnë. • Pensionistët protestuan sot rreth dy orë të bashkuar me opozitën pasi sipas tyre, buxheti për vitin 2025 shkon vetëm për oligarkët.
7 artikuj për këtë temë.
TIRANË- Protesta para Kuvendit është mbyllur ditën e sotme, pas më shumë se 2 orësh. Mësohet se qytetarët, që u mblodhën ditën e sotme janë shpërndarë, pasi nisi që të binte shi.
TIRANË- Pensionistët i janë bashkuar protestës së opoztiës para Kuvendit. Të vendosur në kërkesën e tyre për rritjen e pensioneve, pensionistët thonë se ndihen si kategoria më e nënvlerësuar nga qeveria.
Teksa protestojnë me pankarata në duar, njëri prej pensionistëve është shprehur edhe për mediat, ndërsa ka thënë së ndihen në mjerim të plotë. Pensionisti shprehet i revoltuar pasi pensionet e tyre nuk mjaftojnë as për të blerë ilaçet.
Pensionistët protestojnë sot të bashkuar me opozitën pasi sipas tyre, buxheti për vitin 2025 shkon vetëm për oligarkët.
“Ne sot jemi në mjerim të plotë. Vetëm ilaçet na kushtojn nga 30 deri 60-mijë lek në muaj. Maqedonia i rriti pensionet me 80-euro pensionet. Mali i Zi që është vend me resurse më të pakta se Shqipëria. Serbia, që e ka shumë për zemër kryeministri ynë i rriti pensionet me 17%. Kosova një vend i vogël i rriti me gati 20 euro. I gjithë buxheti i miratuar për vitin 2025 shkon për oligarkët. Ky është buxheti i skllavërimit.”, - u shpreh pensionisti.
TIRANË- Teksa në Kuvend vijon seanca maratonë për buxhetin 2025 qytetarë të shumtë janë mbledhur para Kuvendit për të protestuar. Gjithashtu në mesin e protestuesve dhe folësve, janë edhe pensionistë, të cilët preken drejtpërdrejt nga ky buxhet.
Një nga pensioniste tha se kryeministri është armiku i betuar i shqiptarëve, pasi sot pensionistët po vuajnë për gjëra kryesore, ilaçet, pa të cilat nuk mund të jetojnë.
"Mirëmbrëma bashkëmoshatarët e mi. Sa vuajnë pensionistët shqiptar, sa i kanë të ardhurat? Dikur shqiptarët vuanin për pak bukë, ujë dhe kripë, ndërkohë sot, shqiptarët vuajnë për gjënë kryesore, qe nuk mund ta blejnë, vuajnë për ilaçet, pa të cilat nuk mund të jetojnë. Ky po i vdes, ky kryeministër, ky armik i shqiptarëve, armik i betuar i shqiptarëve. Teksa vinim këtu, kishte policë në katër anët, pse i duhet gjithë kjo polici Edi Ramës," shprehet pensionistja.
TIRANË- Opozita po proteston këtë të martë përpara Parlamentit të Shqipërisë. Ashtu siç edhe kishin paralajmëruar më herët, ata u mblodhën sot për të kundërshtuar miratimin e buxhtetit për vitin 2025. Protestës së sotme, i janë bashkuar edhe pensionistët të cilët ndihen të nënvlerësuar nga qeveria dhe buxheti i parashikuar.
Sikurse kanë vepruar edhe në protestat e tyre të mbajtura para disa ditësh përpara kryeministrisë, pensionistët edhe sot kanë kërkuar rritjen e pensioneve të tyre. Me pankarta në duar, ata kërkojnë nga qeveria rritjen e pensioneve me 20%.
Opozita e ka kundështuar buxhetin 2025 edhe gjatë seancave plenare, teksa e kanë konsideruar buxhet antisocial, që nuk i shërben as pensionistëve. Prandaj, opozita sot shprehet se ndodhet aty edhe në një formë ndërgjegjësimi me pensionistët.
TIRANË- Opozita po mban këtë të martë protestën e paralajmëruar para Parlamentit të Shqipërisë.
Ndërkohë mësohet, se protestuesit kanë mbajtur 1 minutë heshtje në nder të 14-vjeçarit që mbeti viktimë e një sherri ditën e djeshme pranë shkollës "Fan Noli" në kryeqytet.
Opozita po proteston jashtë ambjenteve të parlamentit për të kundërshtuar miratimin e buxhetit 2025. Deputetët e opozitës kanë dalë haptas kundër miratimit të buxhetit, të cilin e konsiderojnë antisocial.
TIRANË- Teksa në Kuvend vijon seanca maratonë për buxhetin 2025 qytetarë të shumtë janë mbledhur në rrugën kryesore para Parlamentit, të thirrur nga opozita. Gjithashtu opozita ka lajmëruar se gjatë votimit të buxhetit prej 8 miliardë eurosh do të zhvillojë protestë kundër miratimit.
Nga ana tjetër forcat e Policisë së Tiranës dhe ato të Shtetit janë pozicionuar rreth Parlamentit, për të siguruar mbarëvajtjen e protestës së thirrur. Ndërkohë ka qenë vetë Kreu i PD-së, Sali Berisha, ai qu u ka bërë thirrje mbështetësve të tij që të pengojnë miratimin e këtij akti, që e quan “buxheti i vjedhjeve”.
TIRANË- Ditën e sotme në Kuvend vijon seanca maratonë për buxhetin 2025. Pas seancës së djeshme e cila zgjati për më shumë se 10 orë ku u diskutua projektbuxheti për vitin 2025 sot pritet që ky buxhet të votohet. Gjithashtu opozita është e pranishme në diskutimet për buxhetin, ndërsa ka lajmëruar se ditën e sotme do të zhvillojë protestë kundër miratimit të buxhetit.
Po ashtu pas lajmërimit të opozitës për protestë, në Kuvend ka mbërritur një zjarrfikëse, si masë për tubimin që pritet të zhvillohet. Kreu i Partisë Demokratike, Sali Berisha, u ka bërë thirrje mbështetësve të tij që të pengojnë miratimin e këtij akti, që e quan “buxheti i vjedhjeve”.
