Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
• Ish-drejtoresha e AKSHI-t, Mirlinda Karçanaj, e cila është nën hetim nga SPAK pas dyshimeve për shkelje me tenderët, ka folur për herë të parë lidhur me akuzat, raportin me Ergys Agasin, jetën personale, pasuritë dhe sekuestrimet ndaj saj. • E ftuar në emisionin "Top Story", Karçanaj tha se Ergys Agasin e ka njohur gjatë kohës që ai punonte në administratë. • Karçanaj u shpreh se videoja e takimit në zyrën e Agasit është nxjerrë nga konteksti dhe se ajo e ka shpjeguar në SPAK që herën e parë të marrjes në pyetje se çfarë është folur dhe kontekstin. • Ish-drejtoresha e AKSHI-t thotë, se nuk i takon asaj të përcaktojë nëse Agasi ka apo jo përgjegjësi penale, duke theksuar se kjo është detyrë e akuzës dhe e procesit hetimor. • Karçanaj foli edhe me fjalët e Kryeministrit Edi Rama, duke thënë se aktualisht jeton në një apartament me qira, të cilin e ka zgjedhur pranë vendit të punës pasi vetë ajo nuk drejton mjet. • Sa i përket pasurive të sekuestruarave, Karçanaj theksoi se sekuestrimi nuk do të thotë automatikisht që një pasuri është e paligjshme. • Karçanaj foli ndër të tjera edhe për periudhën e emigrimit në Kanada, duke thënë se dilte nga shtëpia në 7 të mëngjesit dhe kthehej në 8 të darkës. • E pyetur për përgjegjësitë që ajo ka, Karçanaj tha se përgjegjësia administrative nga ajo penale janë të ndryshme. • Lidhur me rolin e saj në institucion, Karçanaj theksoi, se drejtimi i AKSHI-t ka qenë i orientuar drejt zbatimit të ligjit dhe respektimit të procedurave.
5 artikuj për këtë temë.
TIRANË- Ish-drejtoresha e AKSHI-t, Mirlinda Karçanaj, ka deklaruar se nuk pret që ta besojë njeri, pas të gjitha akuzave dhe pretendimeve që janë thënë për të. E ftuar në emisionin "Top Story", Karçanaj tha se ndjen detyrimin moral ndaj familjes, fëmijëve dhe bashkëpunëtorëve të saj për të treguar publikisht të vërtetën. Ajo u shpreh gjithashtu se për sa kohë ka qenë në krye të AKSHI-t, institucioni ka pasur një transformim të madh digjital në shërbimet publike.
Më tej, Karçanaj nënvizoi se vetëm në katër vitet e fundit janë kursyer mbi 1700 vite kohë për qytetarët dhe rreth 1 miliard kilometra udhëtime, falë shërbimeve elektronike që shmangën paraqitjet fizike në institucione.
“Unë nuk pres të më besojë njeri, aq më tepër pas gjithë atyre që kanë dëgjuar për mua. Por shpresoj të dëgjohet edhe kambana ime, kur i thuhet fjalës, të ndoqët një proces ligjor që nuk është i njëanshëm, në të cilën i akuzuari nuk presupozohet fajtor që në krye të herës. Unë i detyrohem dy fëmijëve të mi, familjes sime, të gjithë ata që kam punuar dhe më njohin, të them të vërtetën publikisht. Në AKSH ka ndodhur një revolucion që është i jashtëzakonshëm. Ka ndryshuar mënyrën se si publiku dhe qytetarët marrin shërbimet.
Vetëm në 4 vite të analizuara janë mbi 1700 vite të kursyera nga qytetarët dhe 1 mld kilometra që qytetarëve do tu ishin dashur për të shkuar nga një zyrë në tjetrën. Revolucioni publik i AKSHI-t është ajo që nuk e zhbën më askush edhe sikur të ketë të vërteta në ato që po hetohen. Transformimi digjital i AKSHI-t kanë qenë për mua motiv jetësor që më ka bërë për 12 vite rresh të dal në mëngjes për të shkuar në punë dhe për të ndalë nga atje në mbrëmje vonë. Të thuash që janë fajtorë të gjithë ata që e kanë bërë Shqipërinë të ishte krenare, kjo sepse janë pjesë në AKSH, të thuash janë fajtorë ata që e kanë bërë Shqipërinë totalisht elektronike," tha Karçanaj./Dosja.al
TIRANË- Ish-drejtoresha e AKSHI-t, Mirlinda Karçanaj, ka folur për jetën personale, pasuritë dhe sekuestrimet ndaj saj. E ftuar në emisionin "Top Story", Karçanaj deklaroi, se gjithçka që ka ndërtuar është rezultat i punës së saj ndër vite dhe se çdo pasuri është e deklaruar sipas ligjit. Ish-drejtoresha e AKSHI-t foli edhe me fjalët e Kryeministrit Edi Rama, duke thënë se aktualisht jeton në një apartament me qira, të cilin e ka zgjedhur pranë vendit të punës pasi vetë ajo nuk drejton mjet.
Sa i përket pasurive të sekuestruarave, Karçanaj theksoi se sekuestrimi nuk do të thotë automatikisht që një pasuri është e paligjshme. Karçanaj foli ndër të tjera edhe periudhën e emigrimit në Kanada, duke thënë se dilte nga shtëpia në 7 të mëngjesit dhe kthehej në 8 të darkës.
“Jetoj në një shtëpi me qira. Deri në vitin 2024 kam jetuar në apartamentin ku kam lindur. Apartamentin ku jetoj me qira e kam marrë me kontratë dhe e kam zgjedhur afër punës, sepse nuk drejtoj makinë dhe nuk kam makinë. Një pasuri e sekuestruar nuk është e paligjshme. Por dua të shtoj se nuk mund të provoj ndjesi më të keqe se kriminalizimi i jetës sime. Ato janë orenditë dhe muret e ndërtuara me dinjitet. Kam 30 vjet që punoj. Kam emigruar në Kanada, kam dalë nga shtëpia në 7 të mëngjesit dhe kthehesha në 8 të darkës”, deklaroi ish-drejtoresha e AKSHI-t./Dosja.al
TIRANË- Ish-drejtoresha e AKSHI-t Mirlinda Karçanaj, ka folur lidhur me akuzat për abuzime me tendera dhe ndryshimit të masës nga arrest me burg, në arrest shtëpie. E ftuar në emisionin "Top Story", Karçanaj tha se përgjegjësia administrative nga ajo penale janë të ndryshme. Ajo theksoi, se përgjegjësia administrative është pjesë e punës së drejtimit të një institucioni dhe sipas, ka përgjegjësi për tu siguruar që proceset ndodhin dhe hallkat kryejnë punët e tyre.
“Përgjegjësia administrative e drejtuesit të institucionit është të sigurojë mbarëvajtjen e punës, por nuk mund të shndërrohet në përgjegjësi penale… përgjegjësia administrative dhe penale janë të ndryshme. Është individuale përgjegjësia dhe kushdo që e ka bërë këtë shkelje duhet të mbajë përgjegjësi penale. Përgjegjësia administrative është pjesë e punës së drejtimit të një institucioni. Ka përgjegjësi për t’u siguruar që proceset ndodhin dhe hallkat kryejnë punët e tyre. Por nuk mund të ketë përgjegjësi se një hallkë e caktuar mund të ketë shkelur ligin”, u shpreh ajo./Dosja.al
TIRANË- Ish-drejtoresha e AKSHI-t, Mirlinda Karçanaj, ka komentuar për herë të parë publikisht raportin e saj me Ergys Agasi dhe hetimet që lidhen me çështjen e AKSHI-t. E ftuar në emisionin në "Top Story", Karçanaj deklaroi se kontaktet institucionale nuk mund të interpretohen automatikisht si përgjegjësi penale.
Ish-drejtoresha e AKSHI-t u shpreh, se nuk i takon asaj të përcaktojë nëse Agasi ka apo jo përgjegjësi penale, duke theksuar se kjo është detyrë e akuzës dhe e procesit hetimor. Lidhur me rolin e saj në institucion, Karçanaj theksoi, se drejtimi i AKSHI-t ka qenë i orientuar drejt zbatimit të ligjit dhe respektimit të procedurave.
“Në funksione publike është e domosdoshme të kesh kontakte, sepse në të kundërt nuk bëhet puna. Por kontaktet nuk mund të shndërrohen në përgjegjësi penale. Mund të ketë faj, nuk më takon mua ta them këtë. I takon akuzës të hetojë duke analizuar provat dhe dokumentat dhe më pas të dalë në përfundime.
Ajo që mund të them për veten është se mënyra si e kam drejtuar institucionin ka qenë qartësisht e orientuar që të zbatohet ligji, të mos shkelet asnjë procedurë dhe gjithçka të jetë konform ligjit. Sa i takon prokurimeve, kam zgjedhur të mos merrem me të përditshmen. Madje kam deleguar rolin e titullarit të prokurimeve. Nuk i kam ndjekur prokurimet”, deklaroi ajo./Dosja.al
TIRANË- Ish-drejtoresha e AKSHI-t, Mirlinda Karçanaj, e cila është nën hetim nga SPAK pas dyshimeve për shkelje me tenderët, ka folur për herë të parë lidhur me çështjen. E ftuar në emisionin "Top Story", Karçanaj e prekur tregoi se nuk ka zgjedhur të heshtë, por e ka pasur të pamundur të flasë. Karçanaj tha më tej, se vendimi i Gjykatës së Lartë, duke e lënë në detyrim paraqitjeje, ia ka lehtësuar pak situatën. Karçanaj u shpreh gjithashtu se akoma nuk është pyetur për gjithë akuzat.
Mirlinda Karçanaj: Unë nuk kam zgjedhur të hesht, por e kam pasur të pamundur të flas. Jam gjendur befas në një botë që isha e papërgatitur, botë e kthyer përmbys. Kam jetuar e mbyllur jo vetëm brenda katër mureve, por me atë vetminë e fajësisë të paracaktuar, e goditur me gurë nga të katërta anët. Por dhe me përgjegjësinë e një nënë që duhej të mbroja fëmijët e mi, kur unë nuk mbroja dot veten time. Kam jetuar si një emër në një dosje dhe jo si njeri që ka të drejtë të mbrohet. Nuk kam ardhur këtu për të fajësuar askënd, por për trajtimin tim si një person që nuk jam. Dua të theksoj që çdo proces duhet të hetohet, çdo përgjegjësi të verifikohet, por jo duke poshtëruar cilido të jetë ai person. Si mund të jem unë e pafajshme kur historia ime është treguar nga të gjithë ata që nuk e dinë si është kjo histori? Kur unë nuk jam pyetur për të gjitha të zezat që më janë veshur publikisht./Dosja.al
