“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Zbulohen detaje të tjera nga dosja hetimore që çoi në pranga kryetarin e Bashkisë së Bulqizës, Lefter Alla. • Kryebashkiaku, tashmë në burg, është filmuar në shoqërinë e Aqif Koneshës në një lokal. • Por jo vetëm kaq. • Si Alla, ashtu edhe Konesha kanë udhëtuar së bashku, e po ashtu në dosje thuhet se Lefter Alla përdorte dhe makinat e biznesmenit për të udhëtuar, një prej të cilave ishte e markës “Range Rover”. • Nga hetimet rezulton se “2AF” kompania e Aqif Koneshës është skualifikuar fillimisht nga gara, e më pas ka bërë bashkim kompanish duke u shpallur dhe fituese për të realizuar punimet në ujësjellësin e Bulqizës duke marrë një tender prej 3 milionë eurosh. • Si pasojë në pranga, bashkë me Allën, janë vendosur nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku. • Dosja tashmë ka kaluar për gjykim në GJKKO, ndërkohë që aktualisht, 2 muaj para zgjedhjet "karrigia" e Allës në Bashki ka mbetur bosh.
2 artikuj për këtë temë.
TIRANË- Kryetari i Bashkisë së Bulqizës Lefter Alla, i cili është vënë në pranga është filmuar duke konsumuar diçka në një lokal me njeriun që i dha tenderin për të cilin dhe u arrestua. OraNews shkruan se gjatë hetimit prokurorët e SPAK-ut kanë kapur në një lokal Aqif Koneshën dhe Lefter Allën, ndërsa kanë faktuar dhe udhëtimet e tyre jashtë vendit.
Nga hetimet rezulton se “2AF” kompania e Aqif Koneshës është skualifikuar fillimisht nga gara dhe pas disa kohësh rezulton se ka bërë bashkim kompanish duke u shpallur dhe fituese për të realizuar punimet në ujësjellësin e Bulkqizës dhe rrjedhimisht duke fituar tenderin 3 milionë eurosh. Në dosje thuhet se Lefter Alla përdorte dhe makinat e Koneshës për të udhëtuar, një prej të cilave ishte e markës “Range Rover” me targa AA009XH. Një prej takimeve që është faktuar nga SPAK rezulton se ka ndodhur në një lokal që quhet "Vip Beer" në Bulqizë. I pranishëm rezulton të ketë qenë edhe Alban Konesha, vëllai i pronarit të kompanisë që ka fituar tenderin.
Pjesë nga dosja hetimore:
Nga kqyrja e sistemit TIMS në lidhje me hyrje-daljet nga territori i RSH të shtetasit Lefter Alla evidentohet që shtetasi Lefter Alla në datë 16.04.2021, ka dalë nga territori i RSH me automjetin me Targë AA009XH. Ky automjet rezulton të jetë i regjistruar në emër të shoqërisë "2 AF ALBANIA GROUP". Ndërsa në datë 09.03.2020, ka dalë nga territori i RSH, me automjetin me Targë AA594ZF, i cili është në pronësi të shoqërisë "2 AF ALBANIA GROUP". Në datë 09.03.2020, rezulton që bashkë me shtetasin Lefter Alla, të ketë udhëtuar në të njëjtin automjet edhe shtetasi Aqif Konesha, i cili është administratori i subjektit tregtar "2 AF ALBANIA GROUP". Në datën 03.03.2022, ora 10.20' konstatohen dy punëtorë të firmës "2 AF ALBANIA GRUP", duke punuar në rrugë tek Shëtitorja e Bulqizës. Ora 10.30' konstatohen te Shëtitorja e Bulqizës në afërsi të spitalit, duke kryer punime në lëvizje, një pjesë të ndaluara, automjeti tip Mercedes Benc ngjyra vishnje, me targa AA 316 DI, një automjet "Varisk" ngjyra e verdhë, një automjet tip "Kamionçin" ngjyrë e bardhë, me targa AA 604 DM, dhe automjeti tip "Citroen", ngjyra gri, me targa AA 901 RX, në lëvizje, si dhe disa tuba betoni, dhe shtylla betoni. Konstatohet shtetasi Alban Konesha (vëllai i shtetasit Aqif Konesha) në automjetin me targa AA 952 RC, duke biseduar me drejtuesin e automjetit me targa AA 901 RX Ora 16.20' konstatohet shtetasi Lefter Alla, të dali nga Bashkia Bulqizë, ecën në këmbë për gati 10 metra dhe hyn në ambientet e brendshme te një lokali me mbishkrimin "Vip Beer". Ora 16.39' konstatohet shtetasi Aqif Konesha, i cili vjen me automjetin tip "Range Rover", ngjyra e zezë, me targa me targa AA 594 ZF, zbret nga automjeti dhe hyn te bar "Vip Beer". Ora 16.42' dalin nga bar "Vip Beer", shtetasi Aqif Konesha, së bashku me shtetasin Lefter Alla, shtetasi Aqif Konesha hipën në drejtim të automjetit tip "Range Rover", ngjyra e zezë, me targa AA 594 ZF, kurse shtetasi Lefter Alla, hipën në sediljen e parë të automjetit. Automjeti vazhdon lëvizjen në drejtim të Qafës së Buallit ku ndalojnë, në automjet hipën në sediljen e pasme të automjetit shtetasi Alban Konesha, vazhdojnë lëvizjen në një rrugë të dytësore me çakull, dhe më pas hyjnë në një tunel, në Qafë të Buallit.
Kryetari i Bashkisë së Bulqizës, Lefter Alla u vu në pranga pak ditë më parë. Ndaj tij rëndojnë dy akuza, korrupsion dhe abuzim me tenderat publikë. Bashkë me Allën është vënë në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.
Këta persona në bashkëpunim me njëri-tjetrin dyshohet se kanë kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë.
TIRANË- Zbardhet vendimi i Komisionit të Vlerësimit të Ofertave që i tha tenderin firmës që kishte lidhje me kryetarin e bashkisë Bulqizë Lefter Alla.
VENDIMI
Më datë 02.04.2021 nga KVO është përpiluar Vendimi nr.1 datë 02.04.2021 "Për kualifikimin e ofertuesve pjesëmarrës në tender". Nga përmbajta e këtij akti rezulton se KVO, pas shqyrtimit të dokumentacionit, ka kualifikuar vetëm BOE EGLAND&BE-IS dhe ka skualifikuar operatorët e tjerë ekonomikë me arsyet e mëposhtme: Tek OE GJOKA KONSTRUKSION, janë konstatuar si mangësi mosplotësimi i kriterit për shlyerjen e taksave, tarifave dhe detyrimeve vendore; mosplotësimi i kriterit për punë të ngjashme; mosplotësimi i kritereve për listpasgesat e të punësuarve apo për kualifikimin e punonjësve, për dokumentacionin shoqërues të mjeteve të kërkuara në DST apo për mungesën e kontratës së furnizimit të shoqëruar me lejë mjedisore kodi III.2.B.
Tek BOE KUPA&2 AF ALBANIA GROUP janë konstatuar si mangësi mungesa e licensave profesionale; mungesa e dokumentacionit për kualifikimin e stafit teknik dhe punëtorët e kërkuar; mungesa e dokumentacionit shoqërues për mjetet e kërkuara; mungesa e kontratës së furnizimit të shoqëruar me lejë mjedisore kodi III.2.B. Për OE Liqeni VII janë konstatuar si mangësi mosplotësimi i kriterit për punë të ngjashme; mungesa e licensave profesionale; mungesa e dokumentacionit për kualifikimin e stafit Teknik, mosparaqitja e mostrave të tubave HDPE 3 ditë para zhvillimit të tenderit, etj. Ndërsa OE SENKA është skualifikuar për mosparaqitje të dokumentacionit në lidhje me xhiron vjetore, me stafin teknik, mosparaqitja e mostrave të tubave HDPE 3 ditë para zhvillimit të tenderit etj.
Kryetari i Bashkisë së Bulqizës, Lefter Alla u vu në prangat e Policisë së Shtetit. Ai është vënë në pranga me urdhër të SPAK për shkak se ndaj tij rëndojnë dy akuza, atë për korrupsion dhe abuzim me tenderat publikë. Bashkë me Allën është vënë në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.
Këta persona në bashkëpunim me njëri-tjetrin dyshohet se kanë kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë.
