“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Forcat Operacionale kanë vënë në pranga sot në Tiranë Aldo Avdylajn, i cili ishte shpallur në kërkim pas operacionit të gjerë të SPAK që goditi grupet kriminale të njohura si “Grupi i Rrumit të Shijakut” dhe “Avdylajt”. • Sipas bluve, Avdylaj akuzohet si organizator dhe bashkëdrejtues i grupit kriminal që qëndron pas ekzekutimit të Ermir Bregut, ngjarje e ndodhur në vitin 2021 në Durrës. • Pas disa ditësh në arrati, ai u lokalizua dhe u arrestua në një apartament pranë Kopshtit Zoologjik në Tiranë, ku ishte fshehur për t’iu shmangur drejtësisë. • Ndërkohë, Aldo Avdylaj, i përfshirë në komunikime të shumta në Sky ECC me Rrumin e Shijakut, rezulton të ketë qenë aktiv edhe në përfitime nga toka në zonën e Gjirit të Lalzit, sipas të dhënave të siguruara nga SPAK. • Nga këto komunikime, SPAK ka zbuluar se porositësi i vrasjes së Bregut ishte Astrit Avdylaj, si akt hakmarrjeje për një tentativë të mëparshme për të vrarë Aldon. • Sipas dosjes hetimore, ekzekutorë të ngjarjes ishin Alfred Doka dhe Ermir Dedja, ky i fundit u ekzekutua më 20 maj të këtij viti në Durrës, ndërsa Doka vijon të jetë në kërkim. • Si ndihmës në organizim, SPAK akuzon edhe Enea Kumen, vëllain e deputetit socialist Loer Kume.
4 artikuj për këtë temë.
TIRANA- Policia e Shtetit ka publikuar pamjet e momentit të arrestimit të Aldo Avdylajt, nipit të Astrit Avdylajt, i shpallur në kërkim për organizimin e atentatit ndaj Edmir Bregut në vitin 2021 në Durrës. Në videon e shpërndarë, shihet momenti kur forcat RENEA ndërhyjnë në banesën ku ai fshihej, pranë Liqenit të Thatë në kryeqytet, e shtrijnë në tokë dhe e arrestojnë. Pas vënies në pranga të 37-vjeçarit, policia ka zhvilluar kontroll në banesën e tij, ku janë sekuestruar disa armë zjarri dhe disa aparate celulare.
Aldo Avdylaj akuzohet nga SPAK si organizator dhe bashkëdrejtues i grupit që ekzekutoi Edmir Bregun, ndërsa fshihej prej disa javësh pas operacionit të 2 tetorit që goditi dy grupet kriminale të Aleksandër Lahos (Rrumi i Shijakut) dhe Astrit Avdylajt.
NJOFTIMI:
Policia e Shtetit
Finalizohet operacioni policor i koduar “Ghosts”.
Operacioni u zhvillua nga DVP Durrës, në bashkëpunim me Drejtorinë e Forcës së Posaçme Operacionale në DPPSh dhe Forcat Speciale “RENEA”.
Lokalizohet, kapet dhe vihet në pranga një shtetas me rrezikshmëri të lartë shoqërore.
Në pranga 37-vjeçari nga Shijaku, i akuzuar si pjesëtar i një grupi kriminal për krime kundër personit.
Gjatë ndërhyrjes në banesën ku fshihej 37-vjeçari, Policia gjeti dhe sekuestroi një armë zjarri pistoletë me municion luftarak.
Në vijim të punës për lokalizimin, kapjen dhe ndalimin e personave të shpallur në kërkim, strukturat operacionale të Policisë, bazuar në informacionet e siguruara në rrugë operative, për një shtetas në kërkim, me rrezikshmëri të lartë shoqërore, organizuan dhe finalizuan operacionin policor të koduar “Ghosts”.
Në kuadër të operacionit, Forcat Operacionale të DVP Durrës, në bashkëpunim me DFPO dhe Forcat Speciale “RENEA”, në afërsi të Liqenit të Thatë, kapën dhe vunë në pranga shtetasin E. A. alias A. A., 37 vjeç, banues në Shijak.
Ky shtetas akuzohet nga GjKKO-ja, për veprat penale "Vrasja me paramendim", kryer për hakmarrje, "Pastrimi i produkteve të veprës penale ose veprimtarisë kriminale", të kryera në kuadër të grupit të strukturuar kriminal, si dhe “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale iu referuan SPAK-ut, për veprime të mëtejshme./ Dosja.al
TIRANA- Personi që shihni në foton e mësipërme është i kërkuari nga drejtësia, Aldo Avdylaj. Opracionalja e vuri në pranga pas pak ditësh, ku mori fund arratia disa ditore e e Aldo (alias Elidon) Avdylajt, i shpallur në kërkim pas operacionit të 2 tetorit të zhvilluar nga SPAK, ku u goditën dy grupe të fuqishme kriminale që vepronin në Durrës, ai i Aleksandër Lahos (Rrumi i Shijakut) dhe Astrit Avdylajt.
Forcat Operacionale kanë bërë të mundur arrestimin e tij në Tiranë, ndërsa ai fshihej në një apartament pranë Kopshtit Zoologjik./ Dosja.al
TIRANA- Ka përfunduar pas pak ditësh arratia e Aldo (alias Elidon) Avdylajt, i shpallur në kërkim pas operacionit të 2 tetorit të zhvilluar nga SPAK, ku u goditën dy grupe të fuqishme kriminale që vepronin në Durrës, ai i Aleksandër Lahos (Rrumi i Shijakut) dhe Astrit Avdylajt. Forcat Operacionale kanë bërë të mundur arrestimin e tij në Tiranë, ndërsa ai fshihej në një apartament pranë Kopshtit Zoologjik.
Sipas hetimeve të SPAK, Aldo Avdylaj akuzohet si organizator dhe bashkëdrejtues i grupit që ekzekutoi Edmir Bregun në vitin 2021 në Durrës. Ngjarja është zbardhur përmes komunikimeve në aplikacionin Sky ECC, të siguruara gjatë hetimeve për grupin e Rrumit të Shijakut dhe Astrit Avdylajt.
Nga këto komunikime, SPAK ka zbuluar se porositësi i vrasjes së Bregut ishte Astrit Avdylaj, si akt hakmarrjeje për një tentativë të mëparshme për të vrarë Aldon. Sipas dosjes hetimore, ekzekutorë të ngjarjes ishin Alfred Doka dhe Ermir Dedja, ky i fundit u ekzekutua më 20 maj të këtij viti në Durrës, ndërsa Doka vijon të jetë në kërkim. Si ndihmës në organizim, SPAK akuzon edhe Enea Kumen, vëllain e deputetit socialist Loer Kume.
Më 2 tetor, në kuadër të këtij operacioni të gjerë, SPAK shkatërroi dy grupet kriminale që kishin shtrirje në Gjirin e Lalzit, të përfshirë në vrasje, pastrim parash dhe tjetërsim pronash përmes falsifikimit të dokumenteve. Në kuadër të hetimit u sekuestruan 11 pasuri me sipërfaqe totale 254.300 m² në zonën bregdetare të fshatit Shetaj, Durrës.
Në pranga ranë 4 persona:
- Vullnet Muça, vëllai i Aleksandër Lahos,
- Enea Kume, vëllai i deputetit Loer Kume,
- Vlash Brahja,
- Astrit Avdylaj alias Astrit Balliu, i cili ndodhet në burg në kuadër të operacionit “Revanshi”.
Ndërkohë, Aldo Avdylaj, i përfshirë në komunikime të shumta në Sky ECC me Rrumin e Shijakut, rezulton të ketë qenë aktiv edhe në përfitime nga toka në zonën e Gjirit të Lalzit, sipas të dhënave të siguruara nga SPAK.
Dosja hetimore për grupin Avdylaj në Durrës, ka nxjerr komunikimet e këtyre të fundit me njëri-tjetrin. Në dosjen hetimore, të siguruar nga Dosja.al, është një moment komunikimi mes Astrit Avdylajt dhe nipit të tij Aldo Avdylajt. Astriti këshillon nipin e tij, që të bëj kujdes dhe mos të ekspozohet me asnjë vend. Ndërkohë që i thotë se kudo ku të shkojë duhet të jetë me doreza dhe maskë në kokë.
“Co ben e budalli i Xhaxhit. Kujdes Mos u ekspozo, ok. Kujdes. Lenti ka bet. Knej. Osht. Jam dush. Me goj. Se ka shiet. Po. Meru me lacen. Mos te dall emri Olit. Jo me Olin. Kupto. Me ngjo ka ka nji her. Me lacen. Dhe duet kujdes. Mos bëj zhurm Kujdes, Lenti ku osht, ok. Bier fort. Lentit. Mos e ruj per asgje. Bjeri e ke ok ka mua Lentit. Ok, ca dush bej. Me durrsaket. Pe me men, Bleri lentit, Ne kok. Masken ne kok. kudo qe te shkosh. Dorezat. Mos hec shum Pes metra. Kupto, Kur te dalesh er pun. Me skafanta. Gjuj në bark. Foi me Lacen per plazhin. Shpin ja din. Kshu qe mos e von”, i shkruan Avdylaj nipit./ Dosja.al
TIRANA- Forcat Operacionale kanë vënë në pranga në Tiranë shtetasin Aldo Avdylaj, i cili ishte shpallur në kërkim pas operacionit të gjerë të SPAK që goditi grupet kriminale të njohura si “Grupi i Rrumit të Shijakut” dhe “Avdylajt”. Sipas bluve, Avdylaj akuzohet si organizator dhe bashkëdrejtues i grupit kriminal që qëndron pas ekzekutimit të Ermir Bregut, ngjarje e ndodhur në vitin 2021 në Durrës.
Pas disa muajsh kërkimesh, ai u lokalizua dhe u arrestua në një apartament pranë Kopshtit Zoologjik në Tiranë, ku ishte fshehur për t’iu shmangur drejtësisë.
Akuzat e ngritura nga SPAK ndaj tij:
a. “Vrasje me paramendim”, kryer per hakmarrje, në dëm të shtetasit E.B alias I. K në datën 24.01.2021 në qytetin e Durresit, kryer në formë të veçantë të bashkëpunimit, atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 78/2, 28/4 dhe 334 paragrafi i dytë të Kodit Penal.
b. “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë të bashkëpunimit atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 278/1, 28/4 dhe 334 paragrafi i parë të Kodit Penal.
c. “Grupi i strukturuar kriminal”, parashikuar nga neni 333/a/1 i Kodit Penal./ Dojsa.al
