Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Sot nis viti i ri shkollor 2023-2024. •Rreth 29 mijë nxënës do të ulen sot për herë të parë në bankat e shkollës, ndërkohë që rreth 27 mijë nxënës janë regjistruar në klasën e 10-të. •Mirëpo, ky vit ka gjetur më pak nxënës në bankat e shkollës. • Në Lezhë u ulën një numër i vogël nxënësish krahasuar me një vite më parë. •519 nxënës janë regjistruar në klasat e para në shkollat publike, ndërsa tek privati 117 për rrethin Lezhë. •Edhe në Korçë ka 228 nxënës më pak se vitin e kaluar.•Edhe Elbasani, Vlora dhe Shkodra, këtë vit do të ketë më pak nxënës që ulen në bankat e klasës së parë.
4 artikuj për këtë temë.
SHQIPËRI- Dita e sotme ka shënuar nisjen e vitit të ri shkollor 2023-2024 në të gjithë vendin.
Ajo çfarë vihet rë këtë vit shkollor është ulja e numrit të nxënësve, sidomos të atyre që ulen për herë të parë në bankat e shkollës, ku mesatarisht në të gjitha bashkitë e qarkut, përvec Fierit arrin në 150. Në Korçë mësohet se për shkak të kësaj janë mbyllur 7 klasa të para.
Në Berat për shkak të rindërtimit të gjimnazit më të madh në qarkun e Beratit “Babë Dudë Karbunara”, mësimi për nxënësit e këtij gjimnazi do të zhvillohet pasdite në shkollën 9-vjeçare “22 Tetori”. Këtë vit në qarkun e Beratit kanë hapur dyert për vitin e ri arsimor 58 shkolla (9-vjeçare dhe të mesme). Numri total i nxënësve në këto shkolla është 5350 nxënës,ndërkohë që në bankat e shkollës ulen për herë të parë 540 vogëlushë në klasën e parë.
Për këtë vit të ri shkollor 2023-2024 nuk ka asnjë shkolle mbyllur ,ndërsa numri i shkollave qender është 52 plus 2 shkolla profesionale , kurse numri i shkollave vartëse është 10. Ndërkohë këtë vit akademik , siguria e nxënësve do të ketë një vemendje të vecantë në kuadër të paketës së sigurisë . Në këtë nisje të vitit të ri shkollor 2023-2024 vihet re një reduktim i ndjeshëm i numrit të nxënësve vecanërisht në shkollat e zonave rurale, ku krahasuar me vitin e mëparshëm mësimor ka rreth 3000 nxënës më pak.
KORÇË-Ditën e sotme ka nisur viti i ri shkollor 2023-2024 në të gjitha qarqet e vendit. Në qarkun e Korçës ajo që vihet re në nisje të shkollës është ulja e nxënësve për klasat e para me rreth 228 më pak se vitin e kaluar.
Për herë të parë në bankat e shkollës për këtë vit janë ulur 1526 nxënës ndryshe nga viti i kaluar kur numri i tyre shkonte në 1754 nxënës.Këtë vit edhe pse ka pasur ndryshime ligjore ku në klasën e parë janë regjistruar edhe nxënës të cilët ende nuk kanë mbushur moshën 6 vjecare duket se numri është tepër i ulët.
Drejtoria Rajonale e Arsimit Parauniversitar e qarkut Korçë në një informacion për mediat ka pranuar rënien e numrit të nxënësve duke u shprehur se janë mbyllur rreth 7 klasa të para në disa shkolla por nuk ka shkolla të mbyllura. Rënia e numrit të nxënësve do të sjellë edhe reduktim të orëve të mesuesve ku një pjesë e tyre mund të mbeten jashtë sistemit të punësimit në arsim.
ELBASAN- Ditën e sotme ka nisur viti i ri shkollor, mirëpo ndryshe nga vitet e kaluara, numri i nxënësve është përgjysmuar.
Në klasat e dhjeta, ku vihet re numri i ulur ndjeshëm se një vit më parë, filluan mësimin në gjimnaze vitin e kaluar 1175 nxënës (688 publike, 235 private, 252 profesionale) ndërsa këtë vit do të fillojnë klasën e dhjetë 952 nxënës (431 publike, 246 private, 275 profesionale).
Në klasat e para këtë vit do të ulen 58 nxënës më pak, ndërsa në klasat e dhjeta 223 nxënës më pak. Rritje është konstatuar në arsimin profesional por edhe një rritje e ulët në shkollat private për klasat e dhjeta.
Shkollat që do të bashkohen janë Hasan Pulo dhe Balil Pelari Orikum, Faslli Danaj Llakatund, Ibrahim Kushta dhe Shaban Demiraj Vlore. Edhe Elbasani këtë vit do të ketë më pak nxënës që ulen në bankat e klasës së parë.
Në zyrën arsimore të Elbasanit janë regjistruar 1110 nxënës në klasën e parë shtetërore dhe 95 nxënës në atë private, përsa i përket gjimnazit janë regjistruar 10783 nxënës në atë shtetëtorë dhe 150 në atë private.
Shkaqet kryesore janë rënia e numrit të lindjeve, si dhe emigracionit, ndërsa për fshatra mbetet levizja drejt qyteteve.
Rënia e numrit të nxënësve këtë vit në Elbasan nuk ka sjellë mbyllje të shkollave, por në zonat malore mund të shoqërohet me bashkim drejtorish të shkollave.
TIRANË- Sot nis viti i ri shkollor 2023-2024.
Rreth 29 mijë nxënës do të ulen sot për herë të parë në bankat e shkollës, ndërkohë që rreth 27 mijë nxënës janë regjistruar në klasën e 10-të.
“Suksese në vitin e ri shkollor për çdo nxënës, mësues dhe prind në Shqipëri, e në veçanti për të gjithë ata nxënës që hyjnë në klasë të parë! Puna dhe përkushtimi juaj i sotëm, ndërtojnë Shqipërinë e së nesërmes”, shkruan presidenti Bajram Begaj.
Rreth 800 punonjës të shërbimit psiko-social janë në shërbim të nxënësve me numër të shtuar kabinetesh të shërbimit Psiko-Social, nga rreth 400 në rreth 560.
Klasat burimore për nxënësit me aftësi ndryshe, nga 120 bëhen 279 (rreth 280), ndërsa 100 shkollave ku ka laboratorë Smart (smartlab) do t’i shtohen këtë vit edhe 200 shkolla të tjera, të cilat së bashku me laboratorët shkencorë do ta rrisin më shumë cilësinë e mësimdhënies.
