Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•4 vrasjet e ditëve të fundit i lanë sot vendin aksidenteve me viktima në Shqipëri. •Pa kaluar as 24 orë, janë rregjistruar tre viktima nga përplasjet me makina. • Dy në Tiranë dhe një në Fier. •Aksidenti i parë ndodhi në aksin rrugor “Levan-Tepelenë”, në vendin e quajtur “Kryqëzimi i Cakranit”. Flamur Maloku, banues në Kosovë, aksidentoi për vdekje me automjetin tip “Jeep”, 75 vjeçarin Hysen Rucaj, banues në Cakran. •Nuk kaloi as 1 orë kur u raportua për një tjetër vdekje. •Marjana Seitaj, vetëm 25-vjeç u përplas për vdekje nga një makinë e cila iu fut në banesë. Drejtuesi i mjetit, Sajmir Taci, i cili dyshohet se ishte në efektin e lëndëve narkotike, humbi kontrollin e mjetit duke dalë nga rruga e më pas ka hyrë në oborrin e banesës. Sipas dëshmive të familjarëve, 25-vjeçares i ra porta sipër duke gjetur vdekjen më pas në spital. •Po në kryeqytet, pak minuta pas vdekjes së 25-vjeçares, ndërroi jetë nga plagët e marra një 32-vjeçar. Në zonën 'Mjull Bathore', një mjet tip kamionçinë me të cilën transportoheshin viça, është përplasur me trafikndarësen dhe si pasojë drejtuesi i mjetit, vetëm 32-vjeçar, ka ndërruar jetë. •
3 artikuj për këtë temë.
TIRANË- Viktima e tretë nga aksidentet në vend. Një kamion është përplasur me ndarësen e rrugës, e për pasojë ka ndërruar jetë drejtuesi i mjetit, 32-vjeçari me inicialet H.D. Kamionçina e cila u përfshi në aksident transportonte viça, njofton policia. Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e viktimës
NJOFTIMI I POLICISË:
Më datë 31.08.2022, në Mjull Bathore, një mjet tip kamionçinë me të cilën transportoheshin viça, është përplasur me trafikndarësen dhe si pasojë drejtuesi i mjetit, ende i paidentifikuar, ka ndërruar jetë. Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e viktimës. Materialet i kaluan Prokurorisë, për veprime të mëtejshme procedurale.
'Në lidhje me informacionin e dhënë pak më parë për një aksident në Mjull Bathore, ku ka humbur jetën drejtuesi i mjetit, ju informojmë se drejtuesi i mjetit është shtetasi H. D., 32 vjeç. Grupi hetimor po punon për sqarimin e rrethanave të aksidentit.'- njofton sërish policia.
Në orët e para të mëngjesit, u raportuan dy aksidentet me pasojë vdekjen, një në Fier dhe një në Tiranë. Ndërsa në Vlorë u shënua një aksident me pasojë lëndimin e një personi.
TIRANË- Një ngjarje e rëndë ka ndodhur në orët e para të mëngjesit në kryeqytet. Në rrugën "Shaban Bardhoshi", Sajmir Taci, duke drejtuar automjetin, ka humbur kontrollin mbi drejtimin e tij duke dalë nga rruga dhe ka hyrë në oborrin e një banese. Si pasojë ka gjetur vdekjen 25-vjeçarja Marjana Seita e cila ndodhej në oborr. E reja u transportua në spital mirëpo aty u shpall e vdekur.
Mësohet se Taçi po drejtonte mjetin me shpejtësi të madhe, ndaj u fut në oborrin e banesës së viktimës. Policia informon se drejtuesi i mjetit kishte konsumuar lëndë narkotike. Grupi hetimor po punon për sqarimin e rrethanave të aksidentit.
NJOFIMI I POLICISË:
Më datë 31.08.2022, rreth orëve të para të mëngjesit, në rrugën "Shaban Bardhoshi", shtetasi D. T., duke drejtuar automjetin, ka humbur kontrollin mbi drejtimin e tij duke dalë nga rruga dhe ka hyrë në oborrin e një banese. Si pasojë është dëmtuar shtetasja M. S., 23 vjeçe, që ndodhej në oborrin e banesës së saj, e cila më pas, ka ndërruar jetë në spital. Grupi hetimor po punon për sqarimin e rrethanave të aksidentit.
FIER- Një aksident me pasojë vdekjen e një personi ka ndodhur në vendin e quajtur “Kryqëzimi i Cakranit”. Flamur Maloku, banues në Kosovë, duke drejtuar automjetin tip “Jeep”, ka aksidentuar me pasojë vdekjen, 75 vjeçarin Hysen Rucaj, banues në Cakran. Policia ka bërë shoqërimin në Komisariat të drejtuesit të mjetit dhe po kryhen veprimet procedurale për rastin në fjalë.
NJOFTIMI I POLICISË:
Në orët e para të mëngjesit të sotëm, në aksin rrugor “Levan-Tepelenë”, në vendin e quajtur “Kryqëzimi i Cakranit” shtetasi F. M., 49 vjeç, banues në Kosovë, duke drejtuar automjetin tip “Jeep”, ka aksidentuar me pasojë vdekjen, shtetasin H. R., 75 vjeç, banues në Cakran, Fier. U shoqërua në Komisariat drejtuesi i mjetit dhe po kryhen veprimet procedurale. Grupi hetimor po punon për zbardhjen e plotë të rrethanave të aksidentit.
