Hera e dytë në pak muaj/ Përfshihet nga flakët spitali rajonal i Shkodrës, shkak i zjarrit dyshohet një shkëndijë elektrike

Drejtori teknik

SHKODËR- Drejtori teknik në Spitalin Rajonal të Shkodër ka reaguar në lidhje me raportimet për rënien e zjarrit në spital. Drejtori u shpreh se në spital nuk ka rënë zjarr. Sipas tij shtresa termoizoluese të cisternave kanë nxjerrë tym.

Ai më tej shtoi se nga kontrolloi i deritanishëm nuk rezulton se ka pasur defekte teknik. Drejtori shtoi se nuk ka pasur asnjë problem në shërbimin mjekësor dhe nuk është dashur të kryhet ndonjë veprim për evakuimin e pacientëve.

Në një intervistë për ABC Neës, ai shprehet se në dhomën teknik të paneleve diellore, shtresa termoizoluese të cisternave kanë nxjerrë tym. Në lidhje me shërbimin, ai tha se çdo gjë është në rregull dhe se pacientët nuk janë evakuuar.

“Ju informoj se nuk ka rënë zjarr në Spitalin Rajonal të Shkodrës. Në dhomën teknik të paneleve diellore, shtresa termoizoluese të cisternave kanë nxjerrë tym. Dhe vetëm si pasojë e kësaj ka dalë tymi që është bërë. Nga kontrolloi i deritanishëm nuk rezulton se ka pasur defekte teknik.

Asnjë shërbim nuk është prekur nga tymi që ka dalë. Nuk ka pasur asnjë problem në shërbimin mjekësor dhe nuk është dashur të kryhet ndonjë veprim për evakuimin e pacientëve. Do jetë eksperti që do ta zbulojë se nga ka dalë tymi.”, tha ai.

Spitali rajonal i Shkodrës u përfshi nga flakët pasditen e sotme. Zjarri ka rënë në katin nëntokë të spitalit ndërsa u raportua se flakët kanë përfshirë dhomat ku ndodhet farmacia e spitalit. Ngjarja u regjistrua rreth orës 19:30 në një dhomë në bodrumin e Spitalit Rajonal Shkodër ku janë të instaluara pompat e ujësjellësit.  Në lidhje me zjarrin ka reaguar edhe policia e cila ka bërë me dije se shkak i flakëve dyshohet të ketë qenë një shkëndijë elektrike. Pas rënies së zjarrit është shkaktuar edhe panik tek pacientët.  Zjarrfikësit kanë ndërhyrë menjëherë duke shuar zjarrin nga i cili ka vetëm dëme materiale. Grupi hetimor po punon për zbardhjen e plotë të shkakut të rënies së zjarrit. Kjo nuk është hera e parë që spitali përfshihet nga flakët pasi edhe në muajin janar, një zjarr masiv përfshiu spitalin e Shkodrës por deri më sot nuk janë zbuluar arsyet. 

pamje nga spitali

SHKODËR- Policia ka reaguar lidhur me zjarrin e rënë ditën e sotme në spitalin rajonal të Shkodrës. Në reagimin e tyre thuhet se zjarri ka nisur si pasojë e një shkëndije elektrike në bodrumin e spitalit ku janë të instaluara pompat e ujësjellësit. 

Më tej bëhet me dije se falë ndërhyrjes së zjarrfikëses, zjarri është shuar, ndërsa raportohet vetëm dëme materiale. Grupi hetimor ndodhet në vendngjarje dhe po punon për zbardhjen e plotë të shkakut të rënies së zjarrit.

NJOFTIMI I POLICISË: 

Shkodër/Informacion paraprak

Rreth orës 19:30, në një dhomë në bodrumin e Spitalit Rajonal Shkodër ku janë të instaluara pompat e ujësjellësit ka rënë zjarr, dyshohet si pasojë e një shkëndije elektrike.

Zjarrfikësit kanë ndërhyrë menjëherë duke shuar zjarrin nga i cili ka vetëm dëme materiale. Grupi hetimor nën drejtimin e Prokurorisë po punon për zbardhjen e plotë të shkakut të rënies së zjarrit.

Zjarri

SHKODËR- Spitali rajonal i Shkodrës është përfshirë nga flakët pasditen e sotme. Sipas informacioneve paraprake zjarri ka rënë në katin nëntokë të spitalit.

Raportohet se flakët kanë përfshirë dhomat ku ndodhet farmacia e spitalit, ndërsa është shkaktuar edhe panik tek pacientët. Ende nuk dihet nëse ka persona të lënduar, përveç dëmeve materiale. 

Edhe në muajin janar, një zjarr masiv përfshiu spitalin e Shkodrës por deri më sot nuk janë zbuluar arsyet.