Plagosi me thikë kryebashkiakun e Divjakës, lihet në burg Orges Xhelili, babai qan para Gjykatës, avokati: Donin ta dhunonin, u vetëmbrojt

avokati i Orges Xhelilit

DIVJAKË- Orges Xhelili, autori i plagosjes me thikë të kryebashkiakut të Divjakës Fredi Kokoneshit dhe shoferit të tij është lënë në masën e sigurisë "arrest me burg" nga gjykata. Në përfundim të seancës që u mbajt ditën e sotme, avokatët e Xhelilit deklaruan për mediat se konflikti nuk ndodhi për shkak të detyrës, por sepse Orges Xhelili është tentuar të përdhunohet. Sipas mbrojtësit të Xhelilit, ngjarja ka ndodhur për një konflikt të momentit që më pas ka agravuar, ndërsa pretendojnë se në trupin e autorit ka plagë, pasi sipas tyre ai është goditur nga policët në momentin që është shoqëruar në komisariat. 

"Masa është e pashikueshme në raste të ngjashme. E kanë marrë forcërisht, kanë dash me e fut forcërisht, kanë dashur me e e përdhunu' me kërkesën e kryebashkiakut. Po të donte i akuzuari të bënte kundër tij diçka, do e bënte.  Nuk ka motive për shkak të detyrës. Bëhet fjalë për inate dhe muhabete të zhargonit të përditshëm, që dukshëm në qytetin e Divjakës qarkullojnë në mënyrë të përgjithshme. Nga ana e SPAK po hetohet një rast i tenderave publik siç dihet përbotshëm në qytetin e Divjakës. Është thirrur si person që ka pasur dijeni për rastin. Nëse do të kishte pasur inate për largim nga puna, kjo nuk është kompetencë e kryebashkiakëve. Të gjitha tentativat për ta lidhur ngjarjen me detyrën, për punësimin e tij ose, kjo nuk qëndron. Është goditur nga punonjësit e policisë që kanë kapur forcërisht dhe kanë dashur ta shoqërojnë,” tha njëri prej tyre, avokati Ndue Pjetra. 

Ndërkohë që avokati Klodian Reçi shton se klienti i tij është thirrur në SPAK si person që ka dijeni lidhur me një çështje që po hetohet kryebashkiaku Kokoneshi, ndaj dhe ka nisur konflikti mes tyre. Po ashtu, sipas dëshmive të dhëna pranë avokatëve, Xhelili pretendon se kanë qenë policët bashkiakë ata që e kanë goditur më parë, gjë që për këtë ka edhe shenja dhune dhe në gjaknxehtësi e sipër Xhelili në kushtet e vetëmbrojtjes ka nxjerrë një thikë që sipas tyre nuk i kalon përmasat e armës së ndaluar dhe ka qëlluar mbi shoferin dhe kryetarin.

Kryetari i Bashkisë Divjakë, Fredi Kokoneshi u plagos me thikë bashkë me shoferin e tij më 11 nëntor, pas një debati me një punonjësin e bashkisë Orges Xhelilin. Ai kishte dalë për inspektim në një nga banesat pranë bashkisë së Divjakës në momentin që është konfliktuar me Xhelilin. Xhelili iu afrua duke e fyer, ndërsa më pas debati mes tyre ka degraduar në përdorimin e thikës nga ana e autorit. Me agresorin fillimisht është përleshur shoferi Gazmend Bullari për të mbrojtur kryebashkiakun, ndërsa të dy morën plagë në trup. Të dy të plagosurit janë jashtë rrezikut për jetën./ Dosja.al

Prindërit e Orges Xhelilit

DIVJAKË- Orges Xhelili autori i plagosjes së kryebahskiakut të Divjakës dhe shoferit të tij disa ditë më parë ka dalë sot para gjyaktës ku do të njihet me masën e sigurisë. Xhelili është shoqëruar nga prindërit e tij të cilët janë përlotur teksa shohin djalin e tyre të prangosur në fugonin që mbërriti në Gjykatë.  

I rrethuar nga forca të shumta policie, Xhelili u pa të mbante kokën ulur. Familjarët e tij ishin jashtë institucionit për të pritur vendimin. Babai Orges Xhelilit, Abas Xhelili tha se djali është provokuar nga persona që rrinë pas kryetarit. Midis tyre ka patur një debat më parë lidhur me largimin nga puna.

Kryetari i Bashkisë Divjakë, Fredi Kokoneshi u plagos me thikë bashkë me shoferin e tij më 11 nëntor, pas një debati me një punonjësin e bashkisë Orges Xhelilin. Ai kishte dalë për inspektim në një nga banesat pranë bashkisë së Divjakës në momentin që është konfliktuar me Xhelilin. Xhelili iu afrua duke e fyer, ndërsa më pas debati mes tyre ka degraduar në përdorimin e thikës nga ana e autorit./ Dosja.al

Abaz Xhelili

LUSHNJE- Abaz Xhelili, babai i Orges Xhelilit, autori i cili plagosi me thikë kryebashkiakun e Divjakës, Fredi Kokoneshin dhe shoferin e tij, Gazmend Bullari, ka folur për mediat duke thënë versionin e tij lidhur me ngjarjen, ndërsa shtoi se nuk kishte dijeni që i biri do të bënte një krim të tillë. Ndërkohë që Orges Xhelili do të dalë sot para gjykatës dhe do të njihet me masën e arrestit nga Gjykata e Lushnjes, Abas Xhelili tha se djali është provokuar nga persona që rrinë pas kryetarit, madje se kanë qenë ata që i kanë dalë para ditën e ngjarjes. 

“Ka pasur probleme me kryetarin e bashkisë se u prish miqësia, e hoqi nga puna, ka qenë emigrant dhe student i mirë, ka punuar inxhinier elektronik, shkonte në punë, ka mbaru të lartën inxhinier elektronik, absolut, nuk e marr vesh se si ndodhi shqetësimi I djalit, ne dy çuna kemi, të dy ekselentë. Ka pasur debate, ne e kemi dhe miq se mbesa e tij në Amerikë kishte djalin krushku im në Amerikë, mbesa u prish atje, u prish miqësia, ne jemi familje dëshmorësh, unë kam qenë oficer, të prishet djali im me këto rrugaçë.

Shqetësimi se e hoqi nga puna pa të drejtë. I thashë po lëre pse nuk gjen punë ti se të hoqi Fredi. Deshën të ikin në Gjermani. Filloi punë. E thirrën njëherë nga krimi ekonomik, si është problemi, me këto vjedhje. Në tv e morëm vesh, shumë keq u ndjemë, zuri punë në Tiranë, me elektroniket. Atë ditë nuk kishte probleme, erdhi nga Tirana të merrte… se ka krushkun të shtruar në spital. Vetëm të dali drejtësia se djali im nuk ka qenë problem, pastaj ka dërgu bodyguard, më vjen shumë keq,”- tha babai i tij.

Plagosja ndodhi javën e shkuar kur kryebashkiaku Kokoneshi po shkonte me makinë drejt zyrës së tij në Bashkinë e Divjakës, ndërsa atje është pritur nga 45-vjeçari, Orges Xhelili. Sapo Kokoneshi ka zbritur nga mjeti, kanë nisur debatet midis tyre dhe pas e ka qëlluar atë disa herë me thikë në pjesën e shpinës. Ndërsa ka hyrë për t'i ndarë, i plagosur ka mbetur edhe shoferi i kryebashkiakut. E gjitha duket se ka ndodhur pasi, kryebashkiaku kishte shkarkuar nga detyra 46-vjeçarin. Kjo kishte bërë që midis tij dhe Kokoneshit të kishte konflikte të vazhdueshme, deri në kulmin e sulmit me thikë.