“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Seanca për 'Plumbin e Artë' po vijon dhe ditën e sotme në GJKKO. • I penduari i drejtësisë Arion Alibej ka treguar sot episode nga vrasja e Dorian Shkozës dhe vëllezërve Haxhia. • Duke folur për ekzekutimin e Shkozës në lagjen 14 në Durrës, Alibej ka treguar se Nuredin Dumanit i ka dhënë makinën që përdori dhe armën te pazari i Rrogozhinës. • Ndërkohë që theksoi se në momentin që i mori, Dumani ndodhej me Klevis Allën, që njihej me pseudonimin 'Nipi'. • Më tej ai ka shtuar se me një të njohurin e tij i ka çuar atij 150 mijë euro, për t'i treguar që kishte para. • Ndërsa për vrasjen e vëllezërve Haxhia, Alibej para GJKKO-së tha se armët ia dha Dumanit, që ishin një pistoletë dhe dy kallashnikovë. • I penduari i drejtësisë theksoi se Nuredin Dumani për këtë vrasje ka qenë angazhuar me 'çunat' nga Fushë Kruja. • Sipas Alibejt, plani i parë ishte që të vrisnin vetëm Altin Ndocin dhe Besmir Haxhinë, por viktimë ka ngelur dhe Viktor Haxhia. • Në fund, Alibej ka treguar dhe njohjen me Plarent Dervishit dhe bisedat e tyre në SKY ECC.
6 artikuj për këtë temë.
TIRANË- Bashkëpunëtori i drejtësisë, Erion Alibej, ka treguar në GJKKO detaje nga ngjarjet kriminale që shpërthyen pas vitit 2018 në Elbasan, kur iu vra në masakrën e Bradasheshit i vëllai Endrit Alibej, xhaxhai dhe miku turk i familjes. Duke folur para GJKKO ai tregoi se pas ekzekutimit të Emiljano Ramazanit, i thirrur edhe me pseudonimin 'Ili", që punonte për Çopjat, armën e krimit me sugjerim të Dumanit, vendosën ta fshihnin te servisi i Manahasëve.
Alibej foli gjithashtu edhe për një detaj, se motra e Regis Runajt, i vrarë më 2020, ishte sekretare e gjyqtares Pajtime Fetahu në Elbasan. Fetahu mbante lidhje të ngushta sipas hetimeve të SPAK, me Çopjat dhe Suel Çelën. Një tjetër rast ishte kur Talo Çela dhe kundërshtarët po përgatisnin atentat ndaj familjes së tij dhe ai i kërkoi oficerit Palushi që të bënte aksion.
“Nuredin Dumani më thotë armën e krimit të vrasjes së Emiljano Ramazanit t’ia lëmë Seit Manahasas. Kjo për shkak se kur është vrarë Andi Zylyfi, kanë qenë të shoqëruar në polici Seiti dhe Dashnor Dumani. Klevis Kapllanaj ka shkuar ka marrë armën afër shpisë së Bujarit dhe e ka çu te Seiti, buzë autostradës. Kishte kërkuar për këtë gjë 8 mijë euro. Kur është vendosur arma i kam thënë Bujar Germizit dhe i kam thënë t’i themi Leonard Palushit dhe shko takoje. Ka shku Bujari dhe ka taku Leonardin dhe e kanë vënë në dijeni për rastin. Leonard Palushi ka bërë veprimet në policinë e Elbasanit dhe ka gjet armën.
Xhuljano Hoxha ishte në polici për t’u marrë në pyetje. Motra e Regis Runaj është sekretare e Pajtime Fetahut, ishte në polici dhe i thotë Xhuljano Hoxha, të fala ke nga Keli, sa lekë do, hap gojën dhe trego. Agim Lleshi punonjes i policisë Elbasan i them unë se ishte e pranishme motra e Rigers Runajt.
Leonard Palushi, isha gati për t’i thënë info për Talo Çela. E thërras dhe i them Palushit dhe bëjnë operacionin, kam pas vetëm komunikime në telefona normal, ose Signal, ose Whatsapp. Me vjen në mëngjes mesazhi nga Palushi dhe më thotë: "Vëlla, e kryva". Dhe i them unë, kë, Talon? Jo, më thotë, Ervis Dakën dhe pashë në televizor që kishin kapur armë dhe municione. Dhe kisha info që po përgatiteshin për sulm ndaj familjarëve të mi”, tha Alibej.
TIRANË- I penduari i drejtësisë vijon me dëshminë e tij në seancën për "Plumbin e Artë" në Gjykatën e Posaçme. Alibej ka rrëfyer se si Mikael Qosja i kishte ofruar Nuredin Dumanit , 2 milionë euro për ta vrarë.
Sipas tij, Dumani i kishte thënë se do gjysmat e lekëve dhe Talo Çelën. Ai ka treguar se Qosja kishte lidhur kontakt me Dumanin, pasi ky i fundit kishte qëndruar disa ditë tek banesa e Alibejt, gjatë kohës së Covidit
“Nuredini lidhi kontakt me Mikael Qosen gjate kohës që ishte në shtëpinë time. Ai i dërgon Nuredinit një foto ku ishte një tavolinë e madhe me shumë euro. Aty ishte shkruar pseudonimin "krymi". Ke 2 mln euro i thotë. Në tavolinë kishte me shkrim dore datë, orë dhe vite. Viti 2020. Sipas Nuredinit, i thotë unë dua gjysmat e lekëve dhe i formacion. Por ti do më japësh Talo Çelën. Ai i ka thënë vrit Erjonin dhe më pas të nxjerr unë Talo Çelën. Bëhej informator me të gjithë kundrejt pagesës.
Nuredini ka qëndruar disa ditë te shtepia ime dhe kemi fol për ngjarjet. Ka qenë kohë Covid-i, doja të lidhte kontakt Nuredini dhe Dashnor Dumani dhe kam dërgu nje aplikacion Sky ECC që të fliste. Atje rrinte me një shok të Nuredinit në Gjermani dhe i ka shpejgu se ça ka ndodh me vrasjen e Endirit dhe xhaxhait.
Lidhim më pas kontakt me Mikael Qosjen nëpërmjet Elio Bitrit, i cili bëhej informator me të gjitha grupet që paguanin. Dhe Dumani i thotë që jam unë pas vrasjes në Durrës, Mikaeli i dërgon një foto, ishte një tavolinë e madhe, ishin shumë euro. Kemi 2 mln euro me vra Erjon Alibej. Ka qenë edhe një shkrim dore ku shkruhej datë, muaj, orë.
Sipas Nuredinit, edhe i thotë un du gjysmën e lekëve dhe Talo Çelën si këmbim. Dhe Mikaeli i thotë, ti vrit Erjonin dhe të jap unë Talon. Mikael Qosja i thotë Nuredinit ‘pushka top t’u beftë’ dhe aty ishte biseda e fundit. Mbaj mend që ka pas një foto të flamurit kanadez, po nuk mbaj mend emrin”, tha Alibej.
TIRANË- Erjon Alibej nxjerr detaje nga veshjet që përdornin për vrasjet në bënin. Duke folur para GJKKO-së, Alibej ka theksuar se veshjet si të OFL-së i porosisnin në Kosovë dhe më pas i merrte në Kukës vetë. Më tej, Alibej është shprehur se këto veshje ia ka dorëzuar Nuredin Dumanit.
"Kam pas dhe një mik në Kukës, Bujar Gërmizin, i thashë Nuredinit “ke nevojë për disa veshje si të OFL-së?” Më tha “po”, dhe nga Bujari mora disa veshje si të OFL-së, policisë dhe ia kam dhënë Nuredinit, jelekë dhe kambale, me mbishkrimin OFL. Janë bërë në Kosovë veshjet, unë i mora në Kukës," tha Alibej.
TIRANË- I penduari i Drejtësisë Erjon Alibej ka treguar detaje nga vrasja e vëllezërve Haxhia dhe Altin Ndocit. Alibej para GJKKO-së ka treguar se armët ia dha Dumanit, që ishin një pistoletë dhe dy kallashnikovë.
I penduari i drejtësisë theksoi para gjykatës së Nuredin Dumani për këtë vrasje ka qenë angazhuar me 'çunat' nga Fushë Kruja. Sipas Alibejt, plani i parë ishte që të vrisnin vetëm Altin Ndocin dhe Besmir Haxhinë, por viktimë ka ngelur dhe Viktor Haxhia.
"Gjithashtu vijoja investigimin per Altin Ndocin, ky shkonte shpesh ne durres tek vellezerit Haxhia. Klevis Alla kishte pa nje dit Talon tek shpia e vellezerve Haxhia, por Nuredini e mori me rezerva. Per vrasjen e vellezerve Haxhia i kam dhene Nuredinit 2 kallash dhe 1 pistolete mesa kujtoj, ca me kerkonte ja jepja. Armet ja dhash bashk me makinen, plani ishte per te vrare Altin Ndocin dhe Besmir Haxhine, jo Viktorin. Doli shpejt ne tv lajmi qe e mora vesh, edhe ne lajme qe u gjet e braktisur toyota, i thash Nuredinit pse shenja gjaku ne makine, me tha kemi gjujt me xhama mbyll dhe nga ciflat esht lendu me kemb “kusho”. Pastaj u shoqeru “nipi” ne polici dhe Nuredini mtha “mduket se ky po flet” dhe sa mora vesh e kishte mar vesh nga komshijte, nga “miri pojes” qe Nuredini e kishte mik," tha Alibej.
TIRANË- I penduari i Drejtësisë Erjon Alibej ka treguar detaje nga vrasja e Dorian Shkozës që ka ndodhur në vitin 2020 në lagje n 14 në Durrës. Alibej para GJKKO-së ka treguar se Nuredin Dumanit i ka dhënë makinën që përdori dhe armën te pazari i Rrogozhinës.
Ndërkohë që theksoi se në momentin që i mori, Dumani ndodhej me Klevis Allën, që njihej me pseudonimin 'Nipi'. Më tej ai ka shtuar se me një të njohurin e tij i ka çuar atij 150 mijë euro, për t'i treguar që kishte para.
“ Ja dhashë makinën dhe armët te pazari i Rrogozhinës, ishte me Klevis Allën kur i mori. Më pas, Nuredini kërkoi dhe 50 mijë euro. Ia çova me një mikun tim. Ia dhashë gjithsej 150 mijë euro, që të shikonte që kisha lek dhe të kishte besim. Per Dorjan Shkozen kam paguar 100 mije euro, nga hoxha jane bler disa arme, varionin cmimet nga 500-1000 deri 3500 euro. Nuk e di fiks se kontaktet me “hoxhen” i kishte Sander Baho. Me nuredin dumanin jam takuar pas vrasjes se vellezerve Haxhia. Por me nuredinin isha ne kontakt te vazhdueshem, Henrik Hoxhen se njifja vetem kam degjuar qe kishte pseudonimin “kusho” edhe “nipi” qe i drejtohej Klevis Allës. Me Nuredinin flisja per Talo Çelën qe pas vrasjes se Dorjan Shkozes do u bente i gjalle apo jo.”, u shpreh ai.
TIRANË- I penduari i Drejtësisë Erjon Alibej ka treguar pseudonimet e Plarent Dervishit në aplikacionin SKY ECC. Gjatë dëshmisë në gjyq ditën e sotme, Alibej ka theksuar se në Plarent Dervishin ka folur në SKY ECC në lidhje me Talo Çelën. Ndërkohë që më tej ka theksuar se Dervishi ka pasur kodet në SKY ECC me emrat ‘Barcelona’ dhe ‘Ghost’.
“Në Sky ECC më shkruante Plarent Dervishi. Kam pasur kontakt me të. Ai kishte kodet ‘Barcelona’ dhe ‘Ghost’. Më tha: ‘Mbohet qefi që e ke gjet Talo Çelën’. U habita si e dinte, por më pas u kujtova që Plarenti kishte shumë muhabet me Festim Qolin”, tha Alibej.
