Rritet revolta në Francë/ Vdes një protestues, 1 mijë të arrestuar dhe 249 policë të plagosur, Macron: Fëmijët mbajini në shtëpi

Gregory Doucet

FRANCË- Kryetari i bashkisë së Lionit, Gregory Doucet ka bërë thirrje që policia kombëtare të dërgohet në qytetin jugor për të garantuar sigurinë sonte.

Sipas mediave franceze, ministria e brendshme e vendit ka konfirmuar se do të dërgojë një njësi policore të quajtur CRS 8, e përbërë nga 60 oficerë të specializuar për dhunën në zonat urbane, shkruan BBC. 

Siç raportuam më herët, Lioni ishte një nga pikat e nxehta në trazirat e mbrëmshme, ku 35 oficerë mbetën të plagosur dhe se tetë ndërtesa publike u sulmuan, duke përfshirë një stacion policie. 

Pamje nga protesta në Francë

FRANCË- Varrimi i Nahelit 17-vjeçarit që u qëllua për vdekje nga efektivi i policisë, filloi në orën 11:00 (09:00 GMT) pranë Nanterre. Le Monde raportoi se një numër i madh banorësh të Nanterres dhe miqve të tij u dyndën në shtëpinë e funeralit për të bërë nderimet e tyre. Varrimi do të ndjekë praktikën myslimane.

Familja e Nahelit ka kërkuar që funerali të jetë privat dhe Le Monde raporton se gazetarët në shtëpinë e funeralit po largohen me dashamirësi, shkruan BBC.

Ceremonia e varrimit do të vazhdojë në xhaminë Ibn Badis në Nanterre, ku do të kryhet falja e xhenazes myslimane. Autoritetet e qytetit kanë ngritur barriera për të kanalizuar turmën.

Foto ilustruese

FRANCË- Detaje për vrasjen e 17-vjeçarit Nahel. M në Francë. Një i ri i cili pretendon se ndodhej në makinën ku 17-vjeçari u qëllua për vdekje nga policia, ka treguar se çfarë ndodhi në incidentin që shkaktoi trazira mbarëkombëtare. 

Sipas Sky News, i riu, i cili postoi mesazhin e tij në rrjetet sociale, thotë se dëshiron që të merret vesh e vërteta pasi shumë gënjeshtra po qarkullojnë për incidentin që ndodhi në Nanterre, një qytet i vogël në periferi të Paris, mëngjesin e 27 korrikut.

Duke premtuar se do të tregojë historinë “nga A në Z”, i riu shpjegon në video se miqtë e kanë marrë hua Mercedesin dhe vendosën të lëvizin nëpër Nante, pa konsumuar as alkool e as drogë.

Teksa po lëviznin në korsinë e autobusit, kanë vënë re se po ndiqeshin nga policia. Më pas, një oficer policie iu afrua xhamit të makinës, i tha Nahelit të hapte dritaren dhe më pas i tha atij të fikte makinën ose do ta qëllonte. I riu pretendon se më pas oficeri ka goditur Nahelin me dorezën e armës. Më pas mbërriti polici i dytë dhe gjithashtu goditi Nahelin në të njëjtën mënyrë.

Shoku i Nahelit vazhdon duke thënë se polici i parë i drejtoi armën Nahelit dhe i tha: “Mos lëviz se do të të fus një plumb në kokë.” Oficeri i dytë i tha “gjuaj”, sipas dëshmisë së mikut të Nahelit.

U pasua nga një tjetër goditje ndaj Nahelit nga oficeri i parë i policisë me dorezën e armës, që rezultoi që 17-vjeçari të hiqte këmbën nga frena dhe makina të ecte përpara. Më pas oficeri i dytë qëlloi, kështu që Naheli vuri këmbën e tij te pedalja e gazit. Në videon që bën xhiron e rrjetit, i riu shpjegon se “pa shokun e tij duke vuajtur” pasi u godit nga një plumb.

“Kisha frikë. Dola nga makina. Mendova se do të më qëllonin edhe mua, ndaj ika. Jam i tronditur nga ajo që ndodhi para meje, me shokun tim”, tha ai. 

Varrimi i 17-vjeçarit Nahel do të bëhet sot. Gjithsej 1311 persona u arrestuan mbrëmë në Francë, incidenti i katërt radhazi i dhunshëm që nga vdekja e adoleshentit.

Francë

FRANCË-  Tre oficerë në rajonin e Rhone u qëlluan nga një burrë që mbante një pushkë gjatë protestave mbrëmjen e djeshme, shkruan BBC. Sipas raportimeve, oficerët u zunë pritë nga dikush që fshihej pas një muri kur u qëlluan në këmbë. 

"Ne kemi kaluar një vijë të kuqe. Nuk kemi parë një gjë të tillë më parë këtu dhe është shumë shqetësuese," citohet nga transmetuesi BFMTV të ketë thënë një anëtar i policisë për rajonin e Rhone.

Protestat e dhunshme vijnë pas vrasjes së 17-vjeçarit Nahel.M nga një efektiv i policisë rrugore. 

Si ndodhi ngjarja? 

Nahel, 17 vjeç, u qëllua të martën në makinën e tij, pasi nuk ndaloi kur u urdhërua. Një video që qarkullon në rrjetet sociale, tregon një oficer policie që i drejton armën shoferit të një makine, përpara se të dëgjohet një e shtënë. Makina më pas përplaset. Adoleshenti vdiq si pasojë e plagëve të plumbave në gjoks, pavarësisht ndihmës së urgjencës. Oficeri policor që dyshohet se qëlloi, u arrestua nën akuzën për vrasje.

Pamje nga protesta për vrajsen e Nahel në Francë

FRANCË- Varrimi i Nahelit 17-vjeçarit që u vra padrejtësisht nga efektivi i policisë rrugore disa ditë më parë, do të bëhet në qytetin e tij të lindjes, Nanterre, këtë pasdite.

Mediat franceze raportojnë se njerëzit tashmë po mblidhen në shtëpinë e funeralit për t'i bërë nderimet e tyre Nahelit dhe familjes së tij. Varrimi do të jetë tërësisht privat dhe avokatët e nënës së 17-vjeçarit kanë kërkuar nga mediat që të qëndrojnë larg varrezave, shkruan BBC. 

Situata në Nanterre ka qenë e tensionuar që kur Nahel u qëllua për vdekje me armë zjarri nga efektivi i policisë rrugore.  Edhe pse nuk janë planifikuar tubime publike që të përkojnë me funeralin, ato mund të ndodhin spontane.

Nahel

FRANCË- Adoleshenti 17-vjeçar, Nahel, u qëllua për vdekje nga policia mëngjesin e së martës gjatë një ndalimi trafiku në periferi të Parisit, Nanterre, ngjarje e cila ka rindezur protestat e dhunshme në disa zona të vendit. 

Tragjedia ka ngjallur revoltën e kahershme për policinë dhe profilizimin racor në periferitë me të ardhura të ulëta dhe multietnike të Francës. Videot e takimit të Nahelit me policinë kanë përforcuar protestat pasi dëshmitarët okularë dhe videoja e kamerave të sigurisë kundërshtuan narrativën zyrtare, shkruajnë mediat e huaja. 

Oficeri që qëlloi ndaj Nehal do të hetohet për vrasje me dashje. Oficeri i akuzuar, megjithatë, pohon se ai ka qëlluar me armë nga frika se djali do të përplaste dikë me veturë.

Familja e adoleshentit nuk e ka bërë të ditur mbiemrin e tij. Nahel punonte si shofer transporti. Për tre vitet e fundit, ai kishte qenë një anëtar aktiv i klubit të regbi Pirates of Nanterre dhe donte të bëhej elektriçist. 

Nahel ishte fëmija i vetëm i rritur nga nëna e tij Mounia. Ajo pretendoi se djali i saj u vra sepse kishte një "fytyrë arabe". "Oficeri pa një fytyrë arabe, një fëmijë të vogël dhe donte t'i merrte jetën," tha ajo për mediat.

Si ndodhi ngjarja? 

Nahel, 17 vjeç, u qëllua të martën në makinën e tij, pasi nuk ndaloi kur u urdhërua. Një video që qarkullon në rrjetet sociale, tregon një oficer policie që i drejton armën shoferit të një makine, përpara se të dëgjohet një e shtënë. Makina më pas përplaset. Adoleshenti vdiq si pasojë e plagëve të plumbave në gjoks, pavarësisht ndihmës së urgjencës. Oficeri policor që dyshohet se qëlloi, u arrestua nën akuzën për vrasje.

FRANCË-  Mediat franceze raportojnë se një 19-vjeçar ra nga çatia e një supermarketi në Rouen në orët e para të së premtes dhe ndërroi jetë më vonë në spital.  Nuk konfirmohet ende nëse ai ka qenë pjesë e protestave.

Policia njoftoi se ngjarja ndodhi në periferi të Petit-Quevilly në një qendër tregtare e cila po grabitej nga rebelët. Një burim i zyrës së prokurorisë publike tha më herët për BFM TV se supermarketi nuk ishte subjekt i një tentative për grabitje. 

Si ndodhi ngjarja? 

Nahel, 17 vjeç, u qëllua të martën në makinën e tij, pasi nuk ndaloi kur u urdhërua. Një video që qarkullon në rrjetet sociale, tregon një oficer policie që i drejton armën shoferit të një makine, përpara se të dëgjohet një e shtënë. Makina më pas përplaset. Adoleshenti vdiq si pasojë e plagëve të plumbave në gjoks, pavarësisht ndihmës së urgjencës. Oficeri policor që dyshohet se qëlloi, u arrestua nën akuzën për vrasje.

Zjarri

FRANCË- Qendra tregtare Croix-Blanche, në jug të Parisit, është përfshirë nga flakët. Kjo ka ndodhur përgjatë trazirave që kanë shpërthyer në Francë pas vdekjes së 17-vjeçarit Nael nga policia.

Reparti i zjarrfikësve po punonte për të shuar zjarrin, por qendra tregtare e Mes-sur-Seine, e cila është pjesë e Ile-de-France, ishte shkatërruar plotësisht.

Në vendngjarje shkuan forca të konsiderueshme, mirëpo flakët u përhapën në të gjitha godinat e qendrës tregtare që kishte 30 dyqane. 

Probleme ka patur edhe nga tymi, për pasojë bashkia ka marrë vendimin për mbylljen e shkollave Kami dhe Abey. Në të njëjtën kohë, këshilli i qytetit anuloi të gjitha ngjarjet e planifikuara për fundjavën.

Video dhe foto të qendrës tregtare në flakë janë postuar tashmë në rrjetet sociale. Megjithatë, presidenti francez Emmanuel Macron akuzoi mediat sociale se luajnë një rol të rëndësishëm gjatë trazirave, duke lehtësuar organizimin e protestave./Dosja.al

Protesta

FRANCË- Presidenti Macron u përball me thirrjet për të vendosur një gjendje të jashtëzakonshme pasi vendi po futet në natën e katërt të kaosit pas protestave për vrasjen e 17-vjeçarit.

Mijëra persona plaçkitën disa nga qytetet kryesore të Francës, ndërsa policia lokale deklaroi se ata janë arrestuar, mirëpo ka dhe të tjerë që janë ende kërcënim. 

Zyra e Jashtme e Britanisë lëshoi ​​​​një alarm për turistët që mendonin të udhëtonin në Francë, pasi dhuna vazhdoi të thellohej pas vrasjes së 17-vjeçarit Nahel Merzouk, i cila u 'ekzekutua' nga policia franceze.

Funerali i adoleshentit po mbahet sot në sfondin e pjesëve të mëdha të Francës duke u përfshirë nga zjarret, dhuna dhe trazirat shkatërruese.

Mbrëmë në rrugët publike ka pasur më shumë se 3800 zjarre, ndërsa më shumë se 500 ndërtesa janë djegur. 45,000 oficerë u vendosën në një përpjekje të dëshpëruar për të rimarrë kontrollin. Por presidenti francez është kritikuar se nuk ka vepruar mjaftueshëm shpejt. 

Eric Ciotti, kreu i Partisë Republikane tha se vendi i tij "është në buzë të një gremine" dhe se "ne duhet të bëjmë një luftë të pamëshirshme kundër dhunës dhe të shpallim një gjendje të jashtëzakonshme në të gjitha zonat e prekura".

Inteligjenca e brendshme e parë nga gazeta franceze Le Monde ka paralajmëruar gjithashtu presidentin se trazirat mund të bëhen gjithnjë e më të 'përhapura' dhe të vazhdojnë për 'netët e ardhshme'.

Dy nga sindikatat më të mëdha të policisë në vend kanë kërcënuar me revoltë nëse Macron nuk rivendos rendin./Dosja.al