Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Seanca parlamentare për zgjedhjen e anëtarëve të rinj të qeverisë do të vazhdojë në orën 20:00 dhe tashmë ka filluar seanca për pyetje deputetësh. • Kryetari i Kuvendit, Talat Xhaferi e ndërpreu mbledhjen e 104 -të për rikonstruimin e qeverisë, pasi filloi seanca plenare për pyetje deputetësh. • Për diskutimin e pikës së dytë nga seanca e 104-të, propozimin për zgjedhjen e anëtarëve të qeverisë u paraqitën 38 deputetë. • Më herët pas disa ditësh debat u shkarkuan ministrat e Shëndetësisë Bekim Sali, ai për Shoqëri Informatike dhe Administratë Admirim Aliti dhe ministri i Diasporës Xhemail Çupi. • Xhaferi tha se për zgjedhjen e anëtarëve të qeverisë hapet debat i përgjithshëm dhe votimi është individualisht. • Në rend të ditës së seancës së 104-të janë edhe emërimet e ministrave të rinj, Fatmir Mexhitit për ministër të Shëndetësisë, Azir Aliut për ministër të Shoqërisë Informative, Krenar Logës për ministër të Drejtësisë dhe Kaja Shukova për ministre të Ambientit Jetësor.
3 artikuj për këtë temë.
SHKUP- Gjatë seancës së sotme për pyetje deputetësh në Kuvendin e Maqedonisë së Veriut, ka pasur debate të ashpra mes deputetëve të VMRO-DPMNE-së dhe Zëvendëskryeministrit, Artan Grubi. Ky i fundit, gjatë një përgjigjeje drejtuar deputetëve opozitarë të VMRO-së, e quajti partinë e tyre si shoqatë kriminale.
“Partia e vetme në vendin tonë që ka pranuar, nga Mile Janakievski, nga Gordana Jankulloska, nga Martin Protugjer, Ilija Dimovski, Elizabeta Çingarovska, se është shoqatë kriminale e vërtetuar me aktvendim në gjykatë, VMRO-DPMNE, me pranimin e bashkëpartiakëve tuaj që kanë qëndruar këtu dhe në Qeveri. Edhe Sasho njëkohësisht edhe Nikolla Gruevski, e gjithë shoqëria juaj. Ata janë baballarët tuaj, ju jeni kryqëzuar në Nikollën dhe Sashon, ju jeni frikësuar ta shihni në sy. Betoheni për ta”, tha Grubi.
SHKUP- Dhjetë ditë pas fillimit të seancës për shkarkimin e ministrave të Alternativës dhe emërimin e anëtarëve të ri të Qeverisë, Kuvendi sot shkarkoi ministrin e Shëndetësisë, Bekim Sali, atë të Shoqërisë Informatike dhe Administratës, Admirim Aliti si dhe ministrin pa resorë, Xhemail Çupi. Nga 105 deputetët e pranishëm në sallë, për shkarkimin e Salit votuan 65 deputetët dhe asnjë kundër dhe të përmbajtur, ndërsa për shkarkimin e dy të tjerëve, për votuan 64 dhe një kundër. Deputeti i LSDM-së, Martin Kostovski tha se me këtë, sot është konfirmuar përforcimi dhe rritja e shumicës parlamentare.
“Me përfundimin e rikonstruimit, sigurojmë stabilitet politik, rritje të efikasitetit të Kuvendit dhe miratim më të shpejtë të ligjeve. Ajo do të kontribuojë të vazhdojnë me përshpejtim me realizimin e reformave në ekonomi, në gjyqësor dhe në raport me integrimin e vendit në BE”, tha Martin Kostovski, LSDM
Ndërkohë, kryetari i grupit parlamentare të VMRO – DPMNE-së, Nikolla Micevski tha se, kjo parti nuk e votoi shkarkimin e ministrave, pasi vlerëson se krijimi i shumicës së re parlamentare nuk është e bazuar në parime.
“Grupi i deputetëve i VMRO – DPMNE-së nuk votoi për shkarkimin e ministrave në këtë rikonstruim të Qeverisë së Kovaçevskit sepse, sikurse edhe para një viti, ashtu edhe tani kemi situatë të harnimit të shumicës pa qëllim të qartë, pa program, pa vizion. Kjo është situatë, do të thoshin njerëzit, ku nga njëra anë harnojnë, ndërsa nga ana tjetër u shkëputet shumica qeveritare, sepse thjesht tash më ka humbur tërësisht legjitimiteti i qytetarëve”, tha Nikola Micevski, VMRO – DPMNE.
SHKUP- Seanca parlamentare për zgjedhjen e anëtarëve të rinj të qeverisë do të vazhdojë në orën 20:00 dhe tashmë ka filluar seanca për pyetje deputetësh. Kryetari i Kuvendit, Talat Xhaferi e ndërpreu mbledhjen e 104 -të për rikonstruimin e qeverisë, pasi filloi seanca plenare për pyetje deputetësh.
Për diskutimin e pikës së dytë nga seanca e 104-të, Propozimin për zgjedhjen e anëtarëve të qeverisë u paraqitën 38 deputetë, ndërsa më herët pas disa ditësh debat u shkarkuan ministrat e Shëndetësisë Bekim Sali, ai për Shoqëri Informatike dhe Administratë Admirim Aliti dhe ministri i Diasporës Xhemail Çupi. Xhaferi tha se për zgjedhjen e anëtarëve të qeverisë hapet debat i përgjithshëm dhe votimi është individualisht.
“Një debat i përbashkët, ndërsa votimi individualisht”, tha ai.
Në vërejtjen procedurale, koordinatori VMRO-DPMNE-së, Nikolla Micevski tha se spikeri Xhaferi më parë kishte lejuar prononcim individual, ose diskutim për secilin prej tre ministrave të shkarkuar, ndërsa tani unifikon diskutimin për katër ministra në një.
“Është logjike që në një tension të tillë, në aq ministra të mbledhur për shkarkimin e kolegëve të tyre, të lejoni të bëhet debat individual për të gjithë këta katër propozim- kandidatët që të diskutojmë. Në fund të fundit askush nuk ju mbron të votoni dhe të përfundoni me shkeljen e Rregullores”, tha Micevski.
Ai para votimit për shkarkimin e ministrave nga Alternativa në mënyrë procedurale akuzoi se zhvendosja e fillimit të seancës për pyetje deputetësh është me qëllim që të pengohet opozita për të bërë pyetje.
“Një precedent të tillë me pyetje deputetësh nuk ka pasur dhe ju jeni një pionier inovator në shkeljen e Rregullores”, ka thënë Micevski dhe kërkoi që seanca për shkarkimin e ministrave të caktohet në orën 19:00.
Xhaferi u përgjigj se vendimi për prolongimin e fillimit të seancës për pyetje deputetësh është marrë konform me rregullat e Rregullores së Kuvendit
