Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Skandali ‘partygate’ që e largoi Boris Johnson si kryeministër të Britanisë së Madhe është rikthyer sërish për ta përndjekur atë! Johnson po merret në pyetje nga deputetët pas akuzave se ai ka mashtruar Parlamentin gjatë kohës së pandemisë, duke organizuar festa të shfrenuara që nuk ishin të lejueshme për shkak të grumbullimit të njerëzve. • Në fillim të seancës, ai u betua mbi Bibël që do të thoshte të vërtetën. Kryetarja e Komitetit Harriet Harman e paralajmëroi se hetimi është i rëndësishëm dhe se ai do të ndëshkohej. • Johnson pranon se ai e mashtroi Dhomnën e Komunave, por që nuk e ka bërë këtë gjë me qëllim, duke argumentuar se ai ndoqi të gjitha këshillat e dhëna nga stafi i tij. • Një prej tyre tha se ai kurrë nuk e këshilloi kryeministrin e asaj kohe për organizimin e festave dhe se i kishte kërkuar të ndiqte gjithmonë rregullat dhe udhëzimet • Një tjetër thotë se ai e këshilloi Johnson të mos thoshte se të gjitha udhëzimet ishin ndjekur gjithmonë, pasi mund të kishte gabuar në ndonjë prej tyre dhe të zbulohej. Siç edhe ndodhi. Seanca vijon. • Johnson është kryeministri i parë britanik që ka kryer një vepër penale dhe është nën akuzë për organizimin e një feste të ‘shfrenuar’, teksa gjithë bota ishte nën masa të rrepta të kufizimeve për shkak të koronavirusit. Në atë kohë, ai pagoi gjobën prej 50 mijë paundësh. • Skandali ‘partygate’ e detyroi Johnson të dorëhiqej në atë kohë nga posti i kryeministrit. Mediat britanike shkruanin në atë kohë se stafi i Boris Johnson kishte bërë edhe seks në një festë në Downing Street në prag të funeralit të Princit Philip.
3 artikuj për këtë temë.
BRITANI E MADHE- Boris Johnson vijon të këmbëngulë se nuk ka shkelur asnjë rregull në festat e shfrenuara që u zhvilluan gjatë pandemisë, të cilat ai i konsideron takime pune. Johnson u përball me fotot nga tavolina e shtruar dhe u pyet nga deputetët nëse shishet me verë ishin vërtetë të nevojshme në një takim pune.
Johnson tha me humor se nuk e dinte që të premteve, njerëzve nuk u lejohej që të pinon alkool gjatë pandemisë.
"Ishte gjithçka sipas rregullave. Kam frikë se nuk e dija që gjatë pandemisë, njerëzve nuk u lejohej të pinin të premteve. Nuk ishte vetëm falenderim për stafin që në atë kohë po largohej, por edhe për motivimin e atyre që do të vijonin të punonin me thua. Ne e kemi zakon dollinë, unë nuk shoh ndonjë shenjë dehjeje,”- thotë Johnson.
BRITANI E MADHE- Vijon prej më shumë se dy orësh marrja në pyetje Boris Johnson, ish-kryeministrit të Britanisë së Madhe. BBC shkruan se Johnson e ka nisur deklaratën e tij, duke komentuar fotot dhe videot nga festat e shfrenuara për të cilat akuzohet se ka organizuar gjatë pandemisë së Covid-19, duke shkelur masat kufizuese. Ai thotë se do të besoj deri në vdekje që ishte detyra e tij si kryeministër që të falenderonte stafin për punën që kishin bërë, duke shtuar se distanca ishte ruajtur. Me humor, ai tha se mes tyre nuk kishin asnjë rreshter që tu maste distancën në çdo moment, por që ishin munduar ta respektonin vetë.
“E gjithë kjo marrje në pyetje është teorikisht e parëndësishme, por unë do ta ndërmarr hapin tim. Gjithçka e kam bërë me mirëbesim. Nuk jam nisur për të mashtruar askënd. Përsa i përket distancimit social në festën e zhvilluar, ju them se ishte një shtëpi e ngushtë, por që kishim hapësirë. Sigurisht që do të ishte e pamundur që të kishim dikë atje që të na maste distancën mes nesh gjatë gjithë kohës. Jemi minimizuar që të kufizojmë përhapjen e Covid, duke përfshirë një numër të madh njerëzish që i lamë të punojnë nga shtëpia, duke i mbajtur dritaret hapur dhe duke punuar në ambiente të hapura sa më shumë që të jetë e mundur. Këto që thoni ju mund të kenë zgjatur 15 apo 20 minuta. Maksimumi 25. Dhe e gjitha ishte për të falenderuar stafin për punën e palodhur. Derisa të vdes do ta besoj një gjë të tillë. Ishte detyra ime si kryeministër që të falenderoja stafin për punën e palodhur që kishin bërë,”- tha Johnson.
ANGLI- Ish-kryeministri Boris Johnson ka deklaruar në fillim të fjalës së tij para Komisionit se ky hetim ka të bëjë me faktin nëse ai ka mashtruar qëllimisht parlamentin, jo nëse festat kanë ndodhur apo jo. Pasi u betua me dorë mbi Bibël, se nuk do të gënjejë, Johnson ka thënë se deklaratat e tij në kohën që ka udhëhequr 'Numrin 10' janë bërë me mirëbesim.
Boris thotë se pamjet nga festat, të publikuara nga mediat hedhin poshtë shkeljen e rregullave. Fakti që ato janë marrë nga një fotograf zyrtar do të thotë se ishin brenda rregullave.
“Këto foto tani janë shpërndarë nëpër media për më shumë se një vit dhe duket se është pikëpamja e komisionit dhe fatkeqësisht shumë anëtarëve të publikut, që më tregojnë mua duke marrë pjesë në ahengje që thyejnë rregulla ku askush nuk ishte në distancim social. Ato nuk tregojnë asgjë të tillë, më tregojnë duke falenderuar disa fjalë në një aktivitet pune për një koleg që po largohet. Ato tregojnë disa njerëz që qëndrojnë së bashku, siç lejohet nga udhëzimi, ku distancimi social nuk është i mundur dhe ku merren masa lehtësuese. Ato tregojnë ngjarje në të cilat unë nuk jam gjobitur kurrë për pjesëmarrje," tha Johnson.
